فصلية الضابط صكر

بارت ١

هاي ❤️

صكر : كعدت الصبح سبحت ومشطت شعري ولبست ملابس الدوام و نزلت لكيت امي وابوي وجدي وجدتي كاعدين صباح الخير

الكل : صباح النور

صكر : بست راسهم وايديهم وتريكت ورحت لدوامي ب ليل ارد للبيت طبعا اني اداوم ٣ ايام بالاسبوع وباقي الايام اكعد بالمضيف

ميار : كعدت الصبح مثل كل يوم على دفرات بطني كعدت لكيتها مرت عمي

مرت العم : كومي ولج يلا على شغل البيت شنو اني بتليت بيج

ميار : حاظر عمة هسة انزل

مرت العم : يلا علسريع لان ويلادي جوعانين سويلهم ريوك وكملي تنظيف البيت

ميار : حاظر  غسلت وجهي وبدلت ملابسي ونزلت سويت ريوك وكملت تنظيف وسويت الغدة تكسرت احس ظهري نقسم نصين رحت لغرفتي صليت ودعيت شوكت الله يخلصني من هل بيت يعني طفله ما ادرس مثل كل طفل ما عندي اهل اطلب منهم الي اريده كملت صلاتي ونزلت صبيت الهم الغدة واجا عمي صاحني عل غدة كتله لا عمو ما اشتهي اكل اني لمن اجوع اكل طبعا اني ميته جوع بس مرت عمي ما تقبل اكل معاهم تكلي انتي هنا خدامه وبس رحت لغرفتي نمت شوية وكعدت على صوت صريخ مرت عمي

نزلت حتى اشوف شنو الي صار محد جاوبني بعدين اجا عمي وكال شنو الي صار

انو عمار جان سكران و كتل واحد من اهل البصرة ومن عشيرة وكالو احنا نريد دم ابنا وعمار هرب ومحد يعرف وينه

صكر : جنت بالدوام واتصلت على ابن عمي محمد طبعا اني ومحمد اصدقاء كلش اتصلت عليه ماكو اتصلت على عمي كال راح لبغداد علمود معامله

صار الليل اتصلت عليه مارد اتصلت مره الخ رد عليه واحد كتله هلو محمد كال اني مو محمد محمد انكتل مضروب سجينه اني كمت على حيلي وكلت شلون هسة هوة وين

المتصل : ب مستشفى........

صكر : ماشي هسة اني جايكم اخذت سيارتي ورحت للمشتشفى شفته بالثلاجة و ميت من صحيح نزلت دمعتي عليه هذا اخويا مو بس ابن عمي كل اسراري يمه و اتصلت على عمامي وكلتلهم على الي صار واجو زلم العشيرة والشيوخ المستشفى املت زلم اخذنا واتفقنا بعد الفاتحة الكعدة كلت اله اندمهم سوينا الفاتحة وخطية عمي كلش مقهور على ابنه الله يصبرة

خلصت الفاتحة واليوم الكعدة

لبست لبش شيوخ لان هاي كعدة ورحنه لبغداد استقبلونا وجدي حجة

الجد : السلام عليكم

الكل : وعليكم السلام هلا بالشيخ

الجد : يابه احنا جايين ونريد ناخذ حك ابنا الي مات واني ما اريد اسويها بالدم لان راح تكبر المشكله اكبر واكبر