فصلية الضابط صكر

بارت ٢٠

هلو حبايب ♥️

صكر : ترخصت من حسن ورحت كلت الجدي و ابويا انو باجر راح يجيب اهلة

راح اعرفكم عن حسن

حسن : مرحبا اني حسن عمري 31 صح اني جبير و هسة تكولون ليش ما متزوج طبعا اني كلش اكره الزواج والبنات احسهن مو وفيات
المهم اني ضابط  وي صكر طبعا صكر صديقي واخوية و بيت اسراري و كلش احبه اني صديقة من الطفولة و رحنه نفس الكليه لان هذا حلمنه من احنا و صغار والحمد لله تحقق
مواصفاتي بشرتي اسمر و معضل وعيوني لون عسلي
طولي 180 و ضخم معضل تعرفون من التدريبات

يوم من الايام رحت لبيت صكر دكيت الباب و فتحتلي بنية شابه يابه مو بنية ملاك سبحان الله لمن شفتها كلت الها صكر بالبيت كالت لا صوتها دوخني مع العلم اني مو ابلي هاي السوالف بس اول مرة اشوف هيج جمال دخلت كلبي هل بنت طبعا عرفت هاي اخت صكر مريم لان قبل جنا نروح عليهم و همة يجون علينا
ابوية توفه الله يرحمه و اني شلت عيلتي من بعدة امي و اخواتي ثنين و اني الجبير

خواتي لمار و ريما

لمار  عمرها 24 متزوجه ابن عمي خوش ولد
و ريما   عمرها 19  ما متزوجه كلش احبهم و لا فد يوم حسستهم بنقص

نرجع لقصتنا

ميار : ثاني يوم رحنا للصالون اني و مريم وبنات عم صكر كملنا ورجعنا و لبست فستان لون ماروني كلش حلو و اجو اهل  حسن و كملت الخطبه و اتفقو بعد اسبوع الحنه المصادف يوم جمعه و خميس اليجي العرس

تسريع الاحداث

اجا يوم الحنه و رحنا للصالون و رجعنا و خلصت الحنه و مريم كلش فرحانه تمنيت لو اني و صكر بمكانهم و ما اجيت هيج فصلية نزلت دمعتي و مسحتها و خلصت الايام و اجه يوم العرس

كعدت الصبح
لكيت صكر نايم كعدته

ميار : صباح الخير حبي

صكر : صباح النور كلبي

ميار : صكوري حياتي اني راح اروح وي مريم للصالون و الجهال راح ابقيهم يم امي ماشي

صكر : ماشي و خليهم اليوم ينامون يمها لان اني هم اريد اعرس خوما بس صديقي

ميار : يا استحي شوية

صكر : ولج شستحي ها مشتاقلج و هل ايام حارمتني

ميار : تحمل كلبي تحمل

صكر : ولج شتحمل انطيني تصبيرة لليل

ميار : ماشي بسته بشفته قوي و كتله باي لا اخذك الواهس 😂😂
نزلت تريكت و مريم هم و اخذنا احمد اني والبنات ورحنا للصالون و كملنا واتصلت على صكر حتى يجي علينا و اجه صكر و رحنا
تسريع
كمل العرس وزفينه العرسان للفندق وردينا للبيت كلش تعبانه و ما اكدر اخلف وعدي لصكر خليت الجهال يم ماما و رحت لغرفتي وصكر جوة اخذت سيت نوم و طبيت للحمام سبحت و كملت و لبسته و خليت شوي مكياج و عطر كملت

نروح لمريم وحسن

حسن : طبعا خلص العرس و زفونا للفندق و جان احلى يوم بحياتي و اخيرا اخذت بت كلبي

دخلوني للغرفة لكيتها كاعدة عل جرباية كلتلها و اخيرا صرتي حلالي
رحت يمها و كلتلها حبي بعد لا تستحين مني ماشي يلا روحي بدلي و تعاي نتعشة ورانه شغل للصبح

مريم : خلص العرس و زفونا للفندق و جان اخلى يوم بحياتي فرح على توتر على خوف بس جان كلش حلو و حسن كل شوية مخجلني رحنا و طب للغرفة و اني ارجف من التوتر كلي الكلام الي قريتوه 👆

كتله يا ولك صاير ما تستحي

حسن : 😂😂 الي يكعد معاج يضل مؤدب

مريم : 😂😂

دحت دبدل و ما اعرف شلون انزع البدلة كلت الحسن حسن حبي تعال ساعدني

حسن : جاي حبي جاي
فتحت الها البدلة و ضليت اتلمس ظهرها بعدين كالت يله حبي ابدل و اجي روح انته عرفتها خجلت بس كلت شيخلصج مني اليوم

مريم : لبست سيت نوم ابيض و طلعت بس فضيحة امشي و انزل بيه و هوة باوع عليا و غمزلي كال ولج شطالعه اليوم

يله خل ناكل لا اكلج

ولهنا خلص البارت اتمنى يعجبكم انتروا البارت الجاي لان كلش راح يكون جريئ

احبكم ❤️❤️❤️❤️❤️