ناري

Part"15"

#ناري
بــقلمي : مرمر علي
°°°°°°°°°°°°°°°°°°°°°°°°°°°°°°°°°°°°°°°°°°°°

#جوليا

. مرت كم يوم وردت عمتي الجواب موافقة بلشنه نحضر دورت السنه مال تهاني وعمي كريم همزين جان يوم خميس واخر يوم بــ الاسبوع رجعنه من دوام وكبل بلشنه نظف بــ البيت أخذنه القنفات مال الصالة وخلينهم بــ الغرفة علمود تكفي النسوان

. عزمنه گرايبنة وجيرانه كلهم ومنسينه احد جاب ذياب مسواك علمود الغدة مالتهم كعدنه من الفجر نجهز ونستقبل الناس اجن عماتي واخوات عمتي انعام مثل الخطار متحركن ابدا دزينه ؏ بنت جيرانه عبير تساعدنه خطية جابت أخواتها ويانه وغير اخوات جواد اجن ألنه هم يساعدنه اجونه ناس حتى من المحافظات مثل اول يوم الفاتحة

. صبينه الغدة وكعدت النسوان تأكل بقينه اني والبنات نفتر ؏ النواقص اجتني طيبة
- طيبة :- ذياب يريدج بــ الباب
- جوليا :- شيريد روحي شوفي انتي
- طيبة :- كتلة ميقبل يريدج انتي
- جوليا :- اوف تعالي بمكاني اخذي هذني المخاد للغرفة جهال يسحگون عليهن
- طيبة :- نطيني

. رحت للمطبخ شفت نسوان صاير ملحمه ؏ سنك تريد تغسل لعبت نفسي مو اكو حمام ميغسلن بي طلعت بره مشفت ذياب رحت من جهة البيت شفته واكف جوة سقيفة مخصر شافني واشرلي اجي
- ذياب :- تعالي بابا

. رحت يمه سحبني إله ودارني لجهة الحايط
- ذياب :- ليش تأخرتي
- جوليا :- عندي شغل
- ذياب :- صرتي مره وتشتغلين
- جوليا :- مره من يوم يومي
- ذياب :- رحت فدوه
- جوليا :- اسم الله، مكتلي شتريد
- ذياب :- اريد فلوس جيبلي من الخزنه
- جوليا :- شكد
- ذياب :- طلعيلي 100
- جوليا :- تبقى هنا لو ادزهن بيد واحد
- ذياب :- منتظرج هنا لا تتأخرين
- جوليا :- ما تأخر ثواني ويمك اني

. عفتة ورحت للمطبخ شفتهن بعدهن نسوان موجودات واكو قسم طلع من البيت صعدت لفوگ طلعت المفتاح من المخزن السري وفتحت الباب قفلته ورحت للكنتور طلعت فلوس حسبتهن عدل وطلعت قفلت الباب ونزلت صارت بوجهي عمتي
- انعام :- يلا يمه تعالي نغسل الماعين
- جوليا :- ثواني واجي
- انعام :- بسرعه يمه

. طلعت بره شفته بعده بمكانه رحت يمه انطيته الفلوس ورجعت غسلنه الماعين ورتبنه البيت بقت بس ناس تجي تعزي ومله موجوده تقرأ ڷــ 7 المغرب واحنه بعدنه نفتر ؏ چاي والماي لحد ما خفت الناس وبقن يمي خالاتي وعماتي دخلن بــ الغرفة لي ينامن بيها كل مره وسدن الباب

. صبينه عشه ڷــ زلم وحد واحنه وحد ماقبلن عماتي يتعشن ويانه حتى خالاتي ضاجن خطية عبالهن ميريدن يأكلن وياهن كامت بيبي للغرفة مالتهن ترزل بيهم حتى صوتها وصل ألنه صبت الهن عمه انعام عشه ودخلته للغرفة يمهن تعشينه احنه وكملنه ڷــ 10 اخذت خالاتي لغرفتي ينامن يمي فرشت الهن وكعدت يمهن نسولف
- رحاب :- هاي شبيهن عماتج
- جوليا :- صارت مشكلة وصار خلاف بينه
- بتول :- مشكلة شنو
- جوليا :- بس خالة فدوه ماريد سالفة تطلع ولا توصل خوالي
- بتول :- يعني سالفة تخصج
- جوليا :- اي
- رحاب :- احجي خوفتيني عليج