سأكتفي بك

لابد من الفراق. 19

لم تنام شيرى طوال الليل وهى تنتظر مكالمة صديقها لتطمأن على وصول الجوابات وفى صباح اليوم التالى ظلت شيرى تنظر فى الهاتف وسألتها إنجى: مستنية مكالمة من حد؟

مكالمة مهمة قوى ياماما أنا بعت الجوابات مع زين وعايزة أعرف عمل إيه؟؟؟

رن هاتفها فأجابت بسرعة: ألو زين عملت إيه؟

وديت الجوابات,
إيه المكان الغريب ده؟؟

سيبك من المكان ,حصل إيه؟

دى ناس غريبة قوى اللى إسمه حاج عثمان ده فضل يزعق كتير وقال إنه هاييجى.

قال إيه؟

مفهمتش منه حاجة بيتكلم صعيدى .

طيب والتانى حاج على؟

على ده بقى حكاية ,صوته كان عالى جدا ونده على واحد وقال له هات العربية إحنا هاننزل مصر..

إبتسمت شيرى بإنتصار وقالت: كويس قوى ...

مين دول ياشيرى وتعرفيهم منين؟؟

ملكش دعوة إرجع إنت بقى... ميرسى..

صبرى: إيه اللى حصل؟

الجوابات وصلت البلد ودلوقتى أهل صفية دى يخلوه يطلقها غصب عنه..

وليه متأكده كده؟ مش يمكن يخلوه يطلقك إنت..

نظرت شيرى لوالدها بتوتر وقال: يطلقنى أنا؟؟

أيوه.. كرم إتجوز أرملة أخوه علشان يحافظ على الأرض والمال الى يخصو العايلة ومهما حصل مش هايخلوه يسيبها..

إنت بتخوفنى ليه يابابى؟

لأنك لازم تخافى, كان لازم تفكرى قبل ماتعملى حاجة زى دى, الموضوع ده مش هايعدى على خير وإنت اللى هاتطلعى خسرانة فى الآخر.

إبتعد صبرى غاضبا ووقفت شيرى تفكر بقلق...

وقفت صافية تكوى بعض الملابس وفتح كرم باب الشقة , كان يحمل باقة ورد ودخل وتحرك بهدوء حتى أصبح خلفها وقبل وجنتها ,فزعت صافية وإلتقتت له : كرم خضتنى..

إتفضلى ..

أمسكت صافية بالباقة وإبتسمت ثم قالت: جميلة قوى.

جميلة زيك.

رجعت بدرى من الشغل ليه؟

وحشتينى ...

قبل وجهها مرة أخرى فقالت: بس بقى..

أحاط كرم خصرها بيديه وقال: ماتجيى نتغدى برة.

لأ أنا عملت الأكل خلاص..

طيب نتعشى برة..

خلينا فى البيت أحسن.. علشان...