يا شامة على وجه القمر يا قمرا ورى الليل الضرير ّ

البارت السادس عشر ّ

'
من جوزاء،، الى ذياب✨.
'
ملكت لك خانة من بين ضلعيني
‏والله ، ما للعربُ فيها مغز أبره💎.

'
'—————————'
لفو بسرعه على الباب الي انفتح ودخلت ساررره بوجه مايتفسر!!!!!
وبهتت ملامحهم من وجها الي يوضح انها سمعت كل شي!!
وقالت ام دجى: اجلسيي افهمي وش سمعتي!
ساره بعجله وهي توجهت لصندوق الخياطه الصغير الي جنب فراش امها: بععدين يمه بعدين متعجله انا الححين ومحتاجه هالصندووق
وطلعت ترككض بسرعه مثل مادخلت تاركه وراها ام دجى ويحيى بصدمه! يعني هي سمعت ولا ماسمعت؟؟ وش فيه وجها منصفق وكنها بمصيبه! بس الاكيد انها ماسمعت دامها ماطولت لسانها وهي تهاوشهم
ولفت ام دجى بغضب عليه: كنت راح تخرب كل شي لو سمعتنااا اطلع اطلع ولاعاد تفتح هالموضوع ولا احلف ماتطب بيتي!
طلع يحيى بغضب مثل غضبها وهو يبيها! بالطول بالعرض يبيها!!
وتلفت حوله وماشاف حتى زوجته وطلع من البيت وهو معصبب!
اما نوره كانت بالمطبخ وهي حاطه يدها على قلبها الي يدق بقووه بخوف وهي من يوم سمعت دخول ساره وصوتها وهي تهج للمطبخ وماتدري لو شافتها او سمعتهمم بس حست ان البيت هااددي وما ارتفع صوتهم
ورجعت طلعت وتاكدت ان لاساره سمعت ولا احد شافها
ورجعت عند زوجات مروان وجلست بضيق وهي تفكر بالمصيبه الجديده الي جات على راسها! وهي زواج زوجها الي ناوي ياخذ عليها ساره او غيرهااا،،.
'—————————'
ركضت بالحاره لين وصلت بيت هداج ودقت الباب بقوه وفتح لها وهو يتكلم بطريقه سريع: مات ماتت دممم دم
دفته ساره بخوف: وش تخررربط ابعدد يالمخبول
ودخلت ببيته الضيق والصغير ولفت على الغرفه الوحيده فيه وصفقت الباب بوجه هداج
وشافت سحر الجالسه قدام مهيب الي للحين ينزف وفاقد وعيه
وحطت العلبه قدامها: جببت لك الي طلببتي بشري وش صار!
سحر بخوف وهي ماتدري لا من ذا ولا وش صارله او علاقه ساره فيه: سويروهه وش مسسويه من ذا الرجالل
ساره: عالجيه انتِ الحين واقولكك بعدييين
قربت سحر للجرح الطوويل بيده وبخوف: تعرفين لي سنين ماقمت اقطب جروح! الله يساامحك
ساره: ماعنندي غيركك وش اسووي!
رفعت اكمامها بعد ماعقمتها بالمويا الي جنبها: سااعديني وقربي كل شي
هزت ساره راسها بفهم وهي تفتح كل الي حولها وتعطي سحر الي بدت تمسح حول يد مهيبب ووقفت الدمم اخيراً وبعدها بدت تخيط له الجرح بخيط وابره! لان ماعندهم احسن منها ولو اخذوه للمستوصف بيسالونهم ويدخلون بمشاكل ماهي بسيطه بذات لو صحى مهيب واشتكى عليهمم وقتها بتروح فيها ساره!
وابتعدت اخيراً سحر الي تنهدت بخوف ورعب: خللصتت الحين بس باقي تنزل حرارته ويصحى ونتاكد انه بخيير
'
'
'
'—————————'
ساره بخوف غريب: ومتى بتنزل!
سحر: تاخخذ وقت بس انتِ لازم تبقين عننده!
ساره: ووش اقول لامي؟ بنام ببيت هداج؟ والله ان تخلي يحيى يعلقني بباب البيت
ضحكت سحر: طيب لو سالوني عنك بقول انك عندي
وانا كل شوي بجي اتفقدكك والحين بروح اجيب لك وله اكل وادويه
هزت ساره راسها بفهم ولفت تتامل مهيب ووقفت سحر وطلعت من الغرفه على فزت هداج الي وقف وقال: مين مين مات مات؟
مسكته سحر واخذته على جنب وهي تكلمه مثل الطفل: هدداج! هذا مريض وهو ماله احد وبنساعدده بس انت لاتعلم احد زين؟
هداج بضيق: دكتور دكتور
سحر: ناخذه لدكتور؟ الدكتور مو موجوود وهو ماله اححد تبينا نخليه بالشارع
هز هداج راسه برفض
ابتسمت سحر: وعشان كذا بنخليه عندك لان انت تححفظ السرر
هداج: سر؟
سحر: ساره بتنام هنا بس لا تعللم احد ولا ما ادخلك بيتنا مره ثانيه
انصدم هداج بس ابتسم بسرعه وهو يحب ساره وهز راسه بفهم وهو ياشر على فمه بعلامه اكس بمعنى انه مو متكلم
مسحت ساره على يده وطلعت من البيت وهي خايفه من بكره وش بيصير وراحت لبيت ام دجى بتبلغها ان ساره عنددها.
اما سويره بعد مارتبت المكان من جديد وشالت الاغراض وملابسه الي فيها دم واخذت الملابس الي جابتها سحر بدت تلبسه بهدوءء وحذر
واول مالمست كتفه داهمتها قشعريره قوويه سرت بكل جسمها وانتهت براسها
غمضت عيونها وفتحتها كثير وهي تتنفس ببطء من الشعور الغريب الي تحسسه ووقفت ماكملت تلبسه وجلست جنب راسه وهي ماسكه راسها وتضغط عليه بانزعاجج وفجأة تذكرت صوت وقرب مهيب يوم كان يقول: ماعرفتيني؟
همست: ممين اننت وليش لحقتني!
وتذكرت المحفظه الي سرقتها منه يوم جاته من وراه وطلعتها بسرعه من صدرها وفتحتها بتردد وكانت كبيره ولونها غامق
وفيها بطايق وصور وفلوس وبتردد سحبت هويته ونزلت المحفظه جنبها وهي تقرا اسمه بهمس: مهيب شامخ داغر شامخ!
ونزلت لعمره الي فهمت انه ٣٦ ولفت على مهيب: صغير! بس ليش بعيونك نظره اككبر بكثير من عمركك؟
ورجعت تقرا باقي المعلومات الموجوده ورجعت الهويه وطلعت رخصه القياده وبعدها اكثر من بطاقه ومن بينهم كرت فيه كل ارقامه وارقام محلاته: وعنده محلات ذهب!!
ورجعتها كلها وسحبت الصوره الموجوده بينهم وكانت صوره لمهيب وهو صغير وهو كبير
وماتدري ليش اخذتهم وحطتهم بصدرها من جديد وقفلت المحفظه ورجعتها لثوبه الي اول مادخلت يدها بجيبه حست بشي جواته وطلعته بتردد واستغراب وهي تشوف الي طاح من يدها ويلمع! خلخال ذهب!
'
'
'
'—————————'
ورجعت الخلخال من جديد لجيبه ونزلت راسها على رجولها وهي تتامله وبراسها افكار كثيييره عنه وعن هوية هالبنت! وليش سالها لو تعرفه ومين هالمارية وليش حسته حززين وصوته حزين!
تنهدت بتعب وهي تقرب منه وتلمس جبينه بتشوف حرارته! وكان مثل الناار وفزت بسرعه تسوي له كمادات وبدت تحطها له وتبدلها كل شي لين تاخر الوقت وغفت جنبه!.
وماحست بدخول سحر الي نزلت الاكل والادويه وطلعت من جديد،.
'—————————'
صحى قبل الفجر بشوي وهو مصحصح لانه نايم من بدرري اول مارجع من شغله وتلفت حوله وماشاف جوزاء بالغرفه ونزل من السرير باستغراب ودخل للحمام ومافيه احد وطلع من الغرفه كلها ووقف بالصاله بحيره!
بس لف بسرعه على غرفه امه الي انفتحت وجوزاء طالعه منها وراح لها بسرعه: شفيك!
لفت عنه جوزاء بسرعه وهي تمسح دموعها بس لفها له ذياب بقوه: تتبككيين! مين مبككي عيونكك! وش صاير يالغاليه!!
هزت راسها برفض وسحبت نفسها من يده وركضت لغرفتها وهي تنهار على سريرها وتبككي ورفضت تجاوب على كل اسئله ذياب الي انهبلل
وطلع من جديد قاصد غرفة امه ودق الباب اكثر من مره ودخل وشافها جالسه على سريرها: يمه!! جوزاء شفيها انتِ فيك شيء؟
امه بطفش: على طول راحت تشتكي لك!!
عقد ذياب حواجبه بعدم فهم: تشتكي وشو يمه! ماقالت شي انا شفتهاا والدموع على وجها
هدى ببرود: هي لو تحبك ماتتبكي وبالعكس تفرح واول من يبارك لك
طار عيون ذياب: تبارك حق وشو!
هدى: خطبت لك
صرخ ذياب باستنكار: وووشوو! وش تقوليين يمه!!
امه بضيق: الي سمعتهه خطبت لك الي بتجيب لك الوولد الي انفطر قلبك تنتظره من جوزاء وماجاكك
جلس ذياب بصدمه وعدم استيعاب: يمه انتِ تسمعين وش تقولين!!
هدى بغضب: توني ماجننيت ياذياب وبعدين وش هالاسلوووب تراي امككك لا تنسىى هالشي عشان حرمتك الي ماتجيب عييال
ذياب ومايدري كيف يتكلم معها: ااسسف يايمه ماقصدت الي فهمتيه! بس زواج ماني متزوجج لو اجلس عمري كلله بدون ولد
مها وشيماء واممهم مكفيني عن كل هالدننيا!
وبعدين جوزاء تجيب عيالل ولا ماكان جابت بناتهاا يايمهه
هدى: ايه تجييب بس قبل سنينن يوم حياتها طبيعيه
مو بعد ماتعلقت سنين وهي بالنفاس وطلعت مطلقه!
هذي كلها صدمات وتاثر يايمه وماتخليها تجيب عياال
سكت ذياب وهو يفكر بالمصيبه الجديده الي طاحت على راسه ووقف وقال: شيلي هالفكره من راسك يمه! عرس ماني معرس على جوزااء ولو ما صرت اب منها ماني صاير من غيرها
'
'
من غزلان،، الى قايد✨.
'
ان جيتني مشّتاق جيتك تراحيّـب ‏وان جيتني ضميان جيتك سحابه💎.