الجده (نوال) بذات الهمس: تعبت وانا احكي معها ما يفيد شسوي تحملها عشاني الله يعافيك
الجد (محمد) تنهد: سكت لها كثير ترا قلت لك لو زودتها ماني مسؤول
هزت راسها الجده (نوال) بفهم والتفت على اختها: ام مازن شرايك تعينين خير وتهجدين مب زين الي تقولينه
ام مازن بصوت مرتفع: وش فيك ياختي ترا ما قلت شيء
ترف بهمس: كل ذا وما قالت شيء يا بنات انا بنجلط
هيام: قسم بايات الله ما تسكت وش ذا مغير تبربر
سمو: يا بنات صدق طفشتنا وش ذا مب صاحيه
سيف الي كان لاصق بسمو وجاب البنات يجلسون جنبها اهم شيء ما تقوم: بس انتي وهي حرمه كبيره بس تحشون فيها
مهند: انت اسكت مالك دخل فيهم
خالد: وهو صادق وش ذا اسكتو ما ينفع
سلمان الي جاء من عند ريناد بعد ما هدت وترك معها نجد وكان جالس معهم: اسكت انت وياه واضح امي بتزبد لها الحين وتشوفون
الجده (ندى): الا اقول يا ام مازن وراك ما تقومين تصلين وتذكرين الله ما شفتك صليتي ولا همك الكلام باعراض الناس
خالد وهو بيموت ضحك دفن راسه بكتف سلمان ومو واضح الا اهتزاز جسمه والكل ماسك ضحكته والي ماقدر وقام برا يضحك
روان بقهر: اقول انتي خير تحكين عن امي كذا
ريناد الي توها داخله شافتها كيف تحكي مع جدتها: وجع فعينك الا وجع يا قليلة الادب صدق ما تربيتي كيف تحكين مع جدتي كذا!
روان بقهر منها لانها بتاخذ خالد: انتي اسكتي مافيك حياء جايه تجلسين وتو اهلك رادين موافقتك ولا بعد وانتي ببيتهم كانهم ماصدقو خبر
نجد بحده: روان احترمي نفسك ولا اسمعك تحكين هالحكي عنها سكت لك كثير لا تحديني على شيء مابيه
روان بقهر: وش بتسوين يعني انتي وهي
ريناد ببرود راحت تجلس: مو كفو اضيع وقتي عليك واحترمي الي اكبر منك افضلك
روان: شفتي يمه شفتي
ام مازن: صدق ما تربيتي قليلة اصل
ريناد بحده: حدك سكت لك كثير واحترمتك لاجل سنك ولاجل انك خالتهم لكن لا تحديني انسى هالشيء واخر من يتكلم بالتربيه انتي ماشفتك ربيتي بنتك الي راميه نفسها على الرجال وفوقها تتكلم بوقاحه لا مع الكبير ولا الصغير وتحكين عن التربيه كثير كذا ترا
سلمى بحده: بس ريناد وش هالحكي
ريناد بقهر: وش يمه ما قلت شيء غلط
سلمى: ريناد
ريناد ببرود: تصدقين صادقه كيف انزل من مستواي لبنتها ووقاحتها
فهد بغضب وصوت مرتفع: ريناد
نجد: يا فهد اذكر الله ما حصل شيء
فهد بغضب: الا حصل الوقاحه ذي مب عندي
الجد (محمد) بهدوء: فهد اذكر الله ما حصل شيء
فهد: لا اله الا الله
ريناد بوجهه بريئ وبلطف: بابا لا تزعل عشان خاطري
خالد ب جراءه: ابوك ما عنده سالفه اذا زعل دامك تحاكين كذا
ريناد حمر وجهها من الخجل اما الكل قام يضحك عليهم
الجد (حمد): اقول يا خالد لا تتغزل بحفيدتي وهي مب حليله لك انتظر
خالد بستعجال: لو تبي الحين تصير حليلتي ما اقول لا بس اخ الوضع مب بكيفي
الجد (محمد) بضحك: اركد يولدي اركد
عبدالعزيز: اخيراً شفتك طايح على وجهك عشان اخذي حقي من طقطقتك يالنذل
خالد: معليش ياخوي اعذريني الي ما جربنا المحبه كنا نجهل بامور كثيره
عبدالعزيز بتشفي: جزاك واقل من جزاك
خالد باحترام: تمون على رقبتي وانا ولد محمد
YOU ARE READING
سم اللقا صدفه و أسميه ميعاد انا انتظرتك و أنت مريت صدفه
Romanceروايتي الاولى اول شيء حابه اوضح البارتات بالبدايه طريقتها بالسرد تختلف شوي كونها كانت بدايتي بعالمي عالم الخيال لكن الحمدلله تعدل سردي لكن يعز علي اني اغير السرد كامل بالعكس احب امتع ناظري بالفرق واشوف ل اي انجاز وصلت وتطورت ثاني شيء لا احلل بنقل...
