سم اللقا صدفه و أسميه ميعاد انا انتظرتك و أنت مريت صدفه

Part 37

ضحك بعلو صوته يتركها تخجل بمكانها يهمس بخبث: كنت لكن احس صحصحت اكثر الحين
ناظرته بذهول لثواني تفهم خبثه: لا والله ارجع نم ورانا عزيمه
ضحك يقوم يمسك يدها يقومها معه: فيه وقت فيه
ضحكت لثواني ما تستوعبه سرعان ما تغيرت ملامحها لرعب من كان جدي بشكل مو معقول تشد على يده: دقيقه نتفاهم طيب
ضحك يحاوطها يقبلها يمنع سيل حروفها من كانت بتتكلم باقي يغرق فيها ويتركها تغرق فيه قبل عنقها لثواني يشدها من خصرها له يرجع يقبل ثغرها تبادله بخفه وهدوء على عكسه تماماً كان بكامل جموحه ورغبته فيها ل يعلنها زوجته بحق وحقيق غير مبالي بالوقت والموعد والعزيمه المخصصه لهم ناسي الناس وغاب عنهم وجوالاتهم مغلقه

عند بيت الجد محمد

كان الكل مشغول بالتجهيزات والترتيبات وهم فيهم نوم العالم كله صحصحت ليان بذهول من شافت هيام مصوره لهم انهم بالطياره تضحك لثواني تستوعب: بنات
ناظروها لثواني ترجع تضحك: هيام مصوره بالطياره توها راحت عليهم امس
ضحك الكل من فهموا مقصدها تهمس ترف بذهول: ما يمزح اخوي ابد
ضحكت إلين: مو طبيعي صدق ما انتظر حتى رعب
دخلت ريناد وهي تضحك من سمعتهم: والله ما الومه بسم الله عليها ملاك امس كامله والكامل الله ما يصبر اكيد
ضحكت ليان: وش يعني من قبل مو حلوه بس امس
ابتسمت ريناد لثواني تكشر: حلوه من قبل وامس زادت حلاوه وبعدين يحبها ما تدرين كم حلم بالوقت الي تصير له احس يمكن عشان كذا معد صبر
ضحكت ترف: صادقه اخوي له مده مو طويله الا الي بعدها وهو يحلم باليوم الي تصير له وحلاله والله ما يفوت
ابتسم ليان: الله يوفقهم ويهنيهم يارب بتوحشني حيل الصدق
ضحكت إلين وعيونها امتلت بدموعها: والله امس وقت رجعنا كنت بروح عند نجد وهيام نحش كالعاده لكن جتني لحظه ادراك من وقفت بالسيب الي فيه جناحهم رجعت طلعت
ضحكت بخفه ترف: ومن صادفتي
ناظرتها لثواني بعدم فهم وسرعان ما استوعبت تتوسع عيونها بذهول: ترف يا تبن
ضحكت وهي كل ما رجع لبالها تموت ضحك على وجهها: معليش والله بس ما تفوت ولد عمي
ضربتها بخفه: هين يالوصخه
ضحكت ليان من ضحك ترف: شفيكم
ضحكت ريناد تناظرها: ما تعرفين وتضحكين؟
ابتسمت ترجع تضحك: وانتي ليه تضحكين طيب
رفعت كتوفها بعدم معرفه يغرقون بضحكهم لثواني تتنحنح ليان تحاول توقف: صدق شفيه
ابتسمت ترف: ابد بس قلت ل مهند وراح لها لو تشوفين صدمتها ولا وجهها وقت حمر خجل مدري وش قالها فاتني للامانه بس كانوا يجننون سوا
ريناد بذهول: ترف يازق ما يصير والتفتت على إلين: تكفين قولي شافك بكل شيء الا بشكلك بعد الزواج

كشرت لثواني: ابشرك شافني بكل شيء بمثل الزواج من ميك اب من شعر من فستان ولا ازيدك بعد بيدي كعبي بجامتي واغراضي على اساس اروح هناك عندهم اغير وامسح الي بوجهي وافكك شعري كالعاده بعد اي عزيمه او زواج نروح له لكن صادفته وقت رجعت
ناظرتها لثواني ليان: صدفه طيب ما صار شيء
هزت راسها بالنفي ريناد: حتى لو صدفه ما يصير يشوفها كذا مو حلاله ترا والي سويتيه يا ترف مره غلط وما يصير ولا يجوز وانتي عارفه وشايفه كيف فستانها كان كاشف ظهرها كله ونحرها يكشف كثير اشياء ما يصير ورجعت التفتت على إلين: وانتي المفروض تغيرين قبل تطلعين غير عن كذا البيت فيه ناس ما يصير يكشفون عليك المفروض تحسبين حسابك ما تتمشين كذا بدون شيء يسترك
ناظرها لثواني ليان: ريناد ريلاكس لا تكبرينها هالكثر اوك غلط بس عاد صار مو بكيفها إلين و ترف غلطت الله يهديها بس ان شاء الله ما تعيدها
ابتسمت ريناد: عارفه واقول من خوفي عليكم من غضب ربي وبرضو ما تعرفون الشيطان حاضر حتى لو ولد عمك وتثقين فيه ما اقول عنهم شيء محترمين وما شفت مثل احترامهم وادبهم لكن الشيطان ما مات باقي ما يختلي اثنان الا وثالثهم الشيطان عشان كذا احذركم انا وغير عن كذا ربي فوق يشوف ويعرف حتى لو ما شاف احد وما يجوز ولا يرضي ربي يحبك ويبيك يجيك بالحلال لا يلف ويدور والي اعرفه يحبها طيب ليه ما خطبها
ضحكت برعب إلين: هدي هدي وين يخطبني ما اتخايل اتزوج الحين ابد
هزت راسها بالنفي ريناد: يخطبك ويملك عليك يتحلل الي بينكم وما يصير شيء يغضب ربي والزواج سويه وقت تبين مو شرط على طول لو تبين سنين بكيفك بس يكفي ان المقابل هذا والغزل وكل ذا يكون حلال
ناظرتها لثواني ليان وهي تستوعب حكي ريناد يشابه كثير حكي محمد لها امس وتوها تستوعب كثير اشياء منها
ابتسمت ترف باسف واحراج: اسفه إلين ما فكرت للحظه معليش لا تزعلين
ضحكت إلين تحضنها مع الجنب: عيوني انتي ما ازعل منك
ضحكت ريناد: خير وانا؟
ضحكت تسحبها إلين تحضنها معهم وكانت ليان تهوجس بالكلام وتفكر طلعت من المطبخ وهي باقي سرحانه ناظروا بعض باستغراب تام وسرعان ما رجعوا ينشغلون من سمعوا صوت الجده نوال وهي تستعجلهم ومن جت سمو على طول دخلت تساعدهم بالتجهيز والتحضير ولان خلاص على وشك يجون