الكاتبة:_Rania_KD
دخل أحمد قعد فوق الفوتاي...حاكم لبرية بين يديه لي كانت ترجف...فتحها بلعقل...نصدم وكأنو يحلم...دنيا رفعت عليه قضية طلاق متنازلة على كلش من جهتو...قربت نعيمة لعندو تتمايل او تحكي تحاول تخبي في فرحتها"أأحمد ولدي شفما؟!"
حكا أحمد بغصة"دنيا رفعت عليا قضية طلاق....هههههه مانيش مصدق...دنيا راح تسمح في حبنا أو عشرتنا"
-نعيمة:مكتوب ولدي الله غالب تقدرت
قحرلها بعينيه...وقف معصب او حكا"وجدي روحك...أنفال ونتي زادا وجدي روحك"
-نعيمة&أنفال:وين رايحين؟!
-أحمد:راح تروحو تطلبو السماح من دنيا...ممكن تسامحني او تتراجع على الطلاق
-أنفال:ههههههه ماما نعيمة نظن أنو ولدك فقد عقلو....هههههه أنا نطلب السماح منها بجدك
كبس على يدو مغشش...حكمها جيفها أو خبطها في الحيط متفادي كرشها لي بدات تكبر...أحمد"هدرتي نقولها مرة أو متتعادش...وجدي روحك راح تروحي تطلبي السماح منها...فهمتي ولا نعيدلك؟!"
عيونها رايحين يخرجو من بلاصتهم...نفس ضاقتلها...هزت راسها"ايه ايه"...بعد عليها طاحت في الأرض تسعل...جات نعيمة راح تتفحصها حكمها أحمد من ذراعها بقوة يعيط"قلت روحي وجدي روحك ر** عام بااااه تفهمو!!" هزتلو رأسها ماوجوعة"باهي باهي فهمت" طلقلها يدها راحت تجري لغرفتها تلبس...أو انفال زادا راحت وجدت روحها...دقايق برك او كانو كلهم جاهزين...طار بالكهربة لعند دار دنيا...دق الباب فتحتلو أم دنيا...لي نصدمت كي شافتهم...هوما راهم يعملو المستحيل باه يخففو على بنتهم او ينسوها فيهم او هوما جاو لعندهم
-أحمد:صباح الخير أمي صفا...دنيا هنا؟!
-أم دنيا: مانيش أمك!! متزيدش تناديلي أمي...دنيا ماهيش هنا راحت
-أحمد:خالتي عارف أنكم غضبانين مني...أما أنا حاب نريڤل كلشي...هاه شوفي جبت أمي أو أنفال زادا باه يطلبو السماح من دنيا...
-أم دنيا(مقاطعاتو) محاجتناش بسماح تاعكم...روحو من هنا قبل ماتسمع دنيا
في نفس الوقت...كانت دنيا خارجة من دوش شافت أمها واقفة عند الباب...عقدت حواجبها تحكي مع روحها"أمي معامن راهي تحكي؟!"
وصلت لعندها فتحت الباب...غير لمحت أحمد تبدل الفيزاج تاعها...دنيا بعصبية"أمي علاه فتحتيلهم الباب!!!!"
-أم دنيا: دنيا يعيش بنتي إهدي...مكنتش عارف بلي هوما
-أحمد: دنيا ممكن نحكو
-دنيا: لا مراحش نحكي معاك...إذا عندك كلام قولو في المحكمة
-أحمد:مفماش محكمة...مراحش نقبل نطلقك
-دنيا:ههههه الدنيا مراحش تمشي على حسابك ميسيو أحمد قاسمي فهمت!...العدالة راح تمد لكل واحد حقو...او دوكا تفضلو راح نغلق الباب
حط أحمد يدو على الباب او دخل بالغصب يحكي مغشش"دنياااا شبيييك تبدلتي...ماكيش متولهة روحك كيفاه وليتي تحكي!؟"
ESTÁS LEYENDO
"إبتسامة أمل"(باللهجة الجزائرية)
Romanceرواية تحكي على حياة طفلة...تزوجت عن حب...ولكن شاء القدر أنها تمرض 💔 *زعما حبيب قلبها راح يبقى معاها لآخر لحظة! *ممكن أنها تشفى وترجع توقف على رجليها؟ 🔱هذا كامل راح نكتشفوه مع بعضانا في الرواية🔱 -بعنوان: إبتسامة أمل💜
