"إبتسامة أمل"(باللهجة الجزائرية)

البارت التاسع عشر

-الكاتبة:Rania _KD

خرج او خبط الباب بقوة....رمات لورق لي كانو فوق البيرو بعصبية أو عيطت بأعلى صوتها....

ركب في طوموبيلتو معصب...قلع بسرعة مخلي لغبار موراه...ضرب لvولون يقول"واش مدخلك أنت في حياتها يا بهيم! علاه تسئل فيها... بردت دوكا كي قصفاتك" حكم ڤارو يتكيف أو يسوڤ

...عند نعيمة(عارفة توحشتوها 🙆‍♀️)
كانت تسيق أو أنفال تتفرج او تاكل في زريعة او ترمي في لقشور في لأرض...تنرفزت نعيمة او راحت ليها تحكي معصبة"عييييت صابرة أو ساكتة بصح نتي محبيتيش تحشمي على عرضك"

-أنفال: خير إن شاءلله من صبحت ربي

-نعيمة: أسمعي ماشي سعفتك كي كنتي مريضة معنتها طلعتيلي فوق راسي

وقفت أنفال معصبة تقول"هفففففف واش تحتاجي؟!"

-نعيمة:نظفي شوي الدار الغبرة راح تغطينا

-أنفال: الدار دارك نظفيها نتي

ربعت نعيمة يديها عند صدرها تقول متبسمة"كي دار داري...أرفدي وسخك أو أخرجي ق.و.د.ي من داري"

-أنفال:هههههه ضحكتيني...مراحش نخرج من هنا غير على جثتي

-نعيمة: لو كان ماشي انا لوكان مزالكي بايرة في دار مك...انا لي زوجتك ولدي يا واحد الفايحة

...زمت أنفال شفافها او هجمت عليها شدتها من شعرها تقول"انا فايحة؟!! دوك نوريلك الفايحة يا واحد الق.ح.ب.ة" طيحتها في الأرض تضرب فيها...او نعيمة تغطي في روحها...

في ذاك الوقت دخل أحمد كاره...سمع الحس زفر بقوة يحكي مع روحو"هفففففف واش صرا اليوم تاني؟!" دخل يكركر في رجليه...توسعو عينيه من المنظر...راح يجري حكم أنفال من ذراعها بقوة او عطاها كف خلا وجها يدور من قوتو...

طابس لعند يماه رفدها يقول"امي صفا؟!" قعدها على الفوتاي او راح حكم أنفال من شعرها طيحها في الأرض يضرب فيها بالكفوف خلاها ترعف...يضرب او يقول"شكووون نتيييي باه ترفدييي يدك على امييي...اذا مرباوكش والدييييييك خلينييي نعلمك أصوللل لإحترااااام يا بنت الكلب"

دزاتو بعيد عليها تقول"بعدني بعدنيييييي...نتومااااا اوسخ عايلة شفتهااااا في حياتيييي نكررررهكم"

جا يقدم ليها أحمد منعاتو نعيمة تقول او تبكي"أحمد يعيش ولدي خلااااص"

-أحمد: أنتي وعايلتك لي موسخين يا فر.خة...تعيشي طول حياتك مراحش توصلي صبع أمي الصغير

-أنفال: هههههههههه ضحكتني والله...ايه عندك الحق نعيش طول حياتي او مراحش نوصل وساخة أمك

-أحمد: أمي أشرف منك فهمتي!!

-أنفال: ااااه تحكي بجدك!! خليني مالا نحكيلك على أمك الشريفة واش عملت لحبيبة قلبك...أمك هذي كانت تبدل دواء تع دنيا باه متبراش او تبقى ضعيفة...أمك هذي كانت تضرب دنيا او تخدمها بالسر باه غير تتعب او تدهور حالتها