هديه العيد
كشمشات لاتنسىن التصويت .
ولتعليقات .
5ll1_1 حسابي انستا انشر تفاصيل وكلشي يخص القصة
بسـم الله الرحـمن الـرحيـم
...
أثناء ماجاي اغسل الشامبو من راسي حسيت شي صعد على جسمي عرفته برعصي واني اموت من عده كلش اخاف كعدت اوخره بيدي واصرخ واني نعمت عيوني من الشامبو زاد صريخي من حسيته صعد على ركبتي وتهسترت لان عدي فوبيا منه ماحسيت غير الباب نفتح واني اغمى علي من الخوف حسيت احد يرش علي ماي
فتحت عيوني شوي شوي جانو مخليني على وحدة من قنفات الصالة وملبسيني ملابس وكلهم فوك راسي احمد كاعد يمي هوا الرش الماي علي من شافني فتحت عيوني اردف بقلق وخوف
احمد ::- شبيج يابعد اخوج مو وكفتي كلبي عليج
اذكرت الصار والبريعصي رجعت ابجي واضرب بجسمي احاول اطلعه حاول يهديني احمد بس مافاد حضني وحدد ادي بديه واردف
احمد ::- اثاارر شبيجج احجيي من شنو خايففة
ماجاوبته بس هديت بحضنه وبقت بس دموعي تنزل سبب خوفي موقف مرعب صار وياي بطفولتي ماحب اذكره اجت ضحى وبيدها گلاص ماي اخذه منها احمد وشربني منه حاوط وجهي بديه واردف
احمد ::- شبيج اصار وياج بلحمام
اردفت بخوف وصوت متقطع
اثار ::- ج ج جنت اا اسبح ووبر عص ي مشى ع لى ج جسمي و وغمى عل علي
اردف بستغراب
احمد ::- هل خوف كله من برعصي ؟
ماجاوبته لان ادري هسه كلهم يشوفوها مبالغة مايدرون ليش اخاف جانت صبيحة كاعدة قريبة علي من سمعتني اردفت
صبيحة ::- يا وانا گلت شافت الجن هل كعدت تصرخ وماعت روحها
سكتت بس خطر ابالي البريعصي بشعري دنكت راسي واني جنت بدون حجاب اردفت الاحمد واني ابجي من الفكرة حلفت ازين گرعة اذا يطلع صدك براسي
اثار ::- شوف شعري اخاف لابد البريعصي بي
اردف
احمد ::- رفعي راسج مو هنا
اردفت واني بعدني مدنكة وابجي
اثار ::- لا عفية عليك دور والله متاكدة هنا
احمد ::- كتلته سجاوي
رفعت راسي ولتفتت على سجى واردفت
اثار ::- صدك كتلتيه ؟
سجى ::- اي
حمدت الله الف مرا بكلبي واردفت بتساؤل
اثار ::- شنو صار من اغمى علي ؟
اجت كعدت يمي سجى واردفت
سجى ::- من صرختي انا توا كاعدة توقعت طحتي من الدرج رحت اشوفج سمعت صوتج بلحمام واحمد كاعد مخترع يم الباب يريد يفتحه منعته ودخلت اني لكيتج مددة عل كاع وعلى شفايفج البريعصي دخلت امي وراي من تقربنه يمج شرد لبستج امي ملابس وصاحت لاحمد يشيلج وانا جبت عصا وحصرته بلحايط خنكته حتى الموت وقطع الرس بتسمت على كلامها هاي اول مرا تحجي وياي عادي بدون ماتخزر كمت رحت للغرفة تمددت
واذكر من كالت شفته على شفايفج لعبت روحي وكعدت امسح شفايفي بكلنس حيللل شوية واجو صاحولي عل غدا كمت لبست حجاب ونزلت شفتهم فارشين سفرة بل صالة بل كاع وكاعدين شافني رحيم بتسم واجا علي سحبني من ايدي
أنت تقرأ
اثار اقدام
Short Storyاثار ::- انزلت من السيارة واني كوا امشي دايخة و وجع مو طبيعي براسي راح هوا الصندوق السيارة نزل جنطتي واجا مهدي ::- يلا تعاي راح يمشي الواحد من البيوت الموجودة كلش كبير وحلو من برا حتى جان اكو حارس عل باب من وصل اشر للحارس بيده يفتح الباب ودخل واني...
