اثار اقدام

الاثـر الـ3 الجزء الثاني

الكاتبة : فـجر سجاد
رواية اثار اقدام

الحمدلله
استغفرالله
لا تنسون متابعتي انستا

..
الرجوع للحاضر

ركز بملامحي وباوعلي بنضرة خربطت كلشي
بية دفعته ورجعت عل حايط حجيت بنفعال

: اقداممم لا تلعب بمشاعري مو لعبة عدك اني
انتَ مو كلت ماحبج ليش تتقرب مني ليش مُصر
تخليني احبك ليششش

: اي ماحبج انااا

باوعتله بعيون مدمعة يسوي شي ويحجي شي
يخليني اتعلق بي وهوا يعوفني ضربته راجدي قويي
كلش مادري شلون تجرئت وسويتها
حسيت ايدي خدرت من قوته

باوعلي بعصبية وتقرب ماكدرت ارجع لأن وراي
حايط نزل روحه المستواي وتقرب همس بذني

: انا ماحبجج بس اموت بيج انا ماحبج بس اعشگج
انا ماحبج بس اذا شفتج احس گلبي يريد يطلع من دكاته
انا ماحبج بس اذا ذكرو اسمج تتخربط احواليي

صار هدوءء سكن جسمي بس گلبي دكاته ألف
ماستوعبت الگاله خليت عيني بعينه واردفت

: شنو گلت

رخت ملامح وجهه وبتسم بهدوء

: ماكلت شي

باوعته بعصبية واجيت اطلع من الغرفة
ضحك وسحبني من ايدي

: احبج

: عيدها

: احبج

: عيدها

: احبج

: احلف

: هههههههه بلعباس

: ليش شلون شوكت ؟

حضني بهدوء

: شوي شوي

ضعت بحضنه ماعرفت شسوي ابادله لو ادفعه
بهل اثناء ندك الباب واجاني صوت خالي غيث

: اثاررر

دفعت اقدام عني متوترة

: ها خالي ها جاية

طلعت بدون ما التفت وراي
شفت ادم واكف يمه

غيث : ترحين وياي مو ؟

طلع اقدام وراي باوعتله وباوعت الادم
الصراحة اني احتاج هل بعد حتى اكدر افكر براحتي
رحت يم عمي ادم حضنته ورفعت ايده بستها

: عمو لا تزعل مني بس اني احتاج وقت حتى افكر
اني كلش محتارة ومشتتة أفكاري هسه خليني اروح
وي خالي غيث والله ماطول بس لبين ما افكر