طفلة غيرت حياتى (كاملة)

مقدمة + الشخصيات

المقدمة.

بصوا يا شباب القصة دى يمكن فى اول اربع فصول بالتحديد مش هيكون فيها جانب دينى اوى، بس مع الاحداث هتاخد منحنى تانى خالص، وللعلم انا كنت مجهزاها من مدة، بس غيرت فيها حاجات بسيطة، وكمان اللى متابعنى هيعرف ان اسمها مكنش كده، انا غيرته، وحبيت افضل معاكم بحاجة كويسة، وفى حاجة كمان هى هتبقي بمساعدة اختى الكبيرة هى ملتزمة عشان اللى هيقولى عرفتى كل المعلومات دى منين، و هى كمان مش هتبقي قصة رومانسية على قد ما هتحكى منهج ومواقف كتير ممكن تفيدكم، وان شاء الله تعجبكم ❤🥺.

******************
الشخصيات..

عز الدين: شاب فى مقتبل العمر عنده 32 سنة، وسيم جداً، بملامح جذابة، عنده كاريزما وشخصية قوية تجذب اى بنت ليه، طبعه حاد، صارم جداً ومش بيعجبه الحال المايل، ليه عيونه حادة من اللون الرمادى، وبشرة قمحاوية، جسد رياضى، اكتاف عريضة، تقريباً مثالى، ومفيش حد اختلف ع كاريزمته وجذابيته وجماله، عنده مستشفى خاصة بيه، وبيملك إمبراطورية الحديدى اللى ورثها عن والده.. هى بالنسباله عالمه الخاص.. الحتة الحلوة فى يومه.. مملكته الخاصة.. حق اكتسبه غصب عن الايام والظروف..

رقية القاضي: بنوته جميلة لا دى فاتنة بمعنى الكلمة عندها 18 سنة، جميلة ورقيقه جداً، ملامح برئية وجمال طفولي، بشرة نقية زى الاطفال، بشرتها ناصعة البياض، وبتملك شعر اسود ناعم واصل لنص ضهرها، عيون عسلى جميلة، شخصية عنيدة، مش بتسيب حقها ولو ع رقبتها.. عاشت حياتها كلها مشفتش رجالة غيره.. هو بالنسبالها كل حاجة..

دنيا الحديدى: بنت عم عز الدين، عندها 25 سنة، بتحب عز جداً، وعايشة معاه فى ڤيلته مع اهله، وممكن تقتل اى بنت بتقرب منه..

دعاء الصاوى: والده عز الدين، امراة متسلطة، مغرورة، مش بيهمها غير مصلحة الشركة، والفلوس، وبتكره اى حد مش من طبقتهم..

سعيد القاضى: والد رقية، عنده 50 سنة، وعايش عشان بنته رقية، ومستعد يعمل اى حاجة عشانها..

عصام الدالى: صديق عز الدين عنده 29 سنة، ملامح رجولية جذابة وهادية، اسمرانى، عيون سودة، وشعر اسود كثيف، ومدير اعمال عز الدين، و تقريباً عز الدين معتمد عليه فى كل حاجة وبيثق فيه جداً، وليه شغله الخاص بعيداً عن عز الدين هيوضح اكتر مع الاحداث..

رحاب سلام: بنوتة زى القمر، 20 سنة، ملامحها جميلة جدا وهادية، بشرة قمحاوية نقية، عيون زيتونى، جسم متناسق، مرحة جداً، خفيفة الظل، بتحب الهزار، بتحب تساعد اى حد بجدعنتها، اللى دايما بتسببلها المشاكل..

دى كل الشخصيات الرئيسية، الباقى هيبان بمرور الاحداث..

"طفلة غيرت حياتى "
"بقلمى: فيروز أحمد"