ياسعود ما أتعَبتني السِنين أنتظارك

البارت الأول

بقلم الكاتبه دَنو آل عَبدالله✍🏻

{البارت الأول}

بِسْمِ اللَّـهِ الرَّحْمَـٰنِ الرَّحِيمِ

-في فَجرِ العيد عند الجد سعد كعادته يقعد البيت كله
وقف عند ملحق يوسف
الجد سعد: يا اهل يوسف قوموا
يوسف: قاعدين يبه قاعدين
الجد سعد: يلا اعجلوا بنروح لصلاة العيد ما أبي احد يتأخر
يوسف: ابشر يبه
طلع سعود وباس راس جده
سعود: صَبحك الله بالخير ياجدي
الجد سعد:.صَبحك الله بالنور، ياسعود قعد عمانك للصلاة
سعود: ابشري ياجدي
الجد سعد: تبشر بالجنه
-وبدا سعود يمر على ملحق عمانه ويقعدهم للصلاة والكل بدا ينزل عند الجد سعد.
الجد سعد: يلا ياعيال أبطينا على الصلاة
-طلعوا احفاد الجد سعد وعياله للصلاة العيد
ودخلو البيت على ريحة القهوه والبخور
دخلوا للبيت
الجد سعد: السلام عليكم
الكل بصوت واحد: وعليكم السلام
الجد سعد: ياعيال كلكم للعزبه واذبحوا الأضحيه
العيال بصوت واحد: ابشر ياجد
~
"في العزبه عند العيال"
سلطان: ياعيال عندنا خمس ذبايح لازم ننجز بسرعه
العيال: ابشر
بدا سلطان يوزع المهام على العيال
سلطان: فهد وصالح جيبوا الاضحيه
فهد وصالح: ابشر
سلطان: ضاري انت تنظف مكان الذبيحه
ضاري: ابشرر
سلطان: ياسر وناصر تقطعون الذبيحه
ياسر وناصر: ابشرر ماطلبت شي
سلطان: انا وسعود بنصلخ الذبايح
عند فهد وصالح
فهد: صويلح الحقها بتطلع لبرا
صالح: فهودي تراني تعدمت وانا الحقها
فهد: يخي لا تناديني بفهودي
صالح: على ذا الخشم فهودي
وكذا بدا الكل ينجز مهمته وانتهوا بوقت قصير
سلطان: يعطيكم العافية ياعيال
العيال: الله يعافيك
وكلهم تحركوا من العزبه للبيت
~
وصلوا العيال للبيت ودخلوا عند الجد سعد
سلطان: ياجد خلصنا
الجد سعد: كفو عليهم احفادي يعطيكم العافيه
العيال بصوت واحد: الله يعافيك ياجد
الجد سعد: دخلوا الذبايح عند الحريم
الجد سعد: سلطان
سلطان: سم يبه
الجد سعد: كلم جدتك وقول لها تحط ل ابو  تركي حصته من الذبايح وتحط للجيران
سلطان: ابشر
~
دخل سلطان عند جدته نوره
سلطان: ياولد طريق
جت ام عبد العزيز تشوف وش يبي ولدها
ام عبد العزيز: سم يا وليدي وش تبي
سلطان: يمه قولي لجدتي تحط ل ابو تركي وللجيران حصتهم من الذبيحه
ام عبد العزيز: ابشر يا وليدي
سلطان: تبشرين بالجنه
سلطان: يمه بسألك
ام عبدالعزيز:وش يايمه
سلطان:متى يخلص المقلقل
ام عبدالعزيز:يبي له ساعه او ساعه ونص
سلطان: تمام
~
وانتهوا الحريم من المقلقل
الجده نوره: يا عيال تعالوا خذو الاكل
العيال بصوت واحد: جايين ياجده
تقدموا  العيال يجيبوا الاكل من عند الحريم لعمانهم و ابتدا الكل ياكل
وبعد ما انتهوا من الاكل
دخلوا العيال كل واحد لغرفته يجهز للعيد
لبسوا ثوابهم وعدلوا شماغهم وتعطروا
دخلت رنيم عند اخوانها تبخرهم
رنيم: وش ذا الزين يا أخواني
سعود: الزين كله منتس
سلطان: دامتس اختنا ماخذين الزين منتس
فهد: الزين كله من اختنا
رنيم بخجل: الله يقلعكم خجلتوني
كلهم ضحكوا: هههههههههههههههههه
رنيم: اص للحين يسمعونا تؤامناالملقوفات وياكلونا بقشورنا
سعود: الا وينهم مالهم صوت
رنيم بطقطقه: جدتي كرفتهم بتنظيف البيت
سعود: ياعزتي لهم
تقدمت رنيم تبخر سلطان ومن بعده سعود ومن بعده فهد ونزلت لتحت
تقدموا سلطان وسعود وفهد عند جدتهم يعيدون عليهم
تقدموا ثلاثتهم يحبون راس جدتهم: كل عام وانتي بخير يا جده
الجدة نوره: وانتو بألف خير ياعيالي
الجدة نوره: يا وجد جيبي الحلى والقهوه لا اخوانتس
وجد بتعب: ابشري الحين اجيب لهم
-تقدمت وجد تضيف اخوانها القهوه والحلى
ولما شافت كشختهم وقعت الدله من يدها
فزوا اخوانها من مكانهم بخوف على وجد
سعود بخوف: وجدي فيتس شي
سلطان بخوف: يعورتس شي
فهد بخوف: انحرقتي
وجد: الله اخواني كشوخي اليوم
سلطان وسعود وفهد بعصبيه: منجدتس جالسه تتكلمي خايفين عليك وانتي تقولي عن كشختنا
فهد بنرجسية: وقعت الدله من يدها اول ماشافت جمالي
وجد: الحين اقول الحقيقه ماراح انكر اي والله وقعت اول ما شافت جمال اخواني
سلطان وسعود وفهد شاش راسهم
سلطان: الا صحيح كلمكم عبد العزيز متى بيجي
وجد: ايوا قال بعد صلاة الظهر جايي
العيال بصوت واحد: يوههههه
وجد: مسافه الطريق بتاخذ وقت
جت وجود عندهم
وجود: ياحيوانين خيانه تسولفوا بدوني
فهد: اعوذ بالله خرشتيني بشوشتك ذي
وجود: وجع انا بعد شوي اتكشخ مع البنات فكك مني الاهم الحين انتم
وجود: وش ذي الكشخه يابوييي
فهد تنحنح: انا اكشخ واحد فيهم
سلطان وسعود: يا البجيح من زينك عاد
فهد: يغارون ماعليك منهم
وجود:كلكم كشوخي ماشاء الله عليهم اخواني
الله يحميكم
وجود: بروح اتكشخ قبل ما يجي عبد العزيز عشان اخواني كلهم يكونوا موجودين لما يشوفون كشختي يازينني
فهد بغيره: من زينك عاد ام شوشه
وجود: انطم وهربت
فهد بصدمه: قالت لي انطم
سلطان وسعود كاتمين الضحكه: مدري ماسمعنا
فهد: اضحكو ما وقفت عليكم
انفجر سلطان وسعود ضحك: هههههههههههه
وقطع ضحكم صوت جدهم
الجد سعد: يافهد تعاللل
فهد بحلطمه: يخي انا اكثر واحد فيكم منكرف
العيال رجعوا من جديد يضحكوا عليه
فهد: يلا جايي يايبه
_________________________
انتهينا اول بارت ان شآء الله نال اعجابكم
ادعموني بنجمه حتى استمر اكتبوا رأيكم
بالتعليقات حسابي الانستا: 4dn_ox
انزل عليه أول بأول
الحين التنزيل بيصير ذي الفتره يومي مافي وقت محدد يعني بأي وقت بنزل البارت
دلعتكم بأول بارت عملته طويل ادعموني بنجمه حتى استمر