ياسعود ما أتعَبتني السِنين أنتظارك

البارت الثاني

بقلم الكاتبه دَنو آل عَبدالله✍🏻

{البارت الثاني}

بِسْمِ اللَّـهِ الرَّحْمَـٰنِ الرَّحِيمِ

فهد بحلطمه: يخي انا اكثر واحد فيكم منكرف
العيال رجعوا من جديد يضحكوا عليه
فهد: يلا جايي يايبه
~
-عند فهد والجد سعد
فهد: أمر يا جدي
الجد سعد:وديت حصة ابو تركي والجيران من الأضحيه
فهد: ايوا ياجد
الجد سعد: كفو عليه حفيدي
فهد: كفوك الطيب يا جد
الجد سعد: انا بروح للمجلس الحين يجوا الرجال يعيدون ناد صالح وناصر وانت معهم لأن لكل واحد له مهمه
فهد: ابشر ياابو يوسف على ذا الخشم
فهد: الحين لما يتجهز ناصر وصالح ابلغهم
الجد سعد ابتسم لحفيده ومشى للمجلس
~
عند البنات
وجود: يابنات متى بتتكشخوا
وجد: قبل ما يجي عبد العزيز لازم نكون متكشخين
رَغد: وش رأيكم نقوم نتكشخ
دانا: ونلبس الفستان الي صُنع من أجلنا
البنات بصوت واحد: يلاااا
~
دخلوا البنات كل وحده لغرفتها لتتكشخ للعيد
-عند غرفة دانا ورغد
دانا: رغدي متأكده ان فستاني حلو
رغد: دنوتي الف مرا قلتي لي اذا حلو
دانا: فكي كلامك الفاضي الحين صدق حلو
رغد: انتي كل شي تلبسيه تحليه انتي الحلى اساسا
دانا حضنت اختها: يخي احبتس
رغد: اموتفيتس
-عند غرفة وجد ورنيم ووجود
وجود بعصبيه: رنيممم من اخذ البلاشر حقي
رنيم: ليه هي كل مصيبه تتدبس براسي
وجود: اخذتيه او لا
رنيم: لا
ما انهت رنيم كلامها والا دخلت عليهم وجد وبيدها البلاشر
وجد: وجودي البلاشر حقك خايس مدري ليه تحبيه لذي الدرجه
وجود بصدمه: لحظه استوعب الي صار بذي الثانيه، اخذتي بلاشري بدون ما تقولي لي وتخليني اقول لرنيمي انها هي اخذته وبالاخير تقولي عنه خايس اذا خايس ليه حطيتي منه
وجد: انجبرت احط منه حقي ضاع
رنيم بزعل: يعني ماراح تراضوني
وجود: ابد انتي اول عناقيد البنات مايهون علينا زعلها
وجد: اجلل خلينا ناخذ حضن الاخوات
كلهم بصوت واحد: يلاا
وكل وحده اعطوا رنيم بوسه
وجود: رضيتي
رنيم: احد يزعل من ملقوفاتي
وجد: يخي احبكممم
رنيم ووجود: نموت فيتس
-عند غزال وعهد
غزال: عهدي البس الاسواره الفضيه او الذهبيه
عهد: فستانتس لون احمر يليق له الذهبي
غزال حضنت عهد: يخي احبتس
عهد: اموتفيتس
~
وبعد ما انتهوا البنات كشختهم للعيد
-عند دانا ورغد
رغد: دنوتي كشوخيي
دانا: دامني اخت رغدي اكيد ماخذه الزين منها
رغد: يخي احبتس
دانا: اموتفيتس
انتهوا من كشختهم على وصول ناصر لخواته ومعه المبخره
ناصر: وش ذا الزين يا مزيونات
رغد: الزين كله من نويصر
دانا: نوصير وش ذا الجمال يا أخويي
ناصر: انا لما تكشخت قلت اكيد انا اكشخ واحد بس الظاهر خواتي سرقوا شكختي
دانا ورغد بخجل: الله يقلعك خجلتنا
ناصر وهو ماسك المبخره: دامكم ما بخرتوني انا ببخركم
فتح يدينه لهم ودخلوا خواته بين ظلوعه
دخل عليهم ياسر: يخي لازم كل حضن يفوتني
ناصر فتح له يدينه: تعالل يا العضيد ادخل بيننا بدون حلطمه
ودخل ياسر بينهم وتبخرو كلهم
ياسر: الله عضيدي كشوخي واخواتي كشوخي
دانا ورغد وناصر: كلنا كشوخييي
ناصر وياسر حبوا راس خواتهم
رغد:فين العيديه
دانا:يلا هاتوا العيديه بدون نقاش
ناصر: انا اصغر من ياسر لازم ياسر يعيدنا كلنا
ياسر: تدبسها فيني اقول اص ولا كلمه كلنا بنعيدهم
ناصر: ابشرر
ناصر وياسر طلعوا من جيبهم العيديه ونزلوا لتحت عند العيله
-عند رنيم وجد ووجود
بعد ما انتهوا من كشختهم جتهم رنيم ومعها المبخره تبخر خواتها وتبخر نفسها
رنيم: يازينهم خواتي
وجد: الزين والحلى كله منتس
وجود: يازيننا بس
دخلوا عليهم سعود وسلطان وفهد
فهد: متأكدين ذول خواتي
وجود ورنيم ووجد: ايوا فهودي
فهد: يخي ذول مب خواتي كانو قبل شوي بشوشاتهم وش صار لهم الحين
وجود: اقول انطم
فهد: قلتيها للمرا الثانيه المرا الاولى نجيتي اما الحين مافي نجاه وتركض وجود ولظهر سلطان
سلطان: هي بوجهي لو تمد يدك عليها ما تلوم الا نفسك
فهد: ابشر
سعود: وش ذا الزين الحين اخربط بينكم وبين حلاوة العيد
سلطان: بسم الله عليكم الله يحميكم
فهد: وش ذا الزين رنيمي ووجدي
وجود: سلاماتتت واناا
فهد: انتي شينه ام شوشه
وجود: من زينك عاد كان ناظرت نفسك اول ما قعدت من النوم يا الجوكر
فهد: انطمي للحين اعفس كشختتس
وجود: دام وراي سلطان وسعود ما تقدر
فهد: عشانتس قلتي كذا مافي لتس عيديه
وجود: ما ابيها
وعيدوهم ونزلوا لتحت عند العيله
-عند غزال وعهد
عهد: غزالي الميكب حقي حلو
غزال: تجننين دامني انا من عملته لك
عهد: يخي احبتس يا اجمل غزل بحياتي
غزال وهي طالعه من الغرفه تجيب المبخره ارسلت لها بوسه بالهوا واخذتها عهد
دخلوا صالح وضاري عند خواتهم
صالح: عهدي وش ذي الكشخه
عهد: دامكم اخواني الكشخه منكم
ضاري: وين غزال
عهد: راحت تجيب المبخره
صالح: انا راح ابخركم
ضاري: للحين تحرق شعرهم انا ببخرهم انت ملقوف اعرفك
صالح: افا عليك ازهلها
عهد: صالح لو تحرق شعري اذبحك
صالح: ازهليها
غزال الي دخلت الغرفه ومعها المبخره كأنها نورر دخل من الغرفه
صالح: وش ذي الكشخه غزالي
غزال: ارسلت بوسه له بالهوا
صالح: التعامل عندهم بوسه بالهوا
ضحكوا ضاري وعهد وغزال: ههههههههههه
صالح: جعل ما حد يضحك غيركم
عهد: غزالي صالح ببخرنا خليه يبدا معك
غزال: ليه انا ليه مب انتي
صالح: ليه خايفين مني ترا انا ما أكلكم
ضاري بضحك: لا يا صويلح ليه يخافون منك عارفين انك ملقوف اكيد بتحرق شعرهم
صالح: اقول فككم كلام ببدا بغزال
غزال: الله يستر
بعد ما انتهى صالح من تبخير غزال
صالح: شفتوا ما حرقتها
صالح: يلا دور عهد
عهد: فكك مني
صالح: اص بدون صوت كلها ابخرك وبس
وبدا صالح يبخر لعهد والا شرد بتفكيره وحرق خصله صغيره من شعرها
الكل سكت وصالح راح ملح
عهد: في ريحة شي انحرق
صالح بتوتر: لا مافي شي انحرق
أشر صالح لضاري وغزال ما يتكلموا
صالح: وكذا خلصنا عهد يلا انا بروح فهد يناديني
عهد: وش بلاه
ضاري وغزال رفعوا كتافهم بمعني "مدري"
وعيدهم ضاري ونزلوا لتحت عن العيله
~
نزل الكل لحتى يعيدوا على العيله والا على  صوت دق البوري حق عبد العزيز يعلن وصول عبد العزيز
____________________________
انتهى ثاني بارت اتمنى نال اعجابكم لاتنسو تدعموني بنجمه لحتى استمر البارت اليوم كان طويل وبخصوص التنزيل بنزل كل يوم بس مافي وقت محدد حسابي الانستا: 4dn_ox
انزل عليه كل شي أول بأول اكتبوا رأيكم بالتعليقات رأيكم يهمني ادعموني بنجمه حتى استمر
استودعتكم الله يحلوين💗