دى مش أوضة درس!
دى قاعة أفراح!
أنا: الحمد لله
محمد: يستاهل الحمد بس على إيه؟!
أنا: إن الحصة كانت لذيذة وخفيفة
محمد: يعنى فهمت الدرس بتاع النهاردة؟
أنا: الحمد لله. لأ
محمد: كلكوا بتقولوا كدة وفى الأخر تطلعوا الأوائل
أنا: يا محمد أنت مش فاهم حاجة
محمد: خلاص خلاص
أنا: هو مالوا الواد ده؟!
محمد: أحمد ده أتلقيه أترفض أصلوا بيحب أميرة بس أميرة بتحب شادى وشادى بيموت فى رانيا ورانيا بتعشق زياد وزياد عينه على بوسى وبوسى...
أنا: هى دى إللى كان بيفكر فيها لما المس قالتلوا أنها أحلى من إللى بيفكر فيها
محمد: آه ولو سمحت مش تقاطعنى إحنا وقفنا عند مين؟
أنا: عند بوسى إللى زياد بيحبها
محمد: آه صح وبوسى عنيها على سمير وسمير مدمن لمياء ولمياء بتحب أحمد إللى هو أول واحد قولنا ده إللى بيحب أميرة بس أميرة رفضته علشان بتحب.......
أنا: خلاص يا عم دى دوامة مش هتخلص. طب هو مفيش حد بيحبنى؟
محمد: معلش أصلك جديد وبعدين شوية شوية هتلاقى معجبات وهتلاقى منفسنين أصل شكلك حلو وجميل أوى هو أنت من المنصورة؟
أنا: لأ مش من المنصورة طب أنت مش بتحب ولا بتتحب ليه؟
محمد: ياعم هو أنا ناقص صداع وبعدين أنا علطول مديهم ريق ناشف أنا مش ناقص وجع دماغ السنجلة جنتلة يا مااان.
أنا: ده مش سنتر لطلب العلم ده سنتر لطلب نصك الحلو حسبي الله ونعم الوكيل جيل فاسد (بصوت محمد سعد اللمبي).
YOU ARE READING
الحياة في نظر الثانوية العامية
Humorالثانوية العامة مش صعبة ومش سهلة فى نفس الوقت لكن لو عندك هدف ومحتاج توصله أسعى وأجتهد وبرضوا مش هتوصلوا أومال أنت مفكر أيه (بهزر)
