الكاتبه: ليندا محمد
________________________________________
نيروز
صارلي خمس ايام بالبصره وآسر ماشفته بعد يعني مرات اشوفه بس يسلم عليه
واني عازله نفسي بالغرفه ما اطلع بس اطلع اكل وارجع انام، وهسه كاعده بالغرفه لوحدي ودخل عليه آسر
-آسر شبيك؟
- تعالي احجي وياج
-هنا
-لا بغرفتي يلا لحكيني
رحت ورا للغرفه شفته كاعد ع الجربايه اشرلي اكعد كباله
- باعي نيروز عمج خابرني
-اي وشكال
- خليني اكمل ولا تقاطعيني تمام
- تمام كمل
- يكول اريدهن يرجعن لبغداد واذا ما رجعن لو بيت اخوي يصير بأسمي لو وحده منجن تتزوج مُلهم وملهم الكو** يكول افضحهن واخلي الرايح والجاي يحجي عليهن
- شنوو وهسه شلون ياربي اني ما أضحي بأختي
- انطي البيت احسن من ما ياخذون اختج
- لك افهمني البيت بس هذا الشي اليذكرني بأهلي واذا ياخذه وين اعيش اني واختي بالشواارع لو من بيت لبيت هاا؟
- افاا واني ماموجود
- آسر مستحيل اني اعيش يمكم واني مامطوله يمكن باجر لو عكبه ارجع والعب بيهم لعب اريد سرسري يفك حلكه وهذا مُلهم دوا عندي
- احح بويه شنو انتِ
- والله شوف شحسوي بيهم
- يلا اخذج باجر لو شوكت؟
- اليوم الفجر نطلع
- خوش منعيوني
- آسر ما عرف شلون اشكرك تعبتك وياي
- تعبج راحه بويه
ابتسمتله ورجعت لغرفتي صحت لناره وقلتلها تحظر غراضها وهي ما صدكت وكذلك نورسين ويانا لان اخوها مايقبل يعوفها
بقينه كاعدين لان ماكدرنه ننام صارت بالاربعه الصبح وطلعنا غراضنا للسياره وكملنه رحنا لبغداد
واني خايفه ومتوتره شلون راح اقابلهم يمكن يسوون شي لاختي لو الي اني ماعندي غيرها وهم يكتلوها
وما يرفلهم جفن
نمت بالطريق شوي وبعدين وصلنا كبل نزلنا لبيتنا مو ببيت عمي رحنا نمنا وراها الظهر كعدنا سويتلهم دولمه عيب لان آسر ماقصر ويانا
-آسر: نيروز صدك انتِ مسويتها؟
-نيروز: ايي ليش مو طيبه
-آسر: بالعكس تخبل
-نيروز: بالعافيه عيني
-آسر: فدوه لعيونج
ما جاوبته لان راح يبقى يحجي ويتغزل اجن البنات وكعدنا ناكل كلنا لحد ما قطع الصمت آسر
YOU ARE READING
وهَم ايثار
Mystery / Thrillerاغتصاب انتقام تحرش هروب خيانه ((حَسبالي حَچيك صدك وعَيونك تحَبني .)) ~القصه~ حتكون كذاا وَحدث أن تَظُن أنَكَ وَجدت مَأمَنك وأنتَ تَزِيدُ قَلبك هَشاشاََ .- وَكَتمِتُ مَافِي القُلْب إلى أن فاضت أدمُعِي . هناك فتاة وحيده وقويه لاتهاب ولاتنكسر فاقده أ...
