وهَم ايثار

bart 13

نيروز

دخلنا سنة 2019 خلصت الامتحانات والمدرسة هم مرتاحين شوي والايام نفسها کل يوم يجي عمي لو ابن عمي يهددونا لحد ماصار شي متوقعته يصير
.
كاعده بالمطبخ لوحدي منتظره ناره تجي لان وديتها تشتري من المحل الي يمنا

تأخرت راحت قبل 20 دقيقه وما أجت بعد رحت للمحل اريد اشوفها وينها؟

طلعت برا وصلت للمحل شفت ابو المحل كاعد

-سلام عليکم

-وعليكم السلام

-عمو هم اجت بنيه اشترت منك شعرها مفتوح

- ايي عمي من شوكت راحت

- شنووو وينههاا منين راحتت؟

- والله ياعمي مادري اشترت وطلعت يمكن قبل 15 دقيقه هيج

انهاريت يعني وين راحت طلعت برا المحل وبقيت بالشارع ادور عليها ماكو رجعت للبيت ما أجت بقيت ابجي أجت فكره ببالي

خابرت على آسر يمكن يساعدني

-آسر: الو نيروز

- آسرررر آسر نارهه انخطفت

- شنوو وينههاااا منوو خطفها

- مادري مادري طلعت دتشتري وبعد ما أجت اختفتت فص ملح وذاب

- اخخ يا ألله هسه يطلعون عمامج الكو**** ورا هاي السالفه

- آسر هسه شسويي راح ارووح لمركز الشررطههه

- لااا دربااالج انيي راح اجيي لبغداد لا تطلعين من البييت

سد التلفون وبقيت ابجي وين اختفت منو اخذهاا معقوله مُلهم لان هو كال ماراح اعوفجن ياارب هسه شسوي

عفت البچي وكلشي رحت اصلي وادعي انشالله ترجع بخير وسلامة

بقيت كاعده على السجاده ابچي وادعي هم

بقيت للفجر كاعده وابچي اذن الفجر رحت اصلي وادعي

قريت دعاء دائماً اقرا بصلاة الصبح ((يا من يكفي كل شيء ولا يكفي منهُ شيء اكفني ما اهمني))

بعد دقايق اندك الباب عرفت آسر لان ماكو غيره

رحت فتحت الباب واول مافتحته حضني حيل

-آسر: مشتاقلج

-نيروز: آسر شبيك وخرر

-آسر: هاا اسفف .... شلونج؟

-نيروز: موزينه آسر اختي مادري وينها مادرريي خايفه عليها

-آسر: نيروز هذا الخوف ماراح يسوي شي صيري قويه اختج راح ترجع

-نيروز: شعنديي غيررهاا

-آسر: عمامج

-نيروز: شبيهم؟