سبع الساتر

Part 13

اللهم صلي على محمد وآل محمد

"سبع الساتر"

بقلم : الكاتبة نيرمين

بارت طويل اتمنى يعجبكم ولا تنسون التصويت + التعليق بين الفقرات + متابعه حسابي

انتباه ‼️ : عذراً البارت قد يحتوي على بعض المشاهد الجريئه التي لا تناسب الفائات العمريه

•~~~~~~~~~~~~•

رفعنه راسنه من سمعنه صوت حركه وجانت الصدمه من قوتها بقينه بس انباوع من فات عباس مستعجل متجه الغرفته

ندستني عبير : ولج هذه عباس اجه رايح الغرفته شكله

: ولجج والله العظيم لين اليوم تتخبل

: عززه العزاني بس لا راح يطب عليها كومي كومي

كمنه طلعنه نركض متجهين الغرفه عباس وكفنه قريب ؏ الغرفه جان الباب مفتوح وهو واكف يم ميز التواليت فاتح المجرات ويدور بداخلهن ؏ مدري شنو

جان اجه صوت لين وهي تكول "تماره هاي انتٍ اني خلصت بس باعي شنو لون شادو اخلي اشو احتاريت بالالون"

انباوع ؏ عباس عكد حواجبه وبقه صافنه ادور ضل ايهز براسه يمين ويسار يريد يستوعب انو سمع صوت او لا احنه خلينه ايده ؏ حلكنه كاتمين الضحكه

فجأه تطلعت لين من الحمام لافه المنشفه الكبيره ؏ كُل جسمها وبس ايدها طالعه وشعرها مغطيته بالمنشفه الصغيره مدنكه راسها اتعدل بالمنشفه ما شافته

وهو بقه مصدوم وفاتح عينه ؏ كُل وسعها يبلع بريكه وهي ما تدري عزززه الموقف لا يحسد عليه اني منها متت خجل

اباوع عليها رفعت راسها بقت فاتحه عيونها ؏ وسعها لا تاخذ ولا تنطي عاد اخوي المحترم اشسوه من الاحراج دنك اخذ اغراضه وطلع يركض

وهي بقت اتباوع وراه احنه رحنه دخلنه للغرفه نحجي وياها ونضحك عليها بس هي صافنه كأنما بغير عالم..

عبير : لين حبيبتي بيج شيء عززه اشبيج صافنه

: تره اخوي مو شبح اشبيج ولج

رمشت اكثر من مره : هااا؟

: هههههههههه اشبيجج

: هـ هذه عباس جان اهنا

: لا هذه خياله هههه

جان لطمت ؏ رجلها : عززه العزاني اشلون شافني هيج

عبير : خررب يومج زين وما سوه شيء

باوعنه اثنينه العبير وكلنه فرد مره : شيء مثل شنوو

ضحكت بخباثه : ما ادري بس يمكن بوسه حضنه شمه ههه

: عززه العززاج اشكد نيتج زفره