سبع الساتر

Part 26

اللـهم صلي على محمد وآل محمد

"سبع الساتر"

بقلم : الكاتبة نيرمين

بارت طويل اتمنى يعجبكم ولا تنسون التصويت + التعليق بين الفقرات + متابعه حسابي 

•~~~~~~~~~~~~•

من شده الهلع وكميه الخوف الي اجتاحتني واني اشوف هيج منضر مقرف منضر خالي من الانسانيه بقيت حاضنه نفسي وارجف

ما اعرف من وين اجتني الكلمات وما ادري بروحي من اني اردد بدعاء هو حفضني اياه

يا مخلص الشجر من بين رملٍ و طينٍ و ماء .. و يا مخلص اللبنِ من بين فرثٍ و دم ..و يا مخلص الولد من بين مشيمةٍ و رحم..و يا مخلص النارِ من بين الحديدِ و الحجر.. و يا مخلص الروحِ من بين الاحشاء و الامعاء..خلصني من يدي هائولاء القوم ..

جريت نفس ودموعي ضلت تنزل عشره عشره اول مره بحياتي اخاف من عباد الله

حضنت رجلي ونمت عليها واني اشهك ودايخه احس بنفسي راح يغمى عليه بس مقاومه لحد ما غلبني النعاس ونمت

بين الكاعده والنايمه وبين الوعي واللا وعي حسيت بأيده الخشنه تلمست خدي ابتسمت عبالي هو بس فزيت مخروعه من تذكرت اني وين

من فتحت عيوني صار كدامي لابس عسكري وملثم بالبدايه خفت بس نزع اللثام..

: اهدي اهدي هذه اني رجلج

هو كال هيج لو اني ضليت ابجي بالزايد واصرخ ذبيت نفسي بحضنه وابجي وهو يبوس بيه ويضم وجهة بركبتي واني اشهك..

حجيت من بين شهكاتي : ويـ وين عفتني هء مو كتلي ما اعيفج

: بعد روح روحي انتٍ اشلون اعوفج هياتني يمج لا تخافين اذوج بشيء؟ ضربوج احجي

هزيت راسي بمرات متتاليه وكلت : لا لا ما ضربوني بس خوفوني

مسح دموعي وباس راسي وكال بحنيه : ما عاش الي يخوفج وحبيبج السبع كومي وياي خل نروح يله حبيبتي يله

كومني ؏ كيف حاضني الصدره واني مجلبه بي بعدني عنه يباوع ؏ لبسي ما عجبه لان لابسه بنطرون يتخبل من عنده
نزع قميصه العسكري لبسني اياه وطلعنه

جانت الدنيا ليل ومكلوبه كلاب كُلها عسكريين الشارع مليان ملي وهذه الي يصيح وهذه الي يضرب هوسه هوسه

ضميت وجهي بصدره اخاف من هيج اجواء صعدني بسيارته الليوره لزمته من راد يروح..