مساء الخير زهـراتي
#ثعلب الحبتر
#بقلمي انا: زهراء
#حساب الانستا: zaii1_8
لا تنسون التصويت +التعليق بين الفقرات +احبكم زهـراتي
بسـم ﷲ الرحمـن الرحيـم
ــــــــــــــــــــــــــــــــــــــــــــــــــــــــــــــــــــــــــــــــــــــ
_خلصت وانتهت بس انه ملچوم
_الوكت خلصتة وياك بمعاناة
_واذا تسئل علي لا تسئل شبيك انه واحد متت من الحرامات
ـــــــــــــــــــــــــــــــــــــــــــــــــــــــــــــــــــــــــــــــــــــ
روح
اخذت العلاج وشربتة ماخلاني اتمددت كبل يكول مايصير مرت دقايق واتمددت شال الكلاص وراح ومن رجع رفع بطانيتي واتمدد بصفي
كارهتة و كارها قربة مني بس لازم اساسية هاي الكم يوم
حسيت نفسة انتظم ونام
ضليت امفتحة عيوني واتخيل لو ضال الطفل شنو يكون بنت او ولد وشنو اسويله
الحسرة الي بقلبي تهدم جبال
حمدت الله على الحال الي انا بي هم لو ضال وجايبتة للدنية ماراح يعترف بالطفل وراح يضل يعاني
شهكت من همس بأذني
الحبتر.... نامي لوزايتي موزين عليج التفكير
حجاها وباسني برقبتي دفعتة وحجيت
روح... ما اكدر انام من الالم
كام من يمي وطلع من الغرفة شوية ورجع شغل الضوة وانتبهت الة بأيدة ابرة
مديتلة ايدي وهوا اتقدم يمي طبطب على المكان الي راح يضربني بي وحسيت وغزة بأيدي
خلص وكام طفة الضوة ورجع اتمدد بصفي
غمضت عيوني ونمت وانا مو مرتاحة
كعدت الصبح على همساتة الي ونفسة وعطرة الي يطخ بية
الحبتر.... كعدي لوزاياتي
ابتسمت بأستهزاء وجاوبتة وانا مغمضة
روح.. لاتنسة لوزاياتك نفسهة بنت سلمان الي اغتصب اختك وقتلها بدم بارد وانتَ هسة مخلي بنتة بحضنك وتكللها لوزاياتي
دفعني عنة بقوة فتحت عيوني وابتسمت وانا اشوفة شلون يفور ووجهة محتقن من العصبية
الحبتر.... شنوو هذاا الحجيي وليشش تحجينة كداميي؟
ضحكت بأستفزاز واردفت ببرود
روح... شبيك هلاك هاي الحقيقة يعني قابل انا مو بنت سلمان النكس؟
YOU ARE READING
ثعلب الحبتر
Mystery / Thrillerإمرأةٌ قَويةٌ لا احتاجُ أحدً لكِ يسنُدني فاِنني أنا القوهْ وأنا الكَيدُ وأنا آخر وصيهْ لـرسول ﷲ تعَلمتُ القوهْ من خِذلانِ أقربِ الناسِ لي الذي يجب أن يَكون مصدرً لـِ أماني وهَل يوجد أمانٌ بجانبهِ ؟ تاهت أقداري وقَد اتعبتني الحياهُ ، لـكن ! لازلت...
