مساء الخير زهـراتي
#ثعلب الحبتر
#بقلمي انا: زهراء
#حساب الانستا: zaii1_8
لا تنسون التصويت +التعليق بين الفقرات +احبكم زهـراتي
تنويه//زهـراتي البارت الاخير راح يكون اكثر من جزء
بسـم ﷲ الرحمـن الرحيـم
ـــــــــــــــــــــــــــــــــــــــــــــــــــــــــــــــــــــــــــــــــ
ترف
غميتها وطلع علي مشة قبلي وفتح باب السيارة وصعد ودعتها وصعدت يمة حرك السيارة وطلعنة من البيت نص الطريق واندك تلفونة باوعت للاسم عمو باسل هذا شال تلفونة وجاوبة مدري شنو حجة بس علي صاح
علي.. علييكك الله
وكفت السيارة وضل يستمع الة بفرح رجع حجة
علي.. جاااي جايي
سداه منة وباوعلي وابتسم
علي... روح صحت
كمززت من مكاني وحجيت
ترف... علي صدكككك احلفف كوولل والله كولل
مسح على وجهة وصاح
علي.. والله شبيجج والله
ترف.. ودينييي ودينيي الهااا
علي.. والمدرسة؟
صحت بحماسس
ترف... انعلل ابوهاا ودينيي الاختتيي
هز راسة بأي ودار السيارة واني الفرحة ما واسعتني من الفرحة اريد اشمر روحي من السيارة وكلساع وصحت
ترف.. يلاا علي اسرعع شسالفة طولنة
وهوا يهز راسة بفرح ويجاوبني
علي.. هسة ماضل شي
على ما وصلنة روحي خلصت وكف السيارة واني نزلت بسرعة ما انتظرتة غفل السيارة واجة وراي يركض دخلنة بسرعة للمستشفى من كد مامستعجلين نسينة هيا بأخير طابق واحد صفن بوجه الثاني غماني وصاح
علي.. عوبة نسيت رقم الغرفة من وراج
غلست عنة ما اريد اعكر مزاجي واني فرحانة بأختي صعدنة فوك وصارت غرفة روح كبالي
نزلن ادموعي وشمرت جنطتي على علي وركضت الها فتحت الباب وعثرت بي بس كضيت بالدجة رفعت راسي وشفتها كاعدة كبالي على السرير وعينها على الفراغ والدكتور يمها يسئلها بلعت ريكي ورحت وكفت يمها اجيت احجي وجراني عمو باسل واشرلي اسكت وطلعنة برة الغرفة بهت وجهي وسئلتة
ترف.. ليش عمو اريد اشوف اختي
باسل.. مو هسة عمو الدكتور يريد يفحصها
YOU ARE READING
ثعلب الحبتر
Mystery / Thrillerإمرأةٌ قَويةٌ لا احتاجُ أحدً لكِ يسنُدني فاِنني أنا القوهْ وأنا الكَيدُ وأنا آخر وصيهْ لـرسول ﷲ تعَلمتُ القوهْ من خِذلانِ أقربِ الناسِ لي الذي يجب أن يَكون مصدرً لـِ أماني وهَل يوجد أمانٌ بجانبهِ ؟ تاهت أقداري وقَد اتعبتني الحياهُ ، لـكن ! لازلت...
