#مطرشقة_وطرشقتني
قصة #حقيقية ١٠٠%
للكاتبة وديان الخير
الحلقة ١٠
محمد شبح للولد
بشير:تعرفوا عليها خفة عقل رهيبة وبمكالمة مني توا نقوللها الو وينك تقولي نستنى فيك تي تعرفوا شيء من الاخير بالتريس حاجة صح
محمد رقتله لن خلاص :شن تقول انت من اسماء رجب اللي تحكي عليها
بشير تلفتله : شن فيك حمقت اسماء رجب اكبر فاسده ماعرفتهاش ياراجل
محمد ناض عليه وضربه ويحزوه الجماعة
محمد ضربه ع فمه خلاه دم وبشير ضربه ع راسه ومكرشين ف بعض تفشيخ لن خلاص
محمد :ياكلب ياوسخ هادي بنت عمتي مصمص فمك بالزهر قبل ماتتكلم عليها ياحيوان
بشير شبحله والشباب كلهم شبحوله بإستغراب
عماد :هدي بالك ياراجل مايجيش هكي
محمد :حولوا خلووني عليه يا...
وبدي يسب فيه لن خلاص
الشباب:تي غر صلوا ع النبي يارجالة والله مايجي تي عيب اللي اديروا فيه
وبشير ساكت غر يضرب فيه ومحمد يردله فيهم شيء ضربات ع الفم ع الظهر خشت بعضها رسمي وفجأة قدروا عليهم الشباب وحزوهم وكب مجموعة شاده واحد
صلاح :تي خيركم ياراجل انت وياه تي صلوا ع النبي تي راكم كبار شن الجو هذا
محمد :اطلقوني عليه هالفاسد يتكلم ع بنوت الناس مايسحابش روحه عنده خوات
بشير بهزوة :عقابها تعطوا عمتكم لمصري صار
محمد يمسح ف الدم اللي ع وجهه والجروح الهلبا اللي فيه
محمد:مصري شني يا ...
بشير:ههههه صار المصرية طلعت بنت عمتك
محمد شبحله والشباب كلهم ساكتين عماد ساكت ويشبح لمحمد
محمد فك ايديه من ع الشباب
محمد : حني مش عاطيين حد من بناتنا لمصري
بشير:هههههه توا ادس ف عملتك قصدك قدام الشباب متحشم منها بعدما فشحت روحك
ويهجم عليه محمد يضربه ماتحملش
محمد :ياكلب ياحقير اني راجل وبنوتنا متربي مش سايب ليك وللي زيك ياوسخ
بشير:لا واضح من اسماء المصرية تي اكبر فاسده شفتها ف حياتي ياا..
" مع احترامي للمصريين ممكن فيه حد يتابع من اصول مصرية او خواله او هكي كامل احترامي ليكم وكل شعب فيه الصالح والطالح بس هكي الاحداث صارت "
محمد :تي سكروله فمه اهوا خير امه هذا تي عمتي مش واخده مصري واخده طبرقي وهي اساسا بنت بنت عمتي وحتى بوها ليبي من طبرق تي فهموه هال ...
ودفوهم ع بعض الشباب
عماد :خلاص ياشباب ياسر الدم بدي يصب ف وجوهكم ومحمد عمته واخده ليبي ماعندهم حد واخد مصري والواضح انه تشابه اسماء بس
بشير ومحمد ارتخوا وقعمزوا وقعدوا الشباب يهدوا فيهم
صلاح :اهو تفاهمتوا وطلعت القصة ماليهاش فايده اصلا تي خيركم بالتريس
بشير ومحمد ساكتين يشبحوله
صلاح :غيروا الموضوع خلاص وفتحانه غلط ف غلط حني جايين بنغيروا جو وبنبعدوا ع الدوة هادي كلها مش باش نجبدوا فلانة وعلانة وهادي وسخة وهادي نظيفة
عماد :استهدوا بالله ياشباب وخلوا زردتنا اتم ع خير
باقي الشباب:صح الكلام صح
..........................
اسماء متكية بترقد والدمعة ع عينها تكلم ف فاطمة صاحبتها ع النت
فاطمة:به ياسر معاش تحرقي روحك عليه قالولك اسبوع ويرد عليك خيرك مكثرة عليه
اسماء: تعبانة ومحتاجتله عندك علم
فاطمة:شنو
اسماء:نادمة ان اعترفتله
فاطمة:علاش
اسماء: حسيت روحي هكي ماعرفتش علاش شوفيه هو كيف مش معدل ومدور
فاطمة:توا اللي صار صار الفايدة ف انك تعودي قلبك ع قلته لان مداما تجاهل اصلا وماقالكش فوتيه ماتعدليش عليه
اسماء:خيرك هكي يافاطمة ديما فوتيه فوتيه به نفوته هو وقلبي شني
وقالتها ودموعها بدوا ينزلوا وقلبها يتقطع من الداخل بشكل رهيب
اسماء:اني داهشة وتاعبة سكري توا
فاطمة :خيرك شن فيك
اسماء:قلبي خلاص يبيه ومش لاقيه
فاطمة : هدي نفسك ماتاخديش الموضوع بكل جدية خليك عادي ..الوووو ...الو
