قمراي وانا الليل

البارت الثالث عشر

عند العيال
طارق : يعيال وين البشتتتت
عبدالله : هذا هو يعريس لا تخاف بس رحت ابخره لك بالعوده
طارق : تسلم والله
و دخل عليهم غيث وهو مضايق بالحيل لكن ابد غيث ما يبين مشاعره لاحد و دخل معهم يتعطر و يتبخر و قال بصوته الجهوري : يلا مشيناااا و طلعو و كان منظرهم يشد العين لهيبتهم و جمالهم و كلشي و كان طارق متوسطهم و العيال على يمينه و يساره و دخلو المجلس و كانو الشياب قبلهم و كانو ينتظرون الشيخ يجي
_________
في مكان ثانييي 

عناد : ما ردت عليك لما ارسلت لها صح؟
صالح : اي ما ردت
عناد بضحكه مكر : اجل ارسلها لغيث
صالح : متأكد؟؟
عناد : اييييي وانا ولد ابوي ايههه
صالح : يلا الله يستر
و هم ما حسبو حساب ان غيث يقدر يطلع من هم و يجيبهم من تحت الارض ارسلو له صور أمجاد و غريد بذاك اليوم و هم ما حسبو حساب اي شييييي

نرجع لملكة "طارق و ياسمينه"
وصل الشيخ و كان التوتر غالب على طارق الي بين من وجهه انه وده يهج و ما صحاه الا طق صقر ليده وهو يقول : وين وصلت يا عريس؟
ناظره طارق بطرف عين و قال : انت انطق حرف ثاني لأجل اذبحك وانا مرتاح
صقر : اف اف لذي الدرجه منفس يشيخ هونها و تهون بعدين كنت مروق شجاك؟
طارق : اسكت تكفى كانت هينة لكن الحين تنكتب زوجه لي؟ يربي انا لو اني مب رجال خطه الشنب كان بكيت
صقر مسك ضحكته غصب : اقول لا يسمعك الشيخ راجح لأجل لا يعلمك كيف تبكي صدق و يشيخ بالعكس استانس كذا حياه جديده
طارق : يشيخ حل عنيييي نشوفك لمن ابوي يزوجك غصب
غيث دق طارق و قال : الي خذا بالك يتهنى به
طارق لف و شاف انه ابوه صارله ساعه ينده له وهو مب معهم و حس بأحراج وقال : سم يبه
و وقتها بدأ كلشي رسمي و وقع طارق و قام عبدالله و اخذ الدفتر لياسمين عشان توقع و راح دق الباب و فتحت له ام إيهاب و قال يا جده ادعي لي ياسمين بالله و بالفعل جت ياسمين و يوم شافت الدفتر بيده هجت و عبدالله ناظر بصدمه و همس : شفيها الخبله ذي! و قال : يولددددد ياسميننننن
و ياسمين مدري شجاها يوم شافت الدفتر بيده و هجت و ما كان ودها ترجع الا سحبتها نجد غصب و وصلو عند عبدالله وهو يناظر فيها بصدمه و قال : استخقيتي ليه تهربين مني؟ يعني مقدر اوصلك ان هربتي صدق ما اقول الا الله يرزقتس عقل وانا اخوتس
ياسمين وهي من الصبح ما كلت شي اصلا من التوتر داخت و مسكت عبدالله وهو لف بكل وقته و مسكها و قال : بسم الله عليتس شجاتس؟؟ و لف على نجد و سألها : قد كلت شي؟
نجد بهدة حيل من ياسمين : لا والله من الصبح وانا احاول فيها تاكل وهي مب راضيه تاكل شي
عبدالله تنهد و ناظر فيها و قال بعتب : افا يا ياسمين و كمل كلامه و قال نجد : به احد؟ بدخلها تقعد و فعلا دخلها و جلسها و راحت نجد جابت قهوه و حلا و كلشي لقته قدامها جابته من التوتر الي جاها و عطته عبدالله و عبدالله شافها متوتره و لف عليها : شفيتس انتي بعد؟
نجد : مدري مدري توترتتت وانا من الصبح اطارد وراها لأجل ما يصيبها شي وهي دلخخخ
ضحك عبدالله لخوف نجد على ياسمين و ع انه ياسمين الكبيره لكن نجد من تصرفاتها يحسون انه هي الكبيره و قالها : معليتس وانا اخوتس انا اأدبها لتس شتبين بعد؟
نجد وهي جتها بكيه و جت تقول : اي هنا حنا نمسكها عن الخبال و لكن لا تزوجت من يمسكها و سكت شوي و كملت كلامها و جت تقول اناا بروح انتبه لهاا و ما وقفتها الا يد عبدالله وهو يقول : افا تهقين بخليتس تروحين وانتي زعلانه؟
نجد وهي تشتت نظرها للسقف قالت : هاه لا ماني زعلانه
عبدالله ضحك وهو يعرفها لا زعلت تهرب عيونها من عيونه و قال : حطي عينس بعيني طيب
نجد حطتها بسرعه و وخرت و قالت : حطيتها و ما تسمع الا ياسمين تقول : من مزعل نجدي
و نجد هنا انهارت تبكي وهي ما ودها تفارق ياسمين و ع انه توه الزواج له اسبوعين بس خلاص يعني رايحه هي وهي تفكر انها بالاخير بتقعد لوحدها يعني صح عندها سحاب لكن برضو تبي ياسمين لأنها تدري بخالد وهي خايفه من خالد مره بس ما تبي تبين لعبدالله ابد ولا تبيه يعرف خالد وش قد سوا فيها أكثر من كذا عشان ما يذبح خالد و ما حست الا بعبدالله يحضنها وقال : انتي وراس شي بس يلا ان شاء الله خير بعدين نتفاهم
و نجد تورطت و قالت : لا وش وراي بسم الله غير اني بس ما ابي ياسمين تروح
عبدالله بعد عنها و كتف يدينه و قطب و قال : توها اسبوعين ليه تبكين من الحين؟
نجد : يربي عبدالله يا حبك للتحقيق و صرفت الموضوع و جت تقول : ياسمين كلي اخلصي علي قبل ادفنتس
عبدالله شك بنجد و حطها براسه و قال : معليه يا النجد لنا تفاهم وانتي يا الخبله وقعي اخلصي علي و بعدها كملي اكلتس و ذي اخر مره اشوفتس ما تاكلين و اخلصي تأخرت على الرجال عيب و وقعت ياسمين وهي بتموت و طلع عبدالله و شهقت ياسمين و فزت نجد : هاه وشووو مين جا مين طارق اروح؟ وشو
ياسمين ضحكت و قالت : يا المصفوقه شفيتس محد جا بسم الله عليتس
نجد ناظرتها بطرف عين و قالت : الله ياخذتس طيب ليه تشهقين
ياسمين : استوعبت اني صرت زوجته رسمي خلاص
نجد طقت جبتها بخفه و قالت : يربي الحمدلله و الشكر اجل وش حنا قاعدين نسوي من اليوم مهب ملكتس يا الدلخه يربي اخاف الولد يرجعتس من اول يوم و يقول معطيني وحده خبله ليه ناقص خبال انا
ياسمين طقتها : يا وصخه اختس الكبيره انا
نجد مسكت يدها بألم وقالت : وي اي اخت كبيره انتي اعطيس عمر خمسه يختي و هجت و هي تركض قالت خلصي الحلا و القهوه ولا وربي اني لا اتوطاس و راحت وهي تضحك

عند العيالل
دخل عبدالله شاق الضحكه و قال بالمباركك عريسناااااا و طارق بغى يموتتتت و نسى انه بنص المجلس و قال : وقعتت احلف انها وقعت ورنييييي
ابو إيهاب تنحنح و قال : اشوف معد صرنا نستحي
و طارق تفشل و قعد و قاله عبدالله وهو يغمز : ما تبي تدخل تشوفها؟
طارق ناظره بطرف عين و قال : يخي انقلع عني المشكله مقدر ادعي و اقول الله يحطك بمكاني
عبدالله ضحك و قال : ايوه تعقبببب
ابو إيهاب : يولد طارققق
طارق : سم
ابو إيهاب : ادخل شف حرمك
طارق انجلط لكن ما عنده حل الا انه يسمع حكي ابوه لا يكسر العصا على راسه : سم يبه و كمل حكيه و قال : عبدالله امش معيي
و عند غيث فتح جواله لقى رسايل من رقم غريب و استغرب و جا بيفتح و ما سمع الا صوت سيف يناديه و لف عليه : سم يا السيف
سيف : سم الله عدوك اسمع انا بطلع جدي وصاني على شغله شرايك تخاويني؟
غيث : اي يلاا