سليله الانتقام

البارت الثاني عشر

سئلوني كتالك منو..
ياخي ستحيت ودنكت..
كتلهم الله ليعلم..
عابني ماعندي گلب..
وعن لايعرفونك هلي..
رشيت ماي وي الدم..

________________________

الانتقام الاول...

-ميته

..كال هيج لو احس الدنيا اسودت بعيني لا مستحيل ملاك ماتمووت
ريم: لك شرار احجي شنو ميته ملاك ماتت لكيتوووها ميته؟؟

.. يحجي بصعوبه وكسره گلب
شرار: كتلت نفسها

..حسيت نفسي دخت لا ياربي اني سبب خطفها واني السبب بكلشي صار وياها لو ماطلعت ذاك اليوم ماصار بيها هيج نزلت دمعه مني صحيح اربع ايام عرفت بيها ملاك بس جانت شخص استثنائي بلنسبه اليه كدرت احجيلها عني واني انسانه انطوائيه ومااحجي عن حياتي فوك هذا حسيت بتئنيب الضمير لان طلعت وعفتها ابحدها لو اني طالعه بمكانها عاد اني ماعندي احد يحزن عليه ماعندي اهل اله هيه الله يعين گلبهم

.. شمرت المبايل واني ما مصدكه الي سمعته مستحيل ملاك ليش تقتل نفسها ياترا شنو الي شافته منهم ووصلها لهاي الحاله

.. بجيت واني افكر باهلها شحالهم هسه خطيه ما تستاهل كعدت افتر بلصاله مااعرف شسوي اريد اروح واشوفها مستحيل ليش تكتل نفسها ورا كم ساعه ونفتح الباب ودخل جان لابس اسود