#خيال الآسر
بقلم:بنين+ تقى
يا اول بشر ما ملتة سنيني....
انعدت وتكررت وما صرت روتيني "
احس كل القصايد الك مكتوبات ! -
ولامس روحك بكل صوت سبعيني
من تمشي السوالف لازم تمر بيك
اسدها العلى عيونك ماتوديني..
___
جواد : بنتي اهدي خلي احجيلج
خيال : تفضل عمو
جواد : ابوج اخذ امج عن حب وابوي بالبداية جان ما قابل بس بعدين اقتنع لان هوة هم ماخذ امي عن حب تزوجو امج وابوج وقبل لا تجين انتي ابوي وامي كامو على الزلة يحاسبون امج ومحد عرف السبب وجدج ﷲ يحفظة ضل يكول ال تيام حتة يتزوج على امج ومحد جان يدري شنو سبب هذا التغير ومحد جان قابل بي لان كلنة شهدنة حب امج وابوج ﷲ يرحمهم ابوج جان رافض رفض قاطع وقرر يعزل بيت بحدة ابوي ما قبل وتعارك ويا وخيرة بينة وبين بيرين ﷲ يرحمها ابوج ما قبل وخصوصاً بعد ما اكتشف انو امج حامل وطلع عزل بس جان دائما يحاول وي ابوي بعدين ابوي طاح وتمرض وعلاجة ما جان عند مستشفى علاجة جان عند سيد والإمام علي (عليه السلام) اخذنا واكتشفنة مسويلة سحر وجان يريد يحجي وي تيام ويرجعكم يمنة بس ابوج ما جان الة أثر هواي بحثنة عنة وما لكينا.
خيال : عمي يحجي واني دموعي تنزل اردفت ما عرفتو منو سوة السحر؟
عمي علي : عرفنة بنيتي بت عمي مسويتة
خيال : ﷲ لاينطيهة عشنة بغربة هذا الوكت كلة اسفة عمو لان صيحت بوجهكم بس من حركة كلبي على ابوي الي توفة بالغربة كمت ابجي بصوت عالي وعمي جواد وعمي علي كامو وحضنوني وهمة يحجون
جواد : افيش يابوية بيج ريحة الغالي
حضنتهم واني ابجي قاطع صوت بجينة صوت ريحانة وهية تكول
ريحانة : خيال ليش تبجين!؟ منو هذول؟
خيال : تعالي حبيبتي هذول عمامنة
جواد : تعالي بابا اني عمج جواد تعالي بعد هلي
علي : هلا بنيتي اني عمج علي
___أسر
فتحتلنة الباب وبين على ملامحهة الصدمة بدة ملهم يحجي هوة وابو ودخلنة جوة كعدنة وبدة يحجي عمي جواد واشوفهة شلون نهارت وبدت تحجي عليهم احس كلبي انكسر واني اشوفهة هيج تشهك اباوع على ملهم عيونة حمر ومدمعة ندستة
أسر : شبيك ملهم
ملهم: ولك احس طكني العوز كوم احضني نوب هاي بت عمي شدعوة هيج حلوة شو الي عدنة زركات
أسر : هههههههه ها ترة اكول السدرة وبان عليك تكللهن زركات
ملهم : شبيك اتشاقة ماتصدك تصيرلي زلة
التفتنة على صوت طفلة وجانت اخت خيال ضلينة صافنين على جمالهة ولو اختهة منو
ملهم: اكلك هذن عمي شنو متنسي بيهن!؟
أسر : انجب
ملهم : ولك لعابة مو طفلة عود مثل المشعوذين الي بالبيت
حجت خيال وهية تكول
خيال: عمو اني اريد الفاتحة منا تطلع من بيتة
جواد : تدللين بوية بس راح نسوي فاتحة هم هناك بيت جدج
خيال : براحتك عمو بس يمتة تجيبون الجثة
ملهم : كملنة الإجراءات بقت بس ننصب الجادر مال فاتحة ونجيب النسوان هنا
خيال : تمام
طلعو عمامي ينصبون الجادر واجت خالة ام علي تحظر وياي واجت الملاية وبذت النسوان تجي واجن زوجات عمامي وجانن كلهن حبابات واجن عماتي هم بس وحدة من عماتي ما حبيت وحدة من بناتهة دخلو التابوت
خيال : يابة وين رايح راح يدفنوك يم عزيزتك يابة بداعتي لا تروح يابة منو النة يابة منو يسندني من بعدك وانا اليتيمة بهل دنيا هاي موتتك كسرت ظهري مثل كسرة جناح الطير مذلولة بدونك رد الية بساع حركة كلبي متطفيها عشر بحور انزف دم عليك وانتة جوة الكاع خضرة رويحتك يابوية ليش تروح
أنت تقرأ
خيال الآسر
General Fictionالكاتبه بنين _ سيأتي يوم تُدرك فيه إن طيّ الصفحه هوَّ أفضل شعور في العالم ، بل ستدُرك إن ما بالكتاب هوَّ أكثر بكثير من تلك الصفحه التي كُنت عالقًا بها .
