البارت الثالث والثلاثون ♥️
ــــــــــــــــــــــــــــــــــــــــــــــــــــــــ
"من أراد الدنيا فعليه بالقرآن ومن آراد الآخرة فعليه بالقرآن ومن آرادهما معا فعليه بالقرآن"
د/حازم شومان
ــــــــــــــــــــــــــــــــــــــــــــــــــــــــــــــــــــــ
لأنك الأقرب لقلبي كان الجرح منك قاتلاً.
_زفرت غزل بضيق وتحدثت بحزن:_
لحد امتي يا رولا.
_أجابتها الأخري بعدم فهم:_
لحد امتي إي.
_تحدثت غزل بحزن ظهر في نبرة صوتها:_
لحد امتي هتخليكي تعيطي، لحد امتي هتخليكي تفكري فيه، لحد امتي هتخليكي تحبيه، هو لسه بيحبك وأنتِ بتحبيه ما ترجعوا لبعض.
_كانت رولا لا تصدق ما تسمعه فصمتت لوهلة تفكر في حديث غزل إلي أن تحدثت غزل :_
إي روحتي فين
_أجابتها رولا بنبرة مهتزه وجسد يرتجف :_
أن..أنتِ بتهزري ص..ح، أنتِ أكتر واحده عارفه اللي عمله فيا، وكنتي معايا لحظه بلحظه وكنتي عارفه أنا كنت عامله ازاي ساعة ما سابني.
_تحدثت غزل بأسف وحزن:_
أنا عارفه ده كلو والله بس أنتِ لسه بتحبيه وهو كمان ساب ريتال وعرف إنه بيحبك، الحب بتديله فرصة تانيه.
_زفرت رولا بعمق وقالت من بين شهقاتها :_
الخيانه مفيهاش فرصة تانية، ده أنا كنت برن عليه مكنش بيرد عليا وهو معاها، صدقيني أنا لو خلتني عمري كله أحبه عمري ما هأمنه علي نفسي تاني ولا هديله فرصة ثانية، وربنا دايما بيختار الخير.
_تفهمت غزل حديثها وأجابتها بنبرة حزينه:_
والله أنا بتمنالك كل الخير اللي في الدنيا، لأنك تستاهلي فعلاً، ربنا يجبر بخاطر قلبك.
_ابتسمت رولا ابتسامه بسيطه وقالت بهدوء ونبرة يطغي عليها الحزن:_
اللهم امين وإياكي يارب، شكرًا يا غزل إنك دايمًا جنبي، بس بلاش تقوليلي أوافق تاني، صدقيني أنا قلبي اتكسر بما فيه الكفاية بلاش تتكلمي تاني في الموضوع ده أنا مع الوقت هتنسي، الآيام هتداويني، وعوض ربنا هيكون أحسن من اختياري.
_تحدثت غزل بهدوء مصحوب بحزن:_
إن شاء الله يا رولا، حاولت غزل أن تغير مجري الحديث وقالت بمرح:_
ها ذاكرتي الامتحان باقي عليه اسبوع ولا مقبول زي كل مرة.
_علمت رولا أنها تحاول تغير مجري الحديث، شهقت رولا بقوة وقالت بصدمة مصطنعه:_
هو انا عمري جيبت مقبول ده أنا بجيب امتياز مع مرتبة الشرف.
_تحدثت غزل بابتسامة:_
يا سيدي يا سيدي الناس اللي مش هنعرف نكلمها بعد كده.
_ابتسمت رولا رغمًا عنها وقالت بغرور مصطنع:_
آه، أنتِ مفكراني هفتكرك بعد كده ده أنا مش هبصلك بطرف عيني أصلًا.
KAMU SEDANG MEMBACA
ليتها تكون لي..فِضه الشرقاوي (مكتملة)
Mystery / Thriller"إلى مَن تركنا في منتصف الطريق في أشد الأوقات احتياجًا إليه" منذ ذلك اليوم الذي تشاجرنا فيه، وأنا أنتظر منك رسالةً تعتذر بها عن خطئك، ولكن لم تفعل، كنت أنتظر منك رسالةً فقط، تسألني عن حالي. كنت سأجيبك بأنني بخير، ما دمت أنتَ معي، أفتقد إليك بشدة، أف...
