_ شكلو نحن ما ح نتكلم صح ؟ .
_ ايوا .. أنا قلت ليك البينا أنتهي وخلاص .. أصلا ماف شيء بجبرك تكمل وماف شيء بجبرني أتحملك .
_ ماف شيء بجبرني اتحملك ؟؟؟ .
_ أيوا .. للحقيقة ماف .. أبدا ماف .. أنت عارفني كويس إني إنسانة واضحة .. وبقت تهمني صحتي النفسية أكثر من أي شيء .. عشان كدا أنا أبدا ما مجبورة أبقي في علاقة بتستهلك كل طاقتي .. بعدين بقول ليك شيء .. ياسر أنت مريض .. البتسوي فيه دا مرض .. لازم تشوف دكتور نفسي وتتعالج .. عشان ما تمرض الناس معاك .. أنا قلت العندي .. خلي نرجع زي الأول لا كلام ولا سلام .
قامت ومشت على غرفتها .. وهو أستفزا كلامها شديد .. بس ضبط نفسه وقام يشوف شغله ويشغل نفسه من التفكير فيها .
كان صعب عليه شويه بس بحاول بقدر الإمكان ما يرجع البيت ويبقي مشغول ويكون وقته مليان .
شهد بقت مركزة أكتر مع جامعتها وامتحاناتها ومع نفسها وبعيدة عن العيلة وعن ياسر تحديداً .. أغلب الوقت في غرفتها وسط الكتب .. يا نايمة أو تبكي .. من كتر قعادها في غرفتها لم هم نسوها وبقو ما بندهو عليها إلا وقت الوجبات الرئيسية .. وهي نبهت عليهم كتير أنهم ما يجوها فبقو ما يجوها أبداً .
ميهاف كل ما تجيهم بتمشي تقعد معها وتحاول تخفف عنها وترجعها مثل الأول بس بلا فايدة .
العيلة أبدا بقت ما تشوف ياسر نهائي ولا بأي شيء من الأشكال .. العرفو من نجد أنه مؤجر شقة بعيد عن منطقهتم بس قريب من الشركة .
زاهر طلب يد شهد مرارا وتكرارا بس كانت بترفض في الآخر وبعد محاولات كتيرة منه وضغط من أهلها حتي وافقت وعملو خطبتهم والعرس بعد أسبوعين بس .
نجد قال من حق ياسر أنه يعرف عشان يتصرف وما يخلي حبه يروح ساي .. هه بس ياسر ولا هبب لي ولا حتي اتناقش معاه كتير في الموضوع ونجد ما حاول يتكلم معاه تاني .
من جانب تاني .
حتي أشرف بقو ما بشوفو كتير .. واقلب وقته في الشركة أو الميناء وبقعد باقي الليل مع بته وبلعب معها .. لسانه ما كتير بخاطب يارا .. لو اتلاقو بتعديها كواريك وجوطة وأنت وأنت وأنت .. والمنوال دا بقي بصدع بيه شديد .
علاقته مع سكرتيرته أخدت منحنى تاني خالص .. بقي ثابت كل صباح يشرب معها القهوة ونهاية الدوام حقها يوصلها لسكن الموظفين .
أشرف ما من النوع دا بس هو راجل ولي غريزته ولي طبعه زي كل الرجال .. عايز التهتم بيه وتدلعه وتكون لي من غير نكد وجوطة .
نسي يارا تماما أو بحاول يتناساها .. بتعامل معها كأنها ما موجودة أبداً وهي الموضوع بقي ما عاجبها وكل يوم تزيد في المشاكل لما ببقي ببيت برا البيت .
في يوم جاء داخل بدري ولقي ميهاف مع يارا .. سلمو على بعض بالأحضان لأنو ليهم فترة طويلة ما شافو بعض .
