جنتل توكسيك مان

28- حتى لو كِل العالم بايع

٢٨- حتى لو كِل العالم بايع
- جنتل توكسيك مان
- نيرة شريف

قالت العرب في وصف القلق:
«كاد قلقه يفلق حبّة قلبه».
____________________________________

بينما كان عمار في مكتبه جالسًا، أتى له اتصال هاتفي من خديجة أخته، رد عليها فوجدها تقول:
عمار، الشيخ عريس هند جاي النهارده كنت بعرفك بس علشان متتقمصش وعايزاك تحضر معايا بس يا عمار اوعى تعملي مشاكل مش ناقصين.

" هند وافقت! "
قالها بخيبة أمل.

ردت خديجة قائلة وهي تبتسم بدهاء :
آه مش بنتي وتحت طوعي.

" أيه غصب عنها؟ "

نطقت شاهقة:
تف من بوقك وبعدين أنا بتاعة كده برضو، بنتي حبيبتي عارفة مصلحتها.

" الشيخ جاي أمتى يا خديجة خلصي ورايا شغل. "

ردت مبتسمة:
الساعة ٧ هستناك.

" طيب. "
قالها وأغلق الهاتف ثم دلفت عنود للداخل بعد أن دقت على الباب وبسرعة ومن بعيد قالت:
ناصر بيضايق شهد، اطلع شوفه لو سمحت.

وقف وهو يتأفأف بغضب قائلًا بعد أن زمجر بصوته:
نهارك أبيض يا ناصر هي نقصاك.

خرج وخرجت خلفه متوجهين نحوهما، اقترب عمار منهما ثم وقف كالحائل بينهما خوفًا من تهور صديقه، رمقت شهد عمار باستحقار ثم قالت:
مكنتش اتوقع يا دكتور أنك تتحكم في حياته وتختار، لا واللي يضحك أنه البشمهندس جاي بكل بجاجة يقولي أنه عايز يتجوزني علشان أنت اختارتني.

رد عمار محاولًا التوضيح قائلًا:
بصي اهدي يا دكتور أنا هفهمـ

قاطعه ناصر قائلًا بتبجح:
سيبك منها دي وش فقر بترفص النعمة.

" مين النعمة؟ "
قالتها شهد باستنكار فرد بثقة:
أنا طبعًا، ناصر عساف نعمة.

ضحك عمار عنوة عنه ثم نظر لعنود التي كبتت ضحكاتها بصعوبة وقال في محاولة فض الخلاف:
يا جماعة عيب اللي بيحصل ده أنا عندي شغل وشركة كبيرة بديرها بنفسي حرام أبقى متشتت بيكم.

" أنت مش شايف هي بترفضني عرض جوازي إزاي؟ الحقودة دي. "
قالها ناصر فرمقته بعدم تصديق وما أن همّت بقول شيء حتى قاطعها عمار قائلًا:
حقك يا دكتور، بصي انسي كل اللي قاله ناصر النهارده وبعتذر إني اختارتك ليه.

قالها ثم جذب ناصر ووقفت شهد وأمامها عنود ثم انفجرت فيها شهد قائلة:
أنا بكرهه.

" كنت فاكرة إني بس أنا وفرحات كانت علاقتنا معقدة بس الحمد لله لقيتك."

___________________________