جنتل توكسيك مان

31- شخصية معادية للمجتمع

٣١- شخصية معادية للمجتمع
- جنتل توكسيك مان
- نيرة شريف

الفصل بيبقى بيوصل لـ ٣٠٠٠ ومكنتش بوصله لكده فهو بالعكس بقى أطول وإيدي بتوجعني بس كله يهون. 😂

بلاش ننسى النجمة. »
____________________________________

ضمته بقوة شديدة وظل هو متمسك بها حتى
قال بتوعد:
بس اللي جاي مفيهوش نور يا عنود.

ابتعدت هنا بمسافة ثم قالت وهي تنظر لعينيه:
هتعمل إيه؟

" كتير، أنتِ خايفة؟ "

ردت بصدق:
عليك.

ابتسم لها وقال بهدوء بعد أن أبعدها عنه وأمسك كف يدها ليمشي بها :
أنا محتاج حبيبتي تسمع الكلام لأجل سلامتها، بس عايز أعرف حاجة بما إنك أكيد عارفاها، هي دي طبيعة فرحات؟

هزت رأسها بنفي في الحال ثم قالت بتفكير:
لا بس هو بطبعه عصبي ومتحكم لكن متوصلش للجنون حتى القتل أنا مش قادرة أصدقها واللي موجود قدامنا ده مستحيل يكون فرحات هو اتحول لشخص مريض بس أنا قولت يمكن لسبب هو إني مبقيتش معاه بس لو كل واحدة سابت واحد ومبقتش معاه وعمل كده معرفش العالم هيحصل فيه إيه.

" أنا مش قادر استوعب حالته، هو مش صعبان عليا وده اللي أنا عارفاه بس الفكرة ليه؟؟ حتى لو بيحبك ليه عايز يأذيكي ويأذينا؟ الموضوع في اضطراب، هروق بكره وهكلم منار أنا أصلًا مش عارف أكلمها بأنهي وش. "

رمقته بحزن فقالت بندم:
آسفة.

" ملوش لزوم، ملكيش ذنب بس يمكن ذنبك الوحيد إني حبيتك؟ "

توسع بؤبؤ عينيها فقالت ونبضات قلبها تتسارع:
يمكن.

ابتسم على حالتها ثم قال وهو ينظر في ساعته:
تعالي نرجع نقعد وبكره الشرطة جاية تحقق لما نشوف بقى هيحصل إيه وعلى فكرة حتى لو فرحات اعترف لينا فمفيش أي إثبات ضده يعني بنسبة كبيرة هتبقي القضية ضد مجهول إلا لو إحنا ادخلنا وقولنا أنه حاول قتلي بدافع الحب ولما القاتل كان هيعترف قتله.

" أنا مش عارفة حاسة سكوتنا غلط وكلامنا غلط ولازم منار تتدخل بس أنا عارفة إنها مش عايزه تكلمني. "

رد وهو يرفع حاجبيه:
ليها الحق تنكري؟ منار عصبية أوي بس مش بيظهر ده كتير قدام حد فاحمدي ربنا دي ممكن تقتلك.

رمقته بخوف حقيقي فنفى سريعًا وقال:
يا بنتي بهزر الله!

" أنا أعصابي بايظة يا عمار، عندي إحساس إن هيجي يوم وفرحات هتوصل بيه أنه يقتلني مثلًا، مصدومة أوي لإني متخيلتش في يوم يكون الأمان بالنسبة ليا اتغير. "

زفر تنهيدة حارة ثم قال بهدوء وهو يشير بأصبعه نحو قلبها :
حال الدنيا، متتصدميش كتير علشان قلبك الصغير ميتوجعش.