مرحبا
شلونكم شخباركم
يله نبلش
ريم: گعدت الصبح اني وفارس سوينه روتينه ونزلت صبحت عليهم وكعدنه ناكل كملنه وطلعنه اني وحسام وفارس وصلنه فارس للروضه ورحنه اني وحسام لبيت الولد طبعا وره تحقيق ساعات اكتشفنه انه ابنها هو الي باگها القينه القبض عليه وطلعنه الولد الي بالمركز راح حسام لشغله واني بقيت بالمركز كملت شغله وطلعت من المركز بعدني ماواصله السياره واحس حراره ابطني وشي ينزل عليه والم فضيع بسرعه ركضت لسياره وبقيت اضرب عليهم والجنود طلعو من المركز صحت بصوت عالي
ادخلوووو جوووه
دخلو وبقيت اضرب عليهم لمن شردو ركبت سيارتي وخابرت مهيمن
الوو مهيمن انته وين
مهيمن: شبيج ريم اني بالبيت ليش صوتج هيج
ريم: شوف مهيمن تعال لشقه مالتي راح ادزلك العنوان وجيب وياك الاسعافات الاوليه اتصاوبت بس لا تحسس واحد انه صاير شي يله بسرعه
مهيمن: اي تمام جاي جاي
سديته من ريم وكمت گالو شكو گتلهم محتاجيني بالمستشفى صعدت بدلت واخذت الاسعافات ودزتلي العنوان رحت للشقه لقيت الباب مفتوح دخلت وشفت ريم ع القنفه بالاستقبال رحت يمها كتلها
ريم وين تصاوبتي وشلون
ريم: طلعت من المركز وصوبوني ابطني
رفعت التشيرت وبده يطلع الطلقه بعد ماخله تخدير موضعي طلعها وعقم الجرح ولفه گتله
شكرا مهيمن تكدر تروح ولا تنسه فارس خلي بالك عليه
مهيمن: تدللين ريم بس شلون ترجعين للبيت بهذا وضعج
ريم: اليوم ماراح ارجع راح اگول عندي خفر لباجر يله ارجع ويرهم كل شي
مهيمن: تمام بس شلون اخليج وحدج
ريم: ماعليك مني راح اكون بخير تكدر تروح
مهيمن: انتي مخبله شلون اعوفج وحدج
ريم: مهيمن اني راح انام ماراح اسوي شي لا تخاف
مهيمن: تمام اذا احتاجيتي لشي خابريني باي وقت تحتاجيني بيه
ريم: تمام شكرا
مهيمن: باي ديري بالج على نفسج
ريم: تمام باي
طلع مهيمن واني خابرت بابا وكتله عندي خفر ماراح ارجع
نمت وگعدت الصبح گمت بدلت من الملابس الموجوده بالشقه للاحتياط بس الالم موتني واني مامخليه علاج بالشقه ولا اسعافات اخذت السويج وطلعت من الشقه صعدت بالسياره ورحت للبيت دخلت للبيت لگيتهم يتريگون سلمت عليهم وبوست فارس وصعدت لغرفتي دخلت جبت الاسعافات وگعدت ع ميز المرايه نزعت التشيرت بقيت بس بالكيمونه رفعتها ووخرت الشاش جان الجرح ينزف عقمته ورجعت شديت الشاش جان يندفتح الباب ويدخل حسام شاف الدم وتخبل
