مرحبا
شلونكم شخباركم حبايب گلبي
يله نبلش
ريم: گعدت على صوت شفت موبايلي يرن سحبته ورديت بتعب
الووو
العميد: ذيبه اجتنه اخباريه النقيب حسام انخطف لازم تجين للمركز هسه
ريم: طفرت وصحت شنوووو سيدي شجاي تحجي حسام شبيه
العميد: مثل ماسمعتي وهسه تعاي للمركز
ريم: تمام سيدي جايه
سديت من العميد وطفرت اخذت سلاحي والسويج ونسيت كل شي ونزلت اركض ع الدرس واتصلت بواحد صديقي يتبع موبايل حسام نزلت اركض ع الدرج واصرخ
فدوه شاكر اريدك تعرف مكانه هسه مااريده يبقى يمهم
شاكر: ذيبه مااكدر لازم يتصل الا اگدر اتعقبه
ريم بصراخ وعصبيه: شنو ماتكدر منو يگول يتصلون اريد اعرف مكانه هسه والا مايصير خير فهمت
شاكر: اهدي احاول احصله لا تخافين
ريم: انتظر اتصالك
سديته باوعت عليهم گاعدين يباوعون عليه گتلهم ليش طلع حسام مو عفته يم فارس مو عفته گاعد يمكم ليش خليتوه يطلع
بابا: شبيج بنيتي اتصلو عليه من الشغل وراح خير شصار ليش هيج شكلج وشسوين بالمسدس
ريم باستعجال: بابا اني رايحه للمركز بااي
خليت وركضت لسياره ورحت للمركز بكل سرعتي واحجي وي نفسي لا حسام مايصير بيك شي مستحيل اسمح بهيج شي
وصلت للمركز ونزلت ركض لغرفه العميد دخلت من دون ماادگ الباب
سيدي وين حسام منو خطفه
العميد: اهدئي بنيتي اكعدي ارتاحي نسيتي نفسج متصاوبه
ريم: كعدت بتعب وگلت
سيدي اخوي وينه منو الي خطفه احجيلي
العميد: اجه حسام للمركز لان اكو مهمه وهو استلمها بخصوص الثعلب ومن واصلين للمكان غادرين بحسام ولازمينه عدهم
ريم: وهسه شنو الحل شلون نعرف مكانه
العميد: اتصلت بالظباط وراح يجون بس اصبري شويه لمن يجون حتى نفكر بخطه نرجع حسام
ريم: سكتت وافكر بحسام اذا صارله شي اموت هذا اخوي وابوي وكلشي الي اشويه واندگ الباب دخلو الظباط دخل حسن وشهم ومرتضى وبابا وفهد وماهر وادهم اتفأجئو بوجودي دگو تحيه وحجه شهم
شهم: ريم شجابج هنا شسوين بالمركز
ريم: اجيت انقذ اخوي
حسن: شنو شدگولين انتي
العميد: انتم تعرفون الذيبه
حسن وشهم بصدمه: شنوووو الذيبه
العميد: اي الظابط ريم هي ذيبه
شهم: انتي الذيبه
ريم: اي اني الذيبه
حسن: اني جاي احلم لو شنو
ريم: ماجاي تحلم وهسه لازم ننقذ حسام ونرجعه
مرتضى: ريم انتي متصاوبه ماتكدرين ارجعي للبيت واحنه نرجع حسام
ريم: مستحيل ارجع واعوف اخوي يله هسه الي عنده فكره يحجيها
شهم: اكيد الخطفوا راح يتصلون بواحد منه ونتعقب مكانهم راح اخلي اجهزتنه مراقبه
ريم: تمام جهزو الدوريات وسوو الازم يصير حتى مانتاخر واريد الثعلب باي طريقه
حسن: بس انتي ماراح تشاركين ويانه
ريم: شنو ليش مااشارك لا تنسى حسام اخوي مستحيل اخليه
حسن: بس انتي متصاوبه ماتگدرين تشاركين ويانه
ريم: مابيه شي اشارك وياكم
اشويه ودگ جهازي رقم غريب اخذنه الاحتياطات حتى نتعقب الرقم ورديت
الووو
الثعلب: اذا تردين الظابط والي وياه لازم تنفذون الي اطلبه منكم
ريم: تمام شنو المطلوب
الثعلب: اريدكم تفتحون السيطرات كلها بالمحافظه حتى اطلع منها وراح ادليج على مكان الظابط
ريم: تمام اعتبره صار
الثعلب: واريد تطلعون جماعتي الي سجنتوهم
ريم: بس مااعرفهم اني اريد اسمائهم وعددهم
الثعلب: راح ادزلج المعلومات مالتهم واريدهم اليوم بالليل الساعه ب12
ريم: تمام بس لا تاذي الظابط ولا الجنود اذا لمستهم تنسى اي شي تريده
الثعلب: متفقين باي
ريم: هاا شهم حددت المكان
شهم: اي حددناه وهسه راح نطلع
ريم: تمام يله جهزو الجنود خلينه نطلع
جهزنه كل شي واتوجهنه للمكان حاوطناه وبدينه الهجوم بس جان عددهم جبير اتاخرنه يله گدرنه نسيطر عليهم لزمناهم ودخلنه للمكان گدرنه نلزم الثعلب بس مالگيت حسام
دورت المكان لمن وصلت لغرفه فتحتها وجان انصدم بالمنظر الشفته...............
اعرف اتاخرت عليكم واعرف البارت قصير
بس والله مريضه وصارت عدنه وفاه وهواي اشياء خلتني اتأخر بس ان شاء الله اعوضكم ومااقطع البارتات عليكم
اتمنى منكم التصويت حبايبي حتى يصيرلي واهس اكمل
احبكم ❤
