part2
#شروقي_المظلم
فهمي:شنو
عمر لف كرسيه:زي اللي سمعته
فيصل:شن انجنيت انت مرتك ماسكرتش يومين في قبرها وبتاخد اختها
عمر:شن يعني بدل فاقد 🙂زي مادبسوني في الاولى يعوضوني توا عليها
فهمي فرحان بيطير:علاش لا هيا ليك خودها بلبسها
فيصل:تي منو قالك موافقه تاجر ببناتك ياكلب 😡
عمر:اهدا ياصقري الموضوع عادي جدا تجي تربي ولد اختها
فيصل:اللي تقول فيه مايقبلاش غير المختل وناض طلع وقربع الباب بقوة
فهمي:مادورش موال انها توافق او لا امتا تبي الفاتحه
عمر:بعد يومين بنديرو حفله بسيطه وتجي العروسه
فهمي:تم الكلام
عمر اشرله عالباب
فهمي طول طلع وهوا سعيد كان يفكر في علاقته بعمر اللي كانت تشكل حماية بالنسبه ليه انها انتهت بموت دنيا بس توا بتتجدد لما يزوجه داريا روح للحوش
امنه:وين كنت ياراجل بكري نستنو
فهمي:كنت نجيبلك في رزقه
امنه:ان شالله خير
تلفت شافها نازله من الدروج
داريا:مساء الخير مزال العشا ماما
امنه:اهو بنحط بنيتي هي
فهمي:مافيش كيف حالك يابوي
داريا شافتله ببرود:الواضح انه حالك كويس
فهمي:وهلبا عندي ليك خبر بمليون دينار
داريا:لانبي خبرك ولا نبي المليون اخطاني بوي
حطو العشا وقعمزو ياكلو في صمت الا فهمي اللي عينه عليها
امنه:ايه وين كنت قتلي جبت رزقه
فهمي ضحك وتكلم بحماس:راجل المرحومه طلب ايد بنتك
امنه:كيف
فهمي:وانا وافقت
داريا طاح من يدها الكاشيك:انت كيف تاخد قرار بالنيابه عليا وهوا منو باش يجي يطلبني شن ماعنداش احساس الصبح دافن مرته وفي الليل يخطب في اختها
فهمي:تحشمي على وجهك يابنت عادي الراجل مايعيبه شي والشرع محلل اربعه
داريا ضحكت:هوا هدا انت ماتعرف في الدين غير الشرع محلل اربعه
فهمي:الراجل بتاخديه ولو تلحقي اختك
داريا:نتأسف بجد لاني عندي بو زيك وركبت لدارها
باسم:بجديات طلبها بلاك
فهمي:اي اي
باسم:كويس نرجع نسيبه 😍
داريا دور في دارها متعصبه:اوووف كيف يسمح لروحه الحقير هدا بيخرب عليا كل شي
خشت امنه:بنتي
داريا شدت يديها:ماما ارجوك قوليلهم مانبيش نتزوج بنرجع نسافر محصله خدمة كويسه مانقدرش نقعد هنا ولا نتزوج المريض هدا تي تاجر سلاح انتو مش خايفين على هاني معاه
امنه:يابنيتي انا ماعنديش حل ولا نقدر نتكلم مع بوك لو كان في ايدي رهو منعت اختك تتزوجه زمان ولا دير هاديكا العمله معاه ربي يعينك عاللي جاي 💔😢
داريا حست قداش امها ضعيفه وماعندهاش اي قوة حضنتها:خلاص اهدي انا تو ندبر حل بروحي
امنه:سامحيني ماكنتش في يوم الام اللي تبيها ماحافضتش على اختك وتوا بضيعي مني انتي
داريا:مش رح نضيع ياماما
فات اليوم الاول
وثاني يوم
حسنيه:غير اشرب الحليب
هاني:لالالا
عمر بحده:اشرب قالولك
هاني عيونه دمعو وخدي الحليب شربه كله
عمران:معادش تتعامل معاه هكي الولد بيكرهك
عمر:هنينا بسكوتك
فتحي:قعمز افطر
عمر:مستعجل غدوة فاتحتي
عمران:حي العار ياضحك الناس عليك
عمر قام حاجبه وتلفتله:وينه اللي يتجرأ يقول كلمه على بلاك 🤨
هاني:بابا بلاك 😍
عمر ابتسم:قوله لعمك الكلام هدا
ركب سيارته وطلع ووراه الحراسه
فهمي:يابنت انزلي كان نركب نكسرلك رقبتك
داريا لبست توته عالاسود ونزلت:نعم
فهمي:بري البسي حاجه باهية وديري شي في خلقتك
داريا قعمزت عالصالون:بنستقبله هكي بمنظري هدا عجبك بهي ماعجبكش عديه براس بصل 🙂
فهمي:اعوذ بالله منك ياوجه الشوم
خش البواب:سيدي نسيبك وصل
فهمي:هي هي تو نقولك تعالي
داريا طلعت جنبه:مافيش داعي للرسميات الفاضيه
عمر يدخن حس بالباب انفتح قام راسه جت عينه في عينها
فهمي:انستنا
عمر يشوفلها:الله يأنسك شنو ناوي تعطيهالي اليوم بلبسها شكلك
فهمي ضحك:لا والله غير هالبنت راسها مسكر الله يعينك عليها
عمر:لا ماتخافش نعرف نكسر الروس كويس
داريا:مش تخلونا بروحنا ولا شن
فهمي انحرج:اي هي نستاذنكم
عمر:عندك ماتقولي
داريا:ليش تبي تتزوجني
عمر:بدل فاقد
داريا:شن علاقتي انا
عمر:بنتهم
داريا:مانبيش نتزوجك
عمر:امر مفروغ منه مش جاي ناخد في رايك
داريا:مالا علاش جاي
عمر طلع من جيبه ربطين فلوس وحطهم في ايدها:جاي بنعطيك مهرك
داريا حدفتهم:مانبيش منك شي
عمر:بوك يفرح بيهم"يحاول يهينها"
داريا:اعطيهمله هوا اللي يموت عالفلوس مالياش علاقه بيه
عمر:تفاهمو بينكم الخلاصه العرس غدوة
داريا:يصير خير
عمر ماحولش عينه من عليها وتأكد انها اقوا من دنيا بهلبا:مش متحجبه!
داريا:مايخصكش
وقفت خدت الفلوس وطلعت
عمر:دايرة روحها كرامه وعزه نفس 😏
طفا دخانه وطلع شافها واقفه عالبواب مشا جيهة سيارته بس لفتت انتباهه جمله
داريا:الفضل لربي فرح بيهم صغارك
البواب:ربي يبارك فيك يابنتي ان شالله في ميزان حسناتك
عمر تلفت شاف الفلوس اللي عطاهملها في ايد البواب ابتسم بهدوء ركب سيارته ومشا
باسم:مبروك ياعروس
داريا:اطلع من دماغي
باسم:حد يصحله يقرب من بلاك ويرفض ياهبله
داريا شافتله باحتقار:استمر بأنانيتك وقلة احساسك بيا لادرتلي فايده ولا درتها لاختك من يومك دور على مصلحتك بس حتا لو كان تبيعنا بس صدقني رح تنكسر في يوم وتحس وتعيش احقر شعور في العالم كل اللي درته فينا حايرجعلك وانا واثقه في ربي بس وقتها ياخوي اذكر انه عندك اخت موجوده تعالا ووعد مني نوقف جنبك لاني مش حقيرة زيك
باسم قعد يشوفلها وهوا في داخله تمكن منه شعور خوف انه في يوم ربي يردله اللي داره لخواته لكن اذكر الفلوس ضحك وفات كل شي
هاني يضحك:لا انت كبير ماقدرتكش
عمران:لالا دورك مادخليش فيك
هاني:بهي اجري بشويه
عمران:اوك هي وبدو يجرو ويضحكو
عمر:امتا بتكبر انت
عمران:مانبيش بنقعد هكي
عمر هز راسه بأسف:تعالا
هاني:نعم بابا
عمر:اركب لدارك عندنا مانحكو
هاني:حاضر وركب يجري
عمران:اللي سمعته صح
عمر:اها وبكرا ان شالله
عمران:ربي يهديك وخي
عمر:غير يهديك انت قبل
الساعه12 الليل طلعت تتسلل من الحوش وركبت سياره مدرسه برا البوابه
معين:متأكدة من تصرفك هدا
داريا:ماعنديش غير هالحل مستحيل نقبل نتزوجه
معين:وانا معاك
طلعو رفعها للمطار وكانت حاجزه مسبقا نزلت ودعت ولد عمها وخشت تستنا في نداء الرحله بعد دقايق سمعاته وقفت بفرحه ومتجهة للبوابه وهيا مرتاحه بس.
وقفت بصدمة لما شافت قدامها مجموعه كبيره من الحرس
سعود:مدام تفضلي معانا
داريا:ومن انتم
سعود:يسلم عليك المعلم بلاك
داريا:من بلاك هدا
سعود:الاستاذ عمر
داريا حست بالرعب لانه قدر ببساطه يوصلها:مش ماشيه مع حد وبعد من قدامي
في لحظات حست بريحه قويه انتشرت في الهواء داخت ومعاش تندري عاشي
بعد وقت فتحت عيونها وحد يضرب فيها عاوجها
داريا قعدت تذكر اللي صار وناضت مخلوعه:انا وين
عمر مقابلها:من عقلك مقتنعه انك قادرة تهربي مني
داريا:خليني في حالي مانبيكش بالسيف هوا
عمر قرب منها:مش احسن نتزوجو وتربي ولد اختك ولا تخسريه هوا وامك
داريا:انت مجنون وحقير
عمر:فكري براحتك
داريا بدت تبكي بصمت وكل جسمها يرجف
عمر حدف عليها منديل:امسحي خرا دموعك
داريا:نكرهك
عمر:شن قررتي بسرعه ماعنديش وقت
داريا وخرت خايفه منه:حسبي الله ونعم الوكيل
عمر بحده:خلصيني مش فاضي لدلعك تتزوجيني ولا
داريا هزت راسها موافقه
عمر:كويس بيرجعوك لحوشك ولو فكرتي تلعبي وربي بروحك انتي وكل عيلتك
داريا:شن درتلك انا
عمر ابتسم باستفزاز:عجبتيني وحاب نلعب بيك ونشوف من بيغلب انا ولا انتي
داريا: نكرهك
عمر:كويس اكرهيني كل يوم اكثر سعووود
خش يجري:نعم
عمر:روح بيها وخلي حمايه تراقبها مزبوط مانبيش نخاطر وتهرب مني عروستي الحلوة
سعود:حاضر معلم هي تفضلي مدام
داريا طلعت معاه بهدوء دموعها ماوقفوش وهيا خلاص فاقده املها انها تهرب منه
خاشه للحوش تبكي
فهمي:انتي وين كنتي يافرخه بتواطيلي راسي زي اختك
داريا تعصب وعيطت عليه:تي انت اللي بتنهيلي حياتي الحقير اللي بتزوجني ليه خطفني وهددني يانتزوجه يايقتل ماما وهاني حسبي الله ونعم الوكيل فيكم ربي ينتقم منك
فات عليها الليل مرعوبه كل ماتسكر عيونها تتخيل فيه قعدت للصبح مقعمزه
امنه:صباح الخير بنيتي
داريا حضنتها بقوة:نحبك ياامي ومستعده ندير اي شي عاخاطرك
امنه:شن قصدك
داريا ابتسمت:ولا شي
امنه:جيت بنوتي معاك لبسك باش يرفعوه لحوش راجلك
داريا:تعبيش روحك اصلا كله قاعد في الشناطي
امنه:ردي بالك من روحك وطيعي راجلك سلم بنتي عمك ومرته عامليهم زي ماتعاملي فيا ومانوصيكش عاولد اختك
داريا:حاضر
خبط الباب
داريا:تفضل
خشت الشغاله:الاستاذ عمر بعتلك هدا
داريا خدت البوكس فتحاته لقت قفطان ابيض بسيط ومعاه ورقه "ماتقوليش منقص عليا شي عيشي بسعاده اليوم وجهزي روحك لاستقبال جحيمك"
عمران ياكل:كيف شكلها به
عمر ماردش عليه
هاني:من هيا
عمر:خالتك
هاني:داليا
عمر:داريا
هاني:باه
عمران:بتبدا ماما رهو
هاني بزعل:بهي ماما وين مشت
فتحي:مشت لربي
هاني:وبتجي خالتو مكانها
فتحي:ايه
هاني ببرائه:باه
عمر ياكل ومركز في هاتفه
حسنيه:مش عارفه العوج مرا قعدا حتا عينها مافقصت وبياخد اختها
فتحي:ماتدويش في الي مايخصكش
حسنيه:اللي يقول الحق
فتحي:خلاص يامرا
عمران:يالله انا ماشي للجامعه
عمر:شوفي شن محتاجين عالعشا والشباب برا يوفروه واعزمي الكل
حسنيه:ان شالله
سميه:كيف درتو هكي شن جاك ياوخيتي
امنه:بوها يبي
سميه:ربي يهدي ويهنيها معاه
فهمي قرا الفاتحه مع عمر وهوا مرتاح:الف الف مبروك
عمر:جيب البنت لحوش العيلة
فهمي:اي اي حاضر
داريا واقفه عالمراية تتفرج على روحها "صح تزوجتني غصب ودرت اللي تبيه بس نوعدك نخلي حياتك جحيم معاي نوعدك ندمرك ونخليك تتأسف عاكل اللي درتهولي "
امنه:هي بنيتي خالاتك بيرفعوك لحوشك
طلعو بيها واتجهو لحوش العرس وين ماكانو دايرين حفله كبيرة
نزلت من السيارة تتفرج عالفيلا قداش كبيرة وكيف مزينه كلها وزحمه
سميه:هي خشي
حسنيه طلعت تزغرط وتبخر فيهم:يامرحب بكنتنا الباهيه ان شالله وجهك خير علينا
داريا ماردتش عليها دخلوها قعمزت على كرسي وهيا مش طايقه حد ولا ترد عليهم
شويه وخش ولد صغير نسخه منها حتا لون العيون
داريا قعدت تشوفله
هاني وقف قدامها:انتي عروسه
داريا شدت يديه:انا خالتك حبيبي
هاني:عيونك زي عيوني
داريا:ايه ولا
هاني:تبدي ماما
داريا حضناته:اكيد
هاني قعمز جنبها:اني ماما مشت وسيبتني
داريا:معليشي اهو انا معاك وحتا بابا
هاني شافلها وعيونه مدمعات:
داريا:خيرك حبيبي
خش عمر بثقته وابتسامته المستفزه وقف قدامها:مبروك ياعروسه
داريا ابتسمت:الله يبارك فيك ابن عمي
عمر شافلها وشد يدها بقوة قريب كسرها:تفضلي
ركبت معاه خايفه
فتح الباب بهدوء وخش دفها بقوة لين طاحت و......يتبع
