شروقي المظلم

الحلقه 11

part11
#شروقي_المظلم

خاش يتسحب يتلفت يمين ويسار والخوف متملكه لحد وصل:السلام عليكم
جاد ضحك:وعليكم مرحبتين بنسيب بلاك
فهمي:اهلين
جاد:تفضل قعمز خيرك خاش بعضك
فهمي:لالا مستعجل بنمشي قولي شن تبي بعتتلي
جاد:هدا كله خوف
فهمي:والله انا وانت عارفين بلاك وصقر رحمه مافيش خاصه للخاين
جاد:عارف عارف وهدا اللي خلاني نبعتلك نبي نحطو ايدينا مع بعض ونخلصو منهم الزوز في يوم واحد
فهمي انصدم:شنو 😨 تبيني نشارك في قتل نسيبي
جاد:مش خاسر شي الموت ومش رح ينجى منه وبنتك بتورث كل شي هيا وولدها يعني انت الرابح
فهمي:اممم خليني نفكر
جاد:تم خود وقتك وانا نجهز خطتي براحتي ونتلاقو
فهمي:ماشي
جاد:كيف حال بنتك
فهمي:كويسه بسبعه ارواح
جاد لمعو عيونه:كويس كويس هي توكل
فهمي:سلام وطلع بنفس لخوف
جاد يفكر:لو اللي في دماغي صح ياويلك يابلاك بنلوي ايدك ونكسرها ونحطمك بسهوله هههههههه
ثاني يوم صباحا
شاد ايدها ويساعد فيها:بالشوية قتلك نقيمك تسكري في راسك
داريا:من امتا الحنان هذا
عمر:من اليوم وديما
فتح الدار وخشو
تفاجئت انه كل الدار تغيرت الاثاث جديد والزواق وحتا الديكورات
داريا:شن هذا 😨
عمر:رميت كل شي ومعاهم عصبيتي وكرهي ومعاملتي الزفته، نبدو من جديد راجل ومرته بدون ماضي حقير انا نبييك داريا وهذا سبب زواجنا عارف اني خديت وقت طويل حتا نوصل للنقطه هدي وعذبتك معاي لكن قدرتي توصليني قدرتي تفتحي قلبي من جديد قدرتي ترجعيلي املي في الدنيا ثاني،مذكرة كلامي بدايه الزواج اليوم انا نقولك خسرت يا بنت فهمي خسرت قدامك وانتي ربحتي
داريا:ووين مشت سوزان
شدلها وجها:افهمي مافيش شي بيني وبينها وهيا توا قعدا تتحاسب عاللي صارلك بسببها
داريا:قتلتها
عمر:لا
داريا:بهي بعد عليا مش قادره نصدقك ولا نوثق فيك انا نبي طلقني بس ولو رافض رح يجي يوم ونموت انت دمرتلي حياتي وعذبتني وكسرت قلبي بعد حبك، اكيد مش مستني مني نرتمي في حضنك ونفرح بكلامك هدا اللي شاكه فيه حق يا بلاك
تنهد عمر:ايه مش متوقع بس يجي يوم ونقنعك ولهذاكا الوقت لاطلاق ولاموت ياخدوك مني ارتاحي توا
تلفت بيطلع بس وقفاته جملة صدماته
داريا:هاني ولدك !
عمر:من وين جبتيه السؤال هذا
داريا:تصدق رغم معاملتك السيئه ليه عمري ماخطرت عليا بس هوا فيقني بيها من فتره لما قتله مافيش اب يكره ولده وقالي معناها هوا مش بوي، بجد عمر هوا ولدك او لا
طلع وسيبها بدون مايرد عليها
عمران:بلاك نبي نحكي معاك في موضوع
عمر:نعم الايام هدي مشغول بس مانسيتك تعالا هي نمشو لمكان هادي ونحكو
عمران:اوك
هاني مروح من المدرسه:بابا
عمر:نعم
هاني:ني جبت درجه مسكرة في امتحان
عمر:كويس شاطر ولدي
عمران استغرب اسلوب خوه اللي تغير فجأه:براافو هكي شطور زي عمك
عمر:هيا انت
هاني:ارفعني معاك بابا نبيش نقعد بروحي
عمر:استغفر الله العظيم بهي برا غير وتعالا قلهم يلبسوك توته اهو نستنا فيك
هاني:بهي
عمر:شن موضوعك
عمران:لما نوصلو لكن اعطيني كلمه تساعدني وتوقف معاي
عمر قام راسه يشوف للشباك:ان شالله خير
عمران:تحبها!
عمر:احم هيا ياهاني
طلع يجري:هي بابا
عمر:سيارة وحده معانا والباقي خليهم هنا والمكتب افتح عيونك وماتتصرفش من دماغك خير مايطير مره وحده
سعود:تم يامعلم
ركبو السيارات وطلعو
في دار مظلمه مافيها شي غير فراش وبطانيه راقده سوزان حاضنه نفسها وتبكي عالوضع اللي وصلت ليه وجها شبه تشوه من الضرب والجروح وكل جسمها يوجع
انفتحت الاضائه ومعاها الباب
سليمه:صباحك مبروك ياحلوه
سوزان عيطت:لا لا بالله عليك ياسر تعبت
سليمه:اوامر المعلم
سوزان:ماتضربيني اليوم بس
سليمه:كل المكان كاميرات ولو ماضربتك يعني نكون انا زعلت المعلم وهدي مستحيل نديرها لهذا جهزي روحك
سوزان:حرام عليك ماتحسي انتي
سليمه:ووين كان احساسك انتي لما فكرتي تلعبي مع بلاك ااه 😡 ماخفتي وقتها مافكرتي انه وراك عقاب ماتعيشي دور البريئة المظلومه توا وهيا
وبدت سلسله العذاب اليومي لسوزان
خشت سياره عمر لمزرعه كبيرة والخضار فيها عاطي منظر جميل جدا
هاني نزل يجري يلعب
عمر: حد منكم يقعد جنبه وعينه عليه
عمران:قهوة!
عمر:سادة وقويه
قعمز عاكرسي ويتفرج على هاني يلعب ويضحك سرح بتفكيره "خلاص ياعمر هدا امر مفروغ منه انسى انك تعالجه لو طلعت الحقيقه الولد بيدمر للابد، افضل قرار انك تاخد خطوة في حياتك وتعيش لليوم اللي ربي ياخد امانته ولازم نأمنله مستقبله "
عمران حط القهوة:وين سارح
عمر:مش شي مهم احكي انت خيرك
عمران:احم احم بسم الله الرحمن الرحيم والصلاة والسلام على رسول الله اما بعد
عمر:تي شن تحساب روحك بتلقي خطاب يافرخ خش طول في الموضوع
عمران:خلاص بهي نبي نتزوج
عمر ضحك:امتا تتخرج انت
عمران:نخدم في مشروعي
عمر:ومن سعيده الحظ
عمران:بنت النمس
عمر:فيق منه حلمك اهواا مش رح تاخدها كان طير للسما
عمران:تي علاش بهي نحبها انا
عمر:انهيه الحب هدا اقتله بنت عدونا لا
عمران:بهي نديرو معاهم صلح
عمر:لو عليا انا كنت تصالحت من زمان بس ولد خوه غدار وسخ عايش بس حتا يدمرني افهم هادو يتمنو في موتي اليوم قبل غدوة
عمران:لو ناخدو منهم تنتهي العداوة
عمر:وين تعرفت عليها انت
عمران:في الكليه عندنا اصحاب مشتركين
عمر:مانوثقش فيهم ومتوقع حتا الفرخه تكون داخل المخطط
عمران:مستحيل سنين ره علاقه
عمر:تنتهي في دقيقه مش موضوع
عمران:مانبيهاش ضيع مني وياخدها جاد
عمر:ولد عمها وهوا اولى بيها تبي تتزوج حاضرين نشوفلك وحده من اتباعنا ونديرلك عرس تحكي بيه البلاد كلها
عمران:لا قتلك 😡 نبيها هيا وغيرها مستحيل ناخد
عمر:ماتعليش صوتك وقعمز قاعد ندوي معاك رايق
عمران:ليش بس مصرين تغرقوني في نفس الوسخ اللي انتم فيه ليش تجبروني نتبع نفس طريقكم نبي نعيش حياه طبيعيه انا
عمر:مافيش حد طلب منك تكون معانا، لو تشغل في الحكه هدي الي مسميها عقلك كنت فهمت بوي لما دخلني لخدمة السلاح كنت اصغر منك ولتوا ماحد قالك خش ولا في يوم قتلك تعالا شوف خدمتي ولا سلاحي انا مانبيك تغرق معاي كمل حياتك الطبيعيه ولو تبي سافر عيش برا البلاد ونأمنلك كل اللي تبيه،بس بنت العدو لا
عمران:وبوي هوا قديم في الخدمه ويمون عالكل
عمر:وبوك مستحيل يقبل يخطبهالك ارتاح
عمران:نحبها 💔
عمر: يجي يوم وتنساها
عمران:تمام معناها تحملو نتيجة قراركم
عمر:اهدا على روحك بس
عمران:ليش مستهين بالمشاعر ماانت تحب شفتك يوم انتحرت داريا كنت بتموت دقات قلبك نسمع فيها
عمر:فهمي مش عدوي ولو فكر يخون ننهيله حياته
عمران:بس تحبها
عمر:لشن تبي توصل
عمران:حول نضارتك نشوف عيونك بس
عمر:فوتها حركات الرومانسيه والمشاعر اهيا برا اختار اي بنت وتزوجها تنساها من اول ليله
عمران:مش بالبساطه هدي
عمر:موضوع منتهي عندي
عمران:تمام انا بنمشي
عمر:سلامتك
طلع عمران اما عمر رجع لنفس الوضع يشوف لولده ويفكر
طق الباب مرتين
داريا:تفضل
خشت الشغاله:ماما في صاحبت انت تحت
داريا:ماعنديش جهد ننزل قلها تركب هنا
شويه وخشت ميسون:حبي الحمد لله عالسلامه
داريا حضنتها:الله يسلمك قداش نرتاحلك
ميسون:دوم ان شالله شن امورك وصحتك
داريا:الحمد لله نتحسن
ميسون:ليش درتي هكي
داريا:يوم جيناكم الصبح شفت عمر مع سوزان بنت عمته
ميسون:كيف شفتيهم شن كان الوضع
داريا:كان هوا يحكي معاها فجأه قربت منه وباساته عاخده يعني دارتها متعمد لما شافتني
ميسون:معناها حركة تبي تستفزك بيها بس فوتي هوا شن وضعه معاك
داريا:من يوم فقت يعامل فيا كويس هلبا قالي انه خسر قدامي وفتحت قلبه ويبي نبدو من جديد هلبا كلام لما رجعت هنا لقيته مغير كل الاثاث ومجدد الدار
ميسون:حلو بدايه كويسه معناها
داريا:بس انا مش مصدقاته ممكن هدي بدايه الانتقام
ميسون:عاشنو بينتقم ياهبله ياريت فيصل صورلك في العياده كيف كانت حالته
داريا:وكيف كان
ميسون:تعرفي انه هدد الدكاترة قالهم لو مرتي تطلع من الغرفه ميته بندفنكم فيها،يحبك والله ممكن صعبت عليه يقولها بس صدقيني رح يجي يوم ويعترفلك
داريا:مانبيش نعطي لروحي امل ويرجع يفشلني من فتره صار نفس الشي قرب مني وكل ليله يجي يرقد في حضني خلاني نتعلق بيه ونحبه وفي الاخير قالي مايكونش عندك حتا ذره امل نكونو مع بعض
ميسون:وقتها غير توا عاش خوف انك ممكن تموتي وتسيبيه بعد عمر طويل اكيد يدير خطوة، بعدين عرفت من خالتي انها حكت معاه في نفس اليوم وقالت اقتنع مني
داريا:صح يومها قالي انه يبي نحكو في موضوع
ميسون:شفتي متأكدة كان بيقولك بس انتي ماصبرتي
داريا:انا لازم نعرف ماضيه مش قادره نرتاح في حياتي معاه حاسه عنده شي كبير داسه، ممكن لو عرفت مستحيل نكمل معاه
ميسون:مرات هوا المظلوم
داريا:راجلك اكيد يعرف ماحكالك شي
ميسون:لا وحتا انتي مش مفروض تسألي حد بلاك هوا الوحيد اللي بيحكي لو يبي
داريا:اوووف ياربي تعبت
ميسون:ازمه وتعدي حبيبي بس ماتضغطي عانفسك والعمله هدي معاد تعاوديها، اليوم بيرجع عندك حاولي تهدي الايام هدي عالاقل لين تشدي صحتك
داريا:ان شالله خير
ميسون:يلا انا بنمشي
داريا:وين خيرك مستعجله
ميسون:نمشي لماما ونروح ندير الغدا فيصل عاطيني ساعتين بس
داريا:ماضيفتك حتا
نيسون:معليش حبيبتي الجايات اكثر ان شالله تتحسني ونجي ناكل ونشرب عندك هي سلامات 😘
داريا:سلام
سهى عالهاتف:يعني شنو
عمران:ماعاد فيه ولا امل بلاك سكرها من كل النواحي
سهى:بهي كيف بنديرو
عمران:تسافري معاي
سهى:حبيبي
عمران:ماتزيديها عليا من ربي مخنوق وماعنديش حل الا هدا ولا تبيني نتفرج عليك ياخدك جاد
سهى:بس خوك بيسمحلك تطلع من البلاد هكي
عمران:ندبر اموري غير قوليلي رايك انتي
سهى:معاك حبيبي اكيد لاني عارفه حتا اهلي ليهم نفس الراي
عمران:تمام في اقرب وقت بنمشو
سهى:اوك باي
سكرت المكالمه لفت بالكرسي وضحكت الارنب شويات ويخش لوكرنا
جاد:برافو عليك ماغلطش لما وثقت انك ديريها
سهى:وانا عمري خذلتك حبيبي
جاد:ابدا ياروحي
سهى:وشن ناوي بعدين
جاد:خليها لوقتها
سهى:بنقعد معاك الليله ره فكني منه بابا
جاد حضنها:تمام ياعمري خليك هنا
عمر:ماتعبتش من اللعب
هاني:لا يابابا لكن جعان
عمر:نروحو ونجيبك يوم ثاني
هاني:وعد
عمر:وعد هي اركب
هاني:بابا توا ليل حول نضاره
عمر:قعمز ياولد بلا كثره دوه
هاني:نني مع ماما اليوم
عمر:من قال
هاني:ني قلتلها الصبح وقالت بهي
عمر:لالا فوته الموضوع
هاني:علاش
عمر:لانه جنب خالتك مكاني انا ومافيش حد ياخده اوك 🙂
هاني خاف:اوك
وصلو للحوش لقو فتحي في الانتظار
هاني:جدو
فتحي:مرحبتين بولدي كيف حالك
هاني:بهي ني جيعان هلبا
فتحي:برا للمطبخ قلهم ديرولي عشاي واركب كول جنب امك
هاني:حاضر
عمر:شن فيه
فتحي:شن بدير في موضوع خوك
عمر:فوته توا لين يهدا وانا قاعد نتفرج من بعيد
فتحي:رد بالك يرجع يعاود عمله قبل
عمر:الحراسه معاه
فتحي:بيتعبني هالولد عقاب عمري
عمر:انا وراه ماتفكرش فيه ارتاح يابوي
فتحي:ربي يحفظك ياسندي
عمر:ان شالله تصبح عاخير
ركب يسمع في ضحك وهدرزة اختفو اول ماخش للدار:خير
داريا:اهلا هي كمل ماكلتك
هاني:شبعت ماما
داريا:هي برا لسونام غير والنوم
هاني:بهي تصبحو على خير
قعمز جنبها:كيف حالك
داريا:الحمد لله،ليش ماخليت هاني يرقد معاي
عمر:لانه هذا مكاني
داريا:عااساس
عمر:شنو
داريا:ولا شي سلامتك
عمر:تعشيتي وخديتي دواك
داريا:ايه
شد ايديها يشوف للجروح:ماتفكريش تعاوديها ثاني
حست بيه تعبان ومضايق:صاير معاك شي
عمر:لو نعيط من هنا لعام قدام مانطلعش الهم اللي في قلبي
داريا:للدرجه هدي
عمر:اي مادوريش تعالي
خشت حضنه بدون نقاش:نسألك سؤال
عمر:فوتيه موضوع زمان داريا وربي مهو وقته
قامت راسها شافت لعيونه:احكيلي على امك
رد حضنها وتنهد:امي كانت ومزالت افضل شخص عرفته في الدنيا هدي، ماشفت زيها في الطيبه والحنيه تعطي فيها لكل الناس بدون مقابل بعد ماتت تأكدت انه مافيش حد يستاهل الطيبه لانه بمجرد اختفت ماحد تفكرها بكلمة كويسه اولهم بوي مشا تزوج ونساها في ضرف شهور، صح اهتمامه بيا مانقصش بس بدلها بحد مايسواش حتا ربع حنيتها، لو امي مزال عايشه ماكان بلاك هذا موجود
حست بدمعه سخونه طاحت عاايدها وجعت قلبها عليه وتأكدت انه الانسان هذا تحول لوحش بعد هلبا جروح وخيبات ،وزاد اصرارها انها تكتشف اللي صار من زمان
داريا:الله يرحمها ويغفرلها
عمر:تفكرتها لما شفت امك كلامها وحنيتها زي امي ربي يحفظها
داريا:امين هي نرقدو
عمر طفا الاضائه كلها:ارقدي
داريا:وانت
عمر:مش جايني نوم بس نبي نقعد هكي جنبك
داريا:بهي
فيصل يشوف للتفزيون سرحان مش مركز بكل
ميسون:حبيبي الوووو
سكرت التلفزيون انتبه:خيرك
ميسون:بكري نكلم فيك
فيصل:شنو
ميسون:وين سرحان
فيصل:اففف نحكيلك وماتندمينيش
ميسون:اممم قول
فيصل:بلاك حابس بنت عمته في المخزن عندنا ويعذب فيها خايف تموت تحت ايدنا
ميسون شهقت:شنوو 😨 هدي سوزان
فيصل:اي لو ماتت رح يخش في مشاكل كبيرة ومش بعيد يتقاطع مع بوه بلاك تغير هلبا بس من ناحيه مرته بادي اسوء شفت في عيونه ظلام اول مره نشوفه بس لانها السبب في انتحار مرته
ميسون:وهوا ممكن يقتلها
فيصل:ماقربهاش بكل جاب مرا تضرب فيها كل يوم
ميسون:حيي عليا وحش هدا احنا لازم ندخلو مانقعدوش نتفرجو لين تموت تحت ايديه
فيصل:فكرت نحكي لعمي فتحي بس بتكبر اكثر
ميسون:لا احكي لداريا هيا بس قادره تأثر عليه ويسمع منها توا نقطه ضعفه هيا
فيصل:صحه ليك مافكرتش فيها
ميسون:عصابات عالابيض 🙄
فيصل:عصابه عينك
ميسون:بنسألك انتم ديما هكي ديرو تقتلو وتعذبو لحد الموت
فيصل ضحك:عمر يحب يشوف جماعته تتعذب وانا نحب الدم عاطول 😂🙂
ميسون:وتقول فيها بكل برود
فيصل:عمري احنا مافيش يوم عذبنا حد بريء كلهم استحقو الي صارلهم بجدارة
ميسون:مشكلتي اني نحبك ونشوف فيك صح
فيصل:لاني صح ياروحي وقلبك اللي يحبني عارفني وامتا تبي تجيبيلي ولد يشد ظهري
ميسون:مزال
فيصل:اييي غير اعبي تي خلاص انا كبرت نبي صغاااار
ميسون:ان شالله خير بس تحلمش ولدي تقول وريثي في السلاح والجو هدا
فيصل:لالا وين ولدي بيعيش احسن عيشه وبنسفره برا اصلا مايقعدش هنا متمرمد
ميسون:هيا نسافرو كلنا سيب كل شي ونمشو نبدو حياة جديده نظيفه
فيصل:احلامك ورديه حبيبي
ميسون:حقي صح
فيصل:ربي كريم
بعد يومين
داريا:خلاص عاد بديت كبير رهو مش كل يوم عركه عالحليب
هاني:نحباش ياماما
عمر نازل من الدروج:اشرب حليبك ولا مافيش مزرعه اليوم
هاني:لالا خلاص ها شربت
عمر:صباح الخير
باسها عاراسها قدام الكل وقعمز يفطر
داريا وين تقريبا تبخرت 😂
عمران:احم شن امورك بوي
عمر:كويس بوك
وصلت رساله فتحتها ووجها تغير
عمر:شن فيه
داريا:ولا شي ماما تبيني
عمر:حوش بوك لا
داريا:اوك
عمر:هيا
هاني خدي شنطه وطلع يجري:هيا بابا
بسرعه ركبت لدارها غيرت ونزلت: حد يجيب السياره بنطلع
ادهم:دقيقه مدام هي
ركبت:حوشنا بس بسرعه
ادهم:حاضر
خدت امها وومشو  لمطعم
امنه:خيرها ايدك
داريا:شي شويه ونجيك نمشي نطلب بس
طلعت للدور الثاني وين لقت
فيصل يستنا:اهلين
داريا:شن فيه رهو جايه وايدي عاقلبي خيره عمر
فيصل:تحبيه هلبا
داريا:اكيد مش جايبني هنا تسألني عاحبي خيره 😡
فيصل:ماسألتيش وين سوزان
داريا:سوزان اييي صح ليها فتره مختفيه بس ماخطر عليا قلت اكيد سافرت
فيصل:لو ماتصرفتيش باسرع وقت رح تسافر لربي
داريا:شن فيه
فيصل:راجلك يعذب فيها من فتره
داريا:شنوو 😨
فيصل:ايي بعد ايام من انتحارك خداها وتتعذب يوميا حاولت معاه هلبا ورافض يسمع انتي بس تقدري تقنعيه
داريا:مجرم هذا مجنون اكيد بيقتل بنت عمته
فيصل:تصرفي داريا انتي في ايدك تنقضيها قبل يسمع عمي فتحي
داريا:تمام تمام
رجعت لطاولة امها وباين عاوجها الضيق
امنه:خيرك بنيتي
داريا:شي قوليلي كيف حالك انتي استحشتك ماما
امنه:الحمد لله وانتي شن امورك وراجلك وولد اختك
داريا:كويسين
امنه:قالي عمر كنتي في مزرعته غيرتو جو
داريا استغربت:امتا قالك
امنه:قبل اياام جاني وطلع خوك من الحبس ربي يحفظه مهتم بينا ويطل عليا عمر ولد حلال يابنتي رغم خدمته وسمعته بس طيب ومعدنه نظيف ماتخسريشي
داريا:وكيف اكتشفتي هدا كله
امنه:بعد لزك بوك اخر مره تلاقيت معاه وسألني عليك وعلى حياتك كلها، وعدني انه يهتم بيك ويحطك في عيونه وصى كل حراساته عليا وكل مشاويري يجوني ويرفعوني وين نبي
داريا تفاجئت:وليش ماعنديش علم
امنه:توقعت عندك علم، بنيتي انسي اللي فات وابدي من جديد البنت ماليها الا راجلها وشايفه بعينك بوك وخوك ماينشد بيهم الظهر وانا مش دايمتلك شدي في ايد راجلك وماترخيشي عمر يحبك ورح يصونك
داريا:ان شالله ياماما
فات باقي النهار داريا على اعصابها وخايفه
خبط الباب:نعم
سونام:مدام في سياره تحت بابا عمر باعتها ليك
داريا:شنو وليش
سونام:مانعلم
رن هاتفها:الو
عمر:غيري وتعالي
داريا:وين
عمر:بلا كثرة اسئلة اكيد بيجيبوك عندي
داريا:الصبر يارب
لبست ونزلت مشت معاهم لمزرعه عمر
خشت وعيونها تقطر شر:بلاااك
طلع من دار:عمر بدون القاب 🙂 انستي
داريا هجمت عليه تضرب فيه عاصدره:انت شن طينتك شن فيه هنا اكيد مش قلب ماتحسش مجرم حقير
شدلها ايديها:خيرك
داريا:كيف تخطف بنت عمتك وتعذبها ليش
عمر:شوفي لايديك وتعرفي السبب 😡 من قالك انتي
داريا:يهمك بس من قالي اليوم بتطلعها ياعمر
عمر:احلمي
داريا:معاد عرفت مع منو عايشه انت منو
عمر:راجلك 😏
داريا:شن دارت
عمر:لانه بسببها كنتي بتموتي بسببها انا قلبي انوجع وعشت ساعات عذاب مايعلم بيهم غير ربي
داريا:عااساس خايف عليا
عمر:مالا عامنو خايف ياغبيه عاخاطر منو داير هذا كله
داريا:كذاااب ومستحيل نصدقك اكيد دارت معاك غلط وقررت تعاقبها
عمر:خليك هكي ديما هبله
دفاته بقوة:ليش هكي تتصرف ليش رابطني معاك ومعذبني وماتبي حد يقرب مني ولا يغلط تعمقت في كل حياتي ماضيا وحاضري شن تبي مني يابلاك
شدها من شعرها وعيط في وجها:لاني نحبك ياحمارة نحبك.....

فتحت الباب بهدوء وكان كل الحوش مظلم:خش هيا
عمران:شن خش متعك جايك بنهربك ولا بنضايف
سهى:مافيش حد كلهم طالعين والحراسه رفعها بوي
عةران:ياودي هيا اطلعي نمشو وانا نضيفك بعدين
سهى:هيا حبيبي اركب معاي نسكر شنطتي ونزلها
ركب معاها خدي الشناطي
سهى تبكي:زعما يسامحوني
عمران حضنها:اكيد حبيبتي انتي بنتهم الوحيدة هيا نمشو
سهى:اسفه بس نحبه
عمران:شنو
في دقيقه انفتحت الاضواء وتعبت الدار حرس بسلاحهم وجان قايم سلاحه في وجهه............يتبع