حركة كبيرة ...ناس ماشية ...ناس جاية ...ساقين هابطة ...ساقين طالعة ...ملفات تتحط ...ملفات تتهز ...رغم النهار مازال في اولو والشمس يادوبك كي بانت ...الخدمة في هاك الايتاج العالي شدت بعضها وحمت .
عقارب المنڨالة الكبيرة المعلقة ع الحيط تكمل في دورتها متزامنة مع دورة كرسيه ...في يدو ستيلو فوتر اكحل ...مرة ينحي غطاه مرة يركبو ...وفكرو هازو لبر بعيد ...تدق الباب وبعدو دخلت مرا فاتنة في اخر الثلاثينات بشعر أشقر مصبوغ ...حيتو بتحية الزي والمقام و علئ طاولتو حطت ملف ازرق مطبوع بالاحمر .
هز حاجب بحاجب ومن عيونها للملف بدل خزراتو ...وزنو بين صوابعو قبل مايفتحو ويشوف شفيه ...ضاقت حدقاتو وهو يبدل الاوراق الوحدة وراء اختها ...ولما وصل للنهاية ...خرج زفرات مخنوقة من صدرو العريض وبيد ثابتة طبع في اخر ورقة بطابعو ورجعو بالوقت لهاك المرا الواقفة وهو يعطيها اوامرو "خليها تتعدالي "
قرن حواجبو لبعضهم يقرا في الاسم المكتوب ع الدوسي " دنياااا..." تبسم " يظهرلي في مكتبنا ولامرة خدمت معانا وحدة بها الاسم ...موش هكا "
اكدتلو " ايه ...حتئ ملفها يوزن مليح ...المرا عندها دكتوراه في علم النفس الجنا..ئي ...وعاملة ستاجات مهمة في بلدان بارشا ...يظهرلي المرأة المناسبة في المكان المناسب "
_" بكري بارشا باش نقولو انها مناسبة ...أنا نحكم ع الخدمة الملموسة والمردود...اذا هي المرأة المناسبة كيما تقول فلازم تثبت لها المكتب انها مختصة علم نفس بكفاءة عالية"
اتكئ علئ كرسيه " كلمت معاوية ؟! "
_" وين نطلبو نلقئ تاليفونو مسكر ...يظهرلي جاد في حكاية الاستقالة "
ضرب ع الطاولة " المكتب هذا لايمكن يخسر واحد كي معاوية ...شوف نقلك...موافقتو عليك...مايهمنيش شنوة تعمل ..المهم معاوية نهار الاجتماع يكون هنا ...ليوم قبل غدوة "
تبسمت " واضح "
وقت خرجت تخبرها كانت هي ديجا تمشي وتجي تحاول تنحي توترها...لابسة لبسة رسمية في النوار ومعاها صبادري بلون معقود بترتيب ..شعرها الشتان مرفوع لفوق وعيونها النوار الكبار عليهم لينات بكادر بلون مظهرها شخصية كبيرة ...دخلت ووقفت باحترام قدام هاك ايلي علئ كرسيه ..هزها وحطها من فوق لفوق مقيمها وهي تشجعت بنظراتو قربت من بيروه وشاورت الكرسي " انجم نقعد "
اشرلها براسو ايه بلا مايقول حرف وهي محمحمت و طوت ساقيها علئ جنب وحطت ذراعها علئ ذراعات الكرسي " أنا الدكتورة دنيا بن عياد ..أول ماطلبتوني جيت .. "شاورت للدوسي عندو " تلقئ كل شي يخصني غادي ..أن شاء الله نكون قد حسن ظنكم "
أنت تقرأ
تــجاعيٕد ســامّة ☘️( مكتب التحقيقات الخاصة ) ☘️
Action🌼الإسـم : 🦋تـجـاعـيـد ســامّــة 🦋( toxic wrinkles ) 🌼الكاتـبـة :🦋 ňòùdã🦋 🌼النــوع :بوليسي ،جريمة ،اثارة ،تحقيق رومنسي ، اجتماعي 🚔 🌼تاريـخ النـشر : 2023 : قريبا 🌼القـصّـة : تدور احداث القصّة حول محقق من مكتب التحقيقات الخاصة يسعئ رفقة فري...
