مقت ويلاد شملة

" الــبــارت الأَوَل "

#مقت_ويلاد_شملة

البـارت الأول🤍

بـ قلمي : ژها ال حسيني

i n s t a : x l 9 9 9 9 l

قـناة التلي گرام xl1559l

·_____________________·

‌شمـلة :

ازرع بيذنجان ، بـ حر تموز امسح عرگ وجهي بالعباية شادتهة حيل علية ودنيـا مُغربـية
هاي اخر شي زرعت داگوم وشفت أبوية

جـميل : ها بوية كملتي ؟

شملة : أي كملت پس هاي اهاا

- گمت امشي ويا أبوية دنرجع للبيت، اني اشتغل وياه زراعة ، فلاحة ، لبست العباية غطيت وجهي بيها
فلاليح بالجوبة هنا

عمري ١٣ سنة بداية سنة جديدة ، لا شفت المدرسة ولا شافتني
بسبب شغل أبوية ولازم وياه نساعده صح عنده عمال بس رادني وياه

أبوية فلاح وزراع بنفس الوقت ودونمات وجوبة اله يعني ازرع وياه اني وخواتي بُشائر و هوادر واخوية همار ، أما سعد فـ بزر الگعدة أهم شي هوا ميشتغل بس يجي يباوع ويروح

- رجعنا امشي بالطريق صافنة وافكر واديور بوجهي

وابوية يسولف ويه سعد يعلمه ع زراعة وسعد شي اكيد ميبطلة من المدرسة لأنة شاطر ويلگف الكلمة وهية طايرة وعمره ٩ سنين

رجعت للبيت واني هلكانة وأمي ما اجت ويانة راحت تسولف ويا الحبيبات عدها عصرية يمهن امهات العگد " فرع أو ما يُسمى بـ فروع في القرية "

طبيت للغرفة غسلت وطلعت بوجهي رحت للمطبخ سويت عشا اعرف اطبخ امي معلمتني كلشي و واگفة يمي تگشر البتيتة بشائر ، و هوادر ما طلعت من الغرفة

كملت گلي بتيتة وطماطه وخضرات ..

اسمعت خطوات للباب اكيد هاي امي اجتي

انفتحت الباب تباوعلي ضايجه ترفع بحاوجبها

- ها شميلة سويتي العشا

شملة : أي يمه سويت

- خوش. همار ما اجه؟

شملة : لا يمه ما شفتة گال اروح وية جماعتي نسبح بالشط

- ثول كون مو يدري أبوة يطيح حضه شجاه تأخر راح يموتني هذا ، حطي الچاي قبل الأكل

شملة : اباوع امي راحت تذب العباية، ضليت صافنة صدگ هذا وين راح اول تالي هيچ يتأخر

انا بـ طارية وطب للبيت ما منتبهة چنت اترس القوري ماي علمود احمي

گببل باوعتلة : هاي شنو شو تأخرت شبيك فاحط همير

همار : ها لا ما بية ، پس چنت هيچ ارگض ناوشيني ماي بسرعة

شملة : متأكد ؟ ترستلة گلاص هذا الي چنة حديد ،ماي