أنثى الأسد

90\91\92\93\94

★أنثى الأسد★
90-تلاح ليها على فمها كيبوس فيها ويجبد فشفيفها للحظة داك لعنف لي بيناتهم تحول لهدوء ولات كتبدلو لقبلات وحتى هو إيثار عاقت باش كدير متحتي عليه غير بعضة لشلقومتو هو يجر وهي كارزة عليها مطلقاتو حتى خلات فمو كلو دم او وارم ناض بزربة من عليها كيحس بالحر
آسر:اش هاد لخرا درتي اش هاد زبل واش فيك جعرة ولا مسعورة
إيثار:باش تعلم تحط عليا شلاقكم اشلاهبي يالمكبوت فينما شفتي راسك فالمرايا تفكرني باش تحرم تقرب ليا مزال
آسر:شاد فمو حتى انت كان عاجبك الحال فالول مارضيتيش مابغيتيش تعتارفي انو عجبك الحال حيت عمر شي حد باسك انا كنعرف لبنت لي مجربة من لبنت لي لا متنكريش هادشي وضحكي على راسك
إيثار:نفضل نبوس حنش كيقطر بسم ومانحطش فمي على داك لفم لمريك عندك، ستفزاتو بهضرتها تم جاي ليها نقزات عليه ولات فوق ضهرو نتفاتو من لور ديال ضهرو وعضاتو فعنقو تنتف وتغوت كيحاول يلوحها من فوقو او والو
إيثار:ليوم نتفك زغبة زغبة شحال وانا كنجمع ليك شحال هدا انتوما رجال متسواو متصلحو مالفين تحكرو علينا ياك هاك (خبطاتو) هادي دقة سعدية جارتنا لي جاب عليها راجل ضرة(خبطاتو)هاك زيدك هادي ديال نعيمة طيابة لي يضل راجل يكروشيها هاك زيدك، ولات كي لوحش مسعورة،جبدها آسر من ترمتها وقفها زرب عليها خبطها لراسها طاحت سخفات هزها لاحها فوق نموسية او وقف كينهج سخفاتو
آسر:وناري وناري هادي ماشي بنادم عند بالها هاد ضربة لي ضربات اياخد فيا شي حق ولا شي باطل دافعة جبهة وزعامة لخاوية دابا اتنعسي حتى لصباح تهنيني شوية من صداعك اوتش ناري على عضة عندها،مشا لحمام شاف فمو حمر وارم منفوخ ضرب ايدو مع لحيط
آسر:لكلبة لعضاضة اش دارت،داوا جرحة ومشا نعس فبلاصتو.ايثار بقات كيما حطها فوق نموسية متحركاتش حتى صبح صباح ناض آسر دوش عليه فمو شوية
★أنثى الأسد★
91-فمو شوية تفش ماشي بزاف لبس هليه حوايجو قاد لقهوة لي ميدوزش صباحو بلابيها، عاد فاقت إيثار كتحس براسها تقيل كيضرها ناضت كتجر فرجليها تفكرات اش طرا لبارح
إيثار:ولد لحرام غفلني ناري على راس عندو بحال الى طاحت عليك شي ضالة، دخلات لدوش دوشات حتى هي خرجات لبسات شورط دجين قصير وقميجة بالكاروات مدخلاها وسط شورط وسبرديلة خرجات لقاتو حاط بيسي قدامو كيشرب قهوتو على فيها عينيه ورجع كيشوف فبيسي تسمع دقان فالباب ناض وقف لقا مساعد موسيو لي علمو انو لفطور واجد وموسيو لي كيتسناهم خرجو بجوج داهم لمطعم لفوق لاقاو طبلة واجدة وموسيو لي كالس ومعاه وحدة شينوية فتلاتينا من عمرها وجها كيف لمونيكة
آسر:صباح نور
لي:صباح نور كيف صبحتو مزيان تايغر مالك ياك لباس(كيضحك ويشوف فإيثار)
آسر:لا والو حادث صغير
إيثار:(شارف مالو يفرنس ويشوف فيا بنادم كيشرف ويزيد يدود الله يستر)
لي:نقدم ليكم مراتي سومو، إيثار كتافت غير بابتسامة كلسو كيفطرو
آسر:موسيو لي الى ممكن تعطينا شي معلومات باش نبداو فالبحت ديالنا كلما زربنا كان حسن
لي:طبعا طبعا تهديدات كانت كتجيني فالاول فتيليفون انو خاصني نتنحى على لمنصب ديالي حسن ليا انا مديت مجبت ومتسوقتش اصلا من نهار توليت لمسابقة ولاو كيجيوني تهديدات خطية بالالة لكاتبة وكيف كتعرف هاد الالة قديمة بزاف وشخص واحد لي ممكن تكون عندو
إيثار:انت مكتشك فحتى واحد قريب ليك مثلا عندك أعداء واش مزال هاد تصلات كيجيوك
لي:لا تصلات مبقاوش كيجيوني صراحة مكنشكش فشي واحد معنديش اعداء لا، نقزات سومو
سومو:صراحة نهار تولى لي لمسابقة طرا سوء تفاهم بينو وبين لمشرف على لمسابقة بسبب انو لمشرف بغا يدخل شي حد من طرف ديالو لمسابقة زوج ديالي مبغاش حيت كيتعتابر حالة غش
آسر:ولكن سمحيلية هادشي كلتي
★أنثى الأسد★
92-كلتي طرا غير فهاد الاواخر اما تهديدات كانت كتجيه قبل ولي كيهدو بغاه يتنحى من لوزارة
إيثار:وممكن هاد الانسان عطا هاد سبب غير باش يضلل لبوليس
لي:مفهمتش
آسر:انسة إيثار كتحاول تكوليك انو لموضوع كبر من هادشي وبزاف ولي ورا هادشي ماشي بغاك غير تحيد من لوزارة لا لهدف ديالو كبر من هادشي كلو بغيت نسولك واش انت شخصية لوحيدة لبارزة لي مونا هاد المسابقة
لي:لا كاين وزير سياحة وكاين وزير التقافة لكوري ليومينهو
آسر:معندك حتى عداو مع هادو
لي:لا كان بيناتنا شي تعقيدات انا او وزير سياحة ولكن ليومينهو لا قبل كنا اصحاب وقرينا مع بعضياتنا شحال هادي بالعكس قريب مني بزاف،
آسر:واخا مهم كنتمنى منك لا انت ولا مدام سومو اي تحركات متخطواش الا بالامر ديالنا لفرقة الامنية ديالنا قربات توصل طاقم الامن كلو ايتبدل لكاميرات ايتزوعو فجميع لبلايص حتى من شاينا تاون هاديك انشرف عليها انا وانسة إيثار
سومو:دابا على هاد لحساب انا منخرج منضرج غير الى معايا حارس امن لا بزاف هادشي انتخنق حريتي اتربط
آسر:هادي لمصلحتك امدام
سومو:ولكن هوما بغاو يقتلو راجلي ماشي انا
آسر:حنا انديرو الاحتياط ديالنا عارف حريتك اتقيد ولكن صبري شوية الى ممكن واخا، رجع شاف فلي
آسر:موسيو لي نخليوك دابا خاصنا نشوفو شغلنا
لي:انا تايق فيك اتايغر وحتى انت انسة إيثار حظ موفق ليكم، ناضو من على طبلة غير دخلو لشقتهم نقزات عليه إيثار
إيثار:نبصم عليها بالعشرة حتى ديك لمونيكةديال شينوة عندها ايد فالموضوع،دار آسر شاف فيها
آسر:باش عرفتيها الما كان دليل ميمكنش تاهمي شي واحد
إيثار:دايرة ايدها على جنابها كتحك فشعرها) مشفتيش شوفات ديالها فاش دكرتي طاقم ديال الامن وفاش عرفات انو خاص متخرج غير بخبارنا ولا غير كتفتف حتى هضرتها حسيتها معندهاش سوق
★أنثى الأسد★
93-سوق فراجلها فالمغرب لمرا طير وتنزل على راجلها هادي فرحانة وناشطة وضاربة دنيا باركلة
آسر:هداك راه لمغرب خاصنا نتأكدو او حاجة جيبي داك بيسي واجي لهنا
إيثار:جيبو انت نيت مالي وليت خدامتك، مشات كلسات كتسناه يجيب بيسي شاف حتى عيا ومشا جابو حطو قدامها
آسر:اول حاجة حاصنا نغرفو شي معلومات على سومو مراتو منين هي منين جات لوسط فاش كبرات كيفاش تعرفات عليه وزيد وزيد
إيثار:انقسمو هادشي انا عزيز عليا تبركيك انجبد ليك فاش كانت فكرش مها
آسر:مزيان لاول مرة فحياتك اديري حاجة مسكدة
إيثار:وخلينا هانيين دابا
آسر:صافي صافي مهم انا انقلب على معلومات على وزير سياحة او وزير تقافة لكوري نقلب فالارشيف ديالهم اي معلومة صغيرة ممكن تفيدنا
إيثار:صافي خليك انت هنا وانا اندخل لبيت نقلب
آسر:بغيت نسولك الكس مدرباه على حاسة شم مزيان
إيثار:هوهوهو خطير عندي هداك واعر تكون لبلاصة معرفت فين يجبدها
آسر:احسن حاجة درتي جبتي كلابك معاك
إيثار:نسيت ليهم مكلتهم فكرتيني، مشات لكوزينة هزات طبسيل داتو معاها لبيت حطات ماكلة لكلابها خلاتهم ياكلو وجبدات بيسي ديالها حطاتو يلاه اتكلس بقات كتفكر وحلات لباب على عينو فيها
آسر:لقيتي شيحاجة
إيثار:مزال مقلبت بغيت غير نكوليك ضربة لبارح منسيتهاش راني عاقلة ماشي فيا زمايمر ومتسحابش راسك غلبتيني صافي راه غير دابا جا وقت لخدمة ومخاصناش ندابزو لا يمشي عقلك هكا ولا هكا
آسر:غمزها) هكا ولا هكا بحالاش مثلا
إيثار:صغرات فمها) تفو عليك عقلك ديما خامج، سدات عليه لباب خلاتو كيضحك رجعات فوق نموسيتها ربعات رجليها وحلات بيسي دخلات لكوكل وطبات سميت لي هسين ومراتو خرجات ليها تصويرتو مع مرة غير سومو بقات اكتشوف وتعجب هزات دفتار وبدات تقيد فسميت لمرا لي فجنبو كل مرة قلبات خرجات ليها معلومة
★أنثى الأسد★
94-جديدة اوعر من لي قبلها وصل وقت لغدا وهي مزال مكبوبة على بيسي تحل لباب ودخل آسر هاز فيدو طبسيل فيه بيتزا علات راسها فيه
إيثار:اش داكشي
آسر:شدي كولي باش توقفي على رجليك
إيثار:هاء منين طاح عليك هاد لحنان كولو ياكما مسممني باش تهنا مني
آسر:ياريت كون بيدي ندير كثر ولكن دابا معنديش لوقت ومحتاجك معايا كولي وهنينة الكارتة كولي،خرج وسد لباب وراه ناضت هزات داك تبصيل ساطت فيه سوطة وحدة ورجعات حدا بيسي كتقيد حتى طاحت على بيسي بنعاس ضلام لحال آسر سمع حسها مقطوع ناض فتح لباب لقاها دايرة نعسة ديال ليوغا مربعة رجليها وناعسة على بيسي تبسم بلا غرضو ومشا كينوض فيها
آسر:إيثار إيثار بوعبولة وديك لمجعورة نوضي،شافت فيه بشر
إيثار:اش بغيتي عندي جبتي حتى لقطة زوينة ومفيقني خليني اتانكمل لحلمة داير كي قباض رواح تفو اشبغيتي اش كاين تاني
آسر:بدلي عليك ويلاه خاصنا نخرجو
إيثار:انت مابقيتش نتيق فخرجات ديالك مافيك تيقة غدار
آسر:اووف خاصنا نمشيو نشوفو شاينا تاون وصلو لكاميرات وطاقم ديال الامن وصل خاصنا نكونو حاضرين سربي انا سبقتك متعطليش
إيثار:واخا انا جايا اسبقني،ناضت غسلات وجها مشطات شعرها جمعاو على شكل ديل خصان لبسات سروال دجين جاي أوت وتيشورت فالبيض مصور فيه مدونا وبروتكان فرجلها سدات على كلابها فالبيت وخلاتهم خرجات عندو كتشوف فيه بحال الى متافقين فلباس هو لابس سرواج دجين وقميعجة ببضة مع ساعة قهوية مقاد شعرو كيتسناها
آسر:مشينا
إيثار:يلاه، هزات سكادوها دارتو فضهرها وهبطو بجوج ركبو فطوموبيلت آسر او وراه طوموبيل كحلة فيها رجال لامن لي ايركبو لكاميرات
آسر:وهو سايك) امضرا ليقيتي شيحاجة
إيثار:هو غير لقيت وسكتي سمع اسيدي موسيو لي كان مزوج من قبل من مرة أمريكيا كانت قرات معاه وكانو كيبغيو بعضياتهم