★أنثى الأسد★
395-دازت طقوس ديال حنة واعرة بزاااف نشفات لحنة لإيثار وحيداتها ليها مها بدبليج ديال نقرة كلاو ناس لخير غير مكفح وإيثار نايضة فيها شواية بغات ايمتى يسالي هادشي خلاص شوية جات عندعا نوال كتجري تحنات عليها:
نوال:كريم يلاه سيفط ليا ميساج
إيثار:اشنو كاليك طلقينا خلاص؟
نوال:كتب ليا حبيبة متسناينيش ليلة انبات مع آسر ودراري نتلاقاو غدا
إيثار:هاي هاي واخا دابا كي اندير انا نطلع لبيتي؟
نوال:صبري شوية بقاليك 10دقايق ونطلعوك،إيثار كالسة وساهية بداو لعيالات كيوروها وهي كتبسم ليهم وجها تفيكسة على ضحكة وحدة دارت واجب ديالها وصواب غير بداو ناس يمشيو وهوما يوقفوها رشو ليها ايديها بزهر وطلعوها لبيتها غير وصلات لبيتها سدات عليها هيا ونوال
نوال:شنو انديرو دابا أصلا كيفاش انخرجو وغادي يقلبو علينا
إيثار:سيري بعدا لماريويا جبظي متلبسي وانا نكوليك شنو انديرو،مشات نوالو لماريو إيثار جبدات سروال دجين وقبية لبساتهم إيثار مسحات ايديها من لحنة ليبقات لاصقة ليها لا فيديها ولا فرجليها لبسات كيطمة وعلات راسها دارت لقب ديال لكيطمة كتفكر كتفكر هزات تيليفونها وسوارت ديال طوموبيلتها ودوك بوشيطات وشي فلوس
نوال:وكولي بينا بعدا فين انمشيو وشنو انديرو ويلا دقو علينا ومجاوبناهم
إيثار:شحال من مرة كنكوليك كثرت الاسئلة خايبة من نحية دار ايدقو منحلوش بغيت نكول انسورتو لبيت ويلى سوناو فتيليفون انا عارفة أش ندير انت اتبعيني يلاه،حلات سرجم طلات بدا الحال كيظلام كيبان ليها باها واقف مع شي رجال رجعات بلور
نوال:مالك؟
إيثار:بابا على برا بلاتي واحد شوية،كلسات على نموسيتها كتحرك رجلها شوية بدا لباب كيتدفع وتحول لدقان شيرات إيثار لنوال باش تقطع لحسن
الحاجة:إيثار فينك حلي لباب ابنتي
إيثار:بصوت تقيل)وماما راه عييت بغيت
★أنثى الأسد★
396-بغيت نرتاح شوية
الحاجة:وحلي غير كولي شوية بعدا
إيثار:واعطاتني نوال ناكول بغيت غير نعس دابا
الحاجة:وفين مشات هيا شفتها مكيناش؟
إيثار:جا كريم داها معرفتش فين صافي اماما راه نعلس كيطير عليا عفاك
الحاجة:واخا ابنتي الله يبيتك فراحة،حتى حسات بمها مشات عاد رتاحت
نوال:اختي بغيت نوصل فير لنص فعقلك وتفكيرك معرفتش
إيثار:دابا نولي نعطيك سوايع خاصنا نحيدو من هنا دغية بلاتي نطل،طلات مبان ليها حد وهي تنقز طلات عليها نوال
إيثار:لوحي ليا ساك ونقزي ان تلاكا ليك سربي دغية،رمات ليها ساك شداتو تدلات نوال خايفة تنقزبقا ليها شوية جراتها إيثار من رجليها طاحت يلاه جات تغوت شدات ليها إيثار فمها
إيثار:بغيتي تفضحينا الكلبوشة؟
نوال:وراه توعت فرجلي
إيثار:اح عليك البوحاطية هاد جرا وعتاتك ونهار ليلتك متوعتيش فرحانة ديك ساعات اشيخة
نوال:زيدي زيدي الله يقلل حياك ديما مشركاني فجرايمك
إيثار:حتى دابا رجعي ولا نفكرك انت لي خاشية قشابتك ولاصقاني
نوال:صافي دابا يحصلونا يلاه نمشيو خلاص،تمشاو قفازي باش مايحصلهم حد تخباو ورا واحد طوموبيل مبان ليهم حد فتحات إيثار طوموبيلتها طلعات طلعات حداها نوال ديمارات دغية خرجات من جيهت دار دارت نوال مبان ليها حد حطات راسها على كرسي وتنفسات نفس عميق
نوال:اووف الحمد لله كنت خايفة شي واحد يحصلنا
إيثار:مدام انا معاك عمرك تخافي مكندير الحاجة حتى كنفكر فيها ألف مرة عاد كنطبقها
نوال:ودابا كي انديرو ندخلو لوطيل وحنا هكا بغيت نكول وانت هكا شوفي ايديك محنيين ورجليك؟
إيثار:جبت ليكات ديال ليدين وليبات انت متخميش فشيحاجة عارفة شنو كندير اما كيفاش اندهلو نسيتي آخر مرة شنو وقع دابا سيكيريتي والمدير عارفيني ايخليوني ندخل بعينيهم مغمضين
نوال:كلما كنفكر لكلبوشي دخوك بغا يزها هاد
★أنثى الأسد★
397-بغا يزهى هاد ليلة كيشدوني الاعصاب من راسي لرجليا
إيثار:متكونيش بحالي فبلاصت ميعطيوه نصائح على الحياة زوجية بغاو يعلموه تصلكيط هو اصلا مصلكط ودابا ايكمل لي خاص
نوال:شوفي سوكي غير بشوية اختي انت معصبة وطايرة فسما غير بشوية الله يرضي عليك
إيثار:واخا هاهيا غادية بشوية،إيثار حاطة ايديها بجوج سايكة بيهم ومركزة فطريق دخلو لكازا وخداو طريق عين دياب فين كاين لوطيل كان ليل هبط شي 9هاديك بلاصات طوموبيلتها فبلاصة مخبية هبطات هي ونوال وقفو قدام لوطيل بان ليهم نفس شخص ليكان داك نهار غير شافها تبسم وخلاها دوز دارت عند نوال وغمزاتها بمعنى شفتي شنو كلت ليك مشات نيشان لاستقبال لقات ديك طرطارة لي كانت غير شافتها لوخرا بدات تفرنس
عاملة:والله الى هنيتينا من ديك هيتي برافو عليك
إيثار:تصنعات ضحكة)شتي دابا بغيت غير نسولك واش بصح راقصة مايا حجزات عندكم هاد ليلة؟
عاملة:مم بلاتي نشوف،بقات كتقلب كتقلب:لا ولكن كاينة حجز بإسم رقاصة شروق
إيثار:بغيت نعرف أشمن غرفة شادة وهانتي بحلاوتك(غمزاتها)
عاملة:اياه الله اودي لغرفة 205
إيثار:بغيتك تعطيني غرفة قريبة ليها،بقات كتقلب هزات كارط مداتو ليها
عاملة:هاكي رقم 204 ولكن متعرفيني منعرفك
إيثار:مالنا دراري صغار بحال ديما نتحاسبو من بعد موااح
لعاملة:أه نسيت مكتليك سيد لي كان معاكم آخر مرة كاين هنا هو وشي رجال اخرين وراه خداو لجناح لملكي
إيثار:أااه اوك شكرا ازين،جرات نوال من ايدها وطلعو فلاسانسور
نوال:سمعتي جناح ملكي نهار زواجنا ومداني ليه
إيثار:انا انفرجك فيهم هاد ليلة انوريهم جناح الملكي بشحال كيطلع غير كلسي وتفرجي انت هكاوا على سي سيد سلطان سليمان ومدارهاش واااخا اسي آسر واخااا.....
★أنثى الأسد★
398-دخلات ايثار ونوال لبيت لي شدو كل مرة كطل واش جاي شي واحد بان ليها لاسانسور تحل ودخلات منو واحد خيتي كي طولتها كي وقفتها سروال لاصق ديال دجين منحنيات منحوتين لابسة ديباردور لاصق سمرة شعر دهبي طويل كيبري صندالة عالية زادت فطولتها لمشية بحالاش كتمشى بوشيط كبيرة هازها لخدام لي فتح ليها لباب دخلها ليها دخلات وهو خرج رجعات إيثار بالخف كلها كتغلي بنار لغيرة كتفيبري
نوال:مالك ياك لباس شكون شفتي؟
إيثار:وكواك وتشوفي شكون شفت وشكون جايبين وتشوفي هاد رقاصة شروق لي قالو ليك جايبين
نوال:ولاو حجبانها كيترعدو)لا لا متكوليش ليا متكوليك توتوزة ياك؟
إيثار:قنبلة نووية قنبلة نفاتة اني لي بنت وحواليت خلي هوما كولشي من دوك زرافات لي مع آسر من خويا وجبد اويلي ندب بشقاف أنا ولكن ابلاتي
نوال:شنو انديرو دابا؟شافت فيها إيثار وهازات داك ساك لي جابت معاها جبدات منو شي حاجة كحلة
نوال:شنو هدا؟
إيثار:لبسي وسكتي يلاه معندناش وقت،حلات نوال لقات عبايات كحلين بحال لخمار
نوال:علات فيها عينيها)ايمتا هزيتي هادو فين كانو؟
إيثار:كانو عندي من ايامات لمسرح كنت مخبياهم على دواير زمان وهزيتهم فاش كنت كتلبسي سربي لبسي خلاص،لبسو بجوج دوك لعبايات مغطيين وجهم العينين لي كيبانو فيهم ولاو بحال رايا وسكينة
إيثار:ويلاه كوني مرة وعندك تفافاي،أشرات ليها نوال براسها وخرجو من لبيت وقفو قدام باب شروق دقات إيثار بقات شوية تفتح لباب طلات منو شروق غير بالبينوار دلحمام وجها كيبري بلمكياج علات فيهم عينيها
شروق:وي شكون نتوما؟
إيثار:رايا وسكينة احبيبة ممكن ندخلو ولكن علاش كنتشاورو معاك حنا،دخلات عليها ضرباتها بروسية داخت طاحت
نوال:كتخبط فوجها)اويلي قتلتيها اويلي ويلي ليلة نباتو فعوكاشة
إيثار:سكتينا هزي معايا راه غير داخت
★أنثى الأسد★
399-بغيتي طلبقي ليا منتيف زيدي هزي،جروها دخلوها حطوها على نموسية غطاوها هزات إيثار كسوتها ديال شطيح خرجو وسدو عليها بساروت رجعو لبيت فين كانو حيدو حوايجهم
نوال:ودابا؟
إيثار:اتبقاي بداك لكولون ولبودي وخودي هادي لبسيها
نوال:مخرجة عينيها)كتفلاي لا؟
إيثار:شنو بان ليك؟
نوال:انا نلبس لباس شطاحات فوق هادشي اويلي كتفلاي
إيثار:دنيا مخلطة ابيبي منين تكوني انت وخويا بوحدكم ولبسيها ليه بلا حوايج انت ويلاه قبل متفيق ديك عوراجة لي فداك لبيت،شدات نوال لبسة درقص من إيثار ولبساتها اما إيثار هزات شي تقاشر بحال دسال كابتن ماجد لبساتهم ولبسات ليكات على قبل ميبانش نقش لبسات لبسة لي دات لشروق ودارت وحد زيف على وجها مكيبينش ملامحها
إيثار:فتحات ساكها وجبدات بكية ديال فلاش)هاكي ندغي هادي بغيتك تباني بحال صحابات ليل
نوال:على تواخير زمان نوال لكحل تندغ مسكة بحال صحابات لحال ايااه اسي كريم هادشي انخرجو منك تالت ومتلي ابلاتي،خشات ديك مسكة فمها تمات غادية جيهت لباب حتى نباتها إيثار:
إيثار:الالة فين غادية مدرمة بوجهك عريان شدي هادا ديريه
نوال:اري لهنا من لغدايد نسيت،شدات عندعا واحد شبكة غطات بيها وجها
إيثار:دابا مزيان ويلاه
نوال:موريتيناش أشنو انديرو
إيثار:قربي عندي نكوليك....
"فلغرفة لملكية"مخصصة غير لطبقة راقية كالسين شباب كلهم كريم آسر غسان وسهيل
سهيل:سمحليا اكريم ولكن واخا تكول لي كلتي ختك أسية مكتنزلش ليا من هنا منفخة وعاجبها راسها بزااف
كريم:سهيل متنساش ختي هاديك اكتبان ليك هكاك ولكن من لداخل ديالها حاجة خرا
غسان:كياكول فكركاع ولوز)ههه معرفتش علاش حاس انو مجيتنا لمغرب اتكون بفايدة كبيرة ومنرجعوش لبرازيل الا وكل واحد مزوج فينا
كريم:انت بالأخص اتبعد على ريم مزال صغيرة ولي بحالك حافضهم
VOCÊ ESTÁ LENDO
أنثى الأسد
Mistério / Suspense✅كاملة✅ المشاغبة ومحبوبة الجماهير رجعات ، فرصة ومناسبة لي مقراهاش يقراها ولي بغى يعاودها يمكن ليه يعاودها ومن أول وجديد 💃🏻💃🏻💃🏻 داكشي باش قررت نزلها ليكم باش لي مقراهاش يرجع يقراها شكون توحش إيثار وهبالها😂😂 وشكون توحش محبوب الجماهير #تايغر...
