💎مكتملة💎
قصة حقيقية بنكهة الواقع المعاش ... أبطالها نوع آخر من الأبطال بطل صاحب شركة كبرى مزوج بمرتوو لي تفاهم معاها وزوجوها ليه واليديه بالرغم مم انه عمرو ماعرفها يعني زواجهم كان تقليدي بإمتياز 🔥🔥
بينما فالجانب الاخر مراتو كتكون عايشة معاه مع...
الطريقة باش بدى كيقطع فحوايجها خلات قلبها اينفاجر بحالا داخلاها الموت وفديك اللحظة بالظبط كانت تفضل لو تقتلات ولا تعيش داك الموقف ... وباصرار منها طلقات واحد اليد على طولتها فاش بانت ليها واحد حديدة مليوحة فالارض جنبها ...
وهي كتزعم فراسها باش توصل يديها دغيا خونا كان قطع تيشورط لفوقاني كامل حتى بانوو سوتيامات ومع بغى يهبط لتحت نزلات عليه لراسوو نيشان حتى تلاح من فوقها شاد فبلاصة الضربة مغوت لربي لي خلقوو ...
وقبل ما يتداركو البقية الامر ويفهموو شنو واقع هزات طيليفونها لي كان مليوح فالارض قريب لساكها وخرجات كتجري ...
دوك البنات بقاو مع خونا لي مضروب فراسوو بينما الشخص لي جابها لتما تبعها وهو ناوي يوريها اللعب بشحال ساوي ... وبداك الجهد لي عطاها الله بدات تجري وتقول ما جريت وغير كضور من موراها وكتلقاه تابعها وقريب يشدها كتبدا تبكي وتشهق بجهد لدرجة صوت شهقاتها مسموع فديك البلاصة كلها ...
كمية الرعب لي شافتوو فهاد السوايع القلال خلاوها تكره هاد البلاد واي حاجة تجي منها ...
ومع خرجات للشارع الرئيسي كانت سيارة من نوع اودي غادة بسرعة عالية وشاعلة ضواو لي لقدام وكتكلاكصوني عليها باش تحيد من طريق ...
رانيا غير شافت داك لوطو تلاحت قدامها بدون شعور وفعقلها كتشوف بلي الخيار الانسب ليها فهاد الوضعية أنها تموت ولا ترجع لديك البلاصة لي كانت فيها وتعيش ثاني حلم مرعب كثر من هادا لي كتعيشو دابا ولي غادي يرافقها طيلة حياتها ...
مول السيارة كيف لمحها واقفة فطريقوو كسيرا بجهد وهو مضور الفولون للجنب ومع وقف جنبها زادت عندو رانيا ووجهها حمر بالبكى وحوايجها مقطعين عليها ... بدات كدق بجهالة فالسرجم وهي كتردد غير جملة وحدة : عاوني ... عفاك عاوني ...
تفتح الباب اوطوماتيكموو وتسمع صوت صاخب من لداخل كيقول ليها طلع وبلاما تفكر بزاف ركبات والرجفة شاداها وكيف تسد باب اللوطو وصل خونا كيلهت ويغووت : وقف ... وقف
حط يدو على باب السيارة باش يحلها ساعة لقاها مسدودة وقبل ما يدير شيء تصرف ويخرج رانيا بزز من عندو لقى غير ريح قداموو كونو مول اللوطو زاد محرك بواحد السرعة جنونية ما مسوق لحد ..
Oops! This image does not follow our content guidelines. To continue publishing, please remove it or upload a different image.
جالسة فالمقعد الامامي والدموع مجموعين فعيونها المتميزة ويديها جامعة بيهم داك تيشورط لي تقطع عليها والرجفة فذاتها ما بغاتش تحيد ... الشخص لي جالس جنبها وكيسوق ضار لور وجبد واحد القبية بيضة وعطاها ليها تلبسها بدون ما يهضر ...
رانيا شافت شنو فيديه وهي تحني راسها شوية بمعنى شكرا وخدات القبية لبساتها وهي عاطياه بالظهر من بعد خشات يديها تحتها جابدة داك تيشورط لي كولو مقطع وكمشاتوو فيديها وهي كتوعد بالجحيم لهادوك لي بغاو يتعاداو عليها بديك الطريقة ....
وبعد مرور مدة ديال الطريق وقفات ديك السيارة قدام شقة فاخرة وعصرية بإمتياز ...وبشوفتها هي شخصيا داك المنظر زادت تخلعات وقالت مع راسها بلي هاد خونا حتى هو جابني لهنا باش يكمل داكشي لي بداو الاخرين ساعة صدمها فاش مد ليها سوارت وقال بكل حدة : هادي دار ديال ميسيو عيسى اتبقاي فيها حتى تكملي قرايتك وترجعي لبلادك ...
جبد كارط بانكير ومدها ليها حتى هي وكمل كلامو بنفس النبرة : وهادي تقدري تاخدي بها لي بغيتي وبالنسبة لحوايجك ليوم يكونو عندك ...
رانيا مدات ليه يديها لي كيترعدو وخدات داكشي بالسكات وغير ترددات فمسامع أذنها سمية عيسى عضات على شفايفها بجهد وقالت بشوية : عفاك ماتقول ليه والو من هادشي لي طرا ليا اليوم مبغيتش نرجع للبلاد وانا قرايتي مزال ما كملتها ... شوف تقدر تقول ليه يبقى هاني راه غنبقى غير فهاد دار ومانبقاش نخرج غير فوقت حصصي والقراية ...
الشخص بدون مايشوف فيها ركز انظارو فالطريق قدامو ونطق ببرود : مع الاسف ميسو عيسى فخبارو اي تفصيل طرا معاك منين حطيتي رجليك فهاد البلاد ... وانا كندير غير خدمتي ...
رانيا نزلات دمعة من عيونها بدون شعورها عند بالها صافي منين حصل عليها هاد لبلان غادي يقولها لختها ولواليديها باش يرجعوها للمغرب بدون ما تكمل قرايتها : ولك..
الشخص قاطعها وهو فخاطرو كيتسناها تنزل : تصبحي على خير اانسة
رانيا فهمات بلي كيقول ليها خاصها تنزل وهو ماعندو ما يدير ليها داكشي باش جمعات اخر ما تبقى من كرامتها ونزلات ... وكيف حطات رجليها برا الشخص جبد الهاتف ديالو وسيفط رسالة لعيسى كيعلموو بلي دار خدمتو على اكمل وجه وما تحرك بحالو حتى تاكد من رانيا لي دخلات للدار ...
هاد الاخيرة لي غير شافت الدار كيفاش دايرة من لداخل بقات مبرقة عينيها ومصدومة من التصميم الرائع لي دايرين ليها مي بقوة العيى والخوف لي ركبها هاد النهار ماتمعناتش مزيان ودغيا مشات للحمام تاخد دوش ليها باش ترتاح وفنفس الوقت تغسل راسها من الافكار الخايبة لي قربوو يحمقوها ...
#يتب...ع تسحاب ليها عيسى ناعس على وذنو 🙂 فنظركم شنو كانت ردة فعلو فاش عرف 🤤❤
Oops! This image does not follow our content guidelines. To continue publishing, please remove it or upload a different image.
