أنا : اكيد طبعا شرف ليا و لكن احب اقول ملحوظة صغيرة معظم كلامي هيكون من وجهة نظري و بالتالي ممكن يكون صح و ممكن يكون غلط الله اعلم بس هحاول قدر الإمكان امون منصف و اتكلم بالعقل
روناء : تفتكر يحورس من وجهه نظرك الي وجه نظر اغلبيه شباب اليوم لغه الحوار بين الاهل ليه بقت معدومه
أنا : باختصار عشان الأهل دلوقتي المسؤلية زادت شوية
عليهم فبقى بيبص للأمور من زاوية تانية بمعني دلوقتي الابن محتاج اكل و لبس و فون و کتب و تعلیم بقی
و حاجات كتير و بالتالي الأهل لازم يوفرو کل دا عشان يفرحو أولادهم و دا كله أنهم للأسف بينسو أن الأهم من يتابعوهم و يحسسوهم بوجودهم
روناء : اكيد بس المثاليه مش مطلوبه احنا عوزين الواقع حتي لو كان قاسي يحورس لان في فعلا فجوه بين علاقه الاهل بأبنها
أنا : الأهل دلوقتي بقو شايفين أن طالما انت لبسك كويس و اكلك و بتتعلم كويس يبقى مش من حقك تشتكي من اي حاجة و لو طلبت اهتمام بيفسروه أنك معاك كل حاجة هيعملو ايه عن كدا الانترنت بردو سبب فجوة كبيرة اوي لانه يبقى بيعمل حاجات كتير اوي زي أنه بيخليك تشوف فيديوهات الناس
بتدلع اولادها جامد فالابن يبدأ يحس أن أهله وحشين معاه و مش بيعملو اللي عليهم رغم أن اوقات الأهل بيكون فعلا عملوا كل اللي عليهم و زيادة
روناء : للاسف فعلا بقت الام بتكلم ابنها وبتسألو عامل ايخ على الوتس وهو في الاوضه التانيه
أنا : الفكرة أن دلوقتي الكل بقى يبص لكلمة عامل ايه على أساس أنها حاجة عادية وبسيطة وحتي الاجابة بقت روتينية مش بنفكر نرد بايه حتي
روناء : مين السبب الاب الي هو المسؤال اللاول ولا الام الي المفروض ديما تلمهم مع بعض ولا أبناء الي طول ممعاهم الفون ولا بيهتمو بأى
حاجه السبب. بين بعد الاطفال مش بعد مسافه ومكان وبس لا لا بقا بعد افکار واحتواء واهتمام
مسافه
دور أنا : اللوم مش هينفع يكون مقتصر على حد الاب ليه دور و آلام لیها دور و الأبناء بردو ليهم أنا سمعت مرة أن حد قال إن فيه يوم في الاسبوع معين بيعملوه تجمع عائلى و قبل التجمع دا بياخدو من كل واحد فونه و يقفلوه و يحطوه بعيد و العيلة تتجمع مع بعض يهزرو يعملو اي حاجة سوا
روناء هههههه ياربت دا يطبق علي الكل الفكره حلوه جدا الصراحه
أنا : دلوقتي الطفل بقى بيتعامل مع والده على أنه بنك و مع والدته على
أنها خدامة الاهتمام بقى يشوفه من اي حد في أي مكان
روناء : طب انا كحل للأهل يبصو لعيالهم لمشاكلهم انتو أهلي لازم تسألوني مالكم. تطلبو نحكي يومنا انتو ولا بتسألو عملت غط ايه وباصين في الموبيل واقل كلمه بكره يتعلم هحكيلك موقف حصل قدامي اب وام عودو بنتهم من صغرها تلبس برحتها ميكب برحتها خروج مع نفسها وفجأه بقيت في كليه معمله بقت من النقيض
تماما ضرب وعقاب ومفيش زومفيش الي هو انتو بتفكر ازاي
أنا : لا مش كدا الحل أن الاولاد بتحتاج تحس انها مسؤولة و بتشارك في كل حاجة .. من الآخر محتاجين امان لو الامان بقى موجود الدنيا
هتبقى تمام و هيحكو من نفسهم مثلا انت محتاج تاخد رأي ابنك في أي حاجة حتى لو بسيطة أو قرارات مهمة و تديله اهتمام و تعرفه أن رأيه مهم و توصله فكرة أن مهما عمل غلط محدش هيساعده غيرك ولا حد يخاف عليه زيك
روناء : حلو جدا بس الابناء لو غلطتت فالغلط الاكبر من الاهل لازم يتعلمو الصح من الغلط من صغرهم ومفيش جمله لما يكبر هيتعلم دي لغه الحوار تكون موجوده
أنا : دا فعلا حاجة أساسية ... التعليم في الصغر كالنقش
على الحجر وكمان من شب علي شئ شاب عليه المفروض فعلا يكون فيه
اسلوب للنقاش و أما اقنعك أو تقنعني لكن الموضوع مش هيتقفل قبل ما دا يحصل .. ولد عايز يشرب سجائر حلو عايز تشرب ليه و ليه انا مانع عنه السجائر دا مثال صغير .. لكن حتة ممنوع عشان ممنوع دا اکبر غلط
اكتر حاجة بتعمل فجوة
روناء : انا بتصدم من الشباب الي تقول انا نفسي انتحر لان سبب الي انا فيه اهلي من الضغط وديما انتا فاشل وامتي منتيش نافعه ولا جمله اخوكي راجل يكسر دماغك
أنا : مستغربة ليه .. انتي لو عندك حد مثلا كل يوم يقولك انتي مش
نافعة في حياتك انتي محدش هيقبل بشكلك دا و لا تعليم و لا جمال ولا اي حاجة ... اعتقد الكلام تقيل و مع الايام هتكرهي نفسك بصي خليني اقولك حاجة حتة أن الأخ يضرب البنت لو عملت حاجة غلط أنا متفق معاه عادي و لكن بشرط الغلط دا يكون غلط فعلا میکونش غلط من وجهة نظره هو
النقاش انتهي على كدا ملميتش الموضوع من كل الزوايا عارف دا كويس فيه حاجات كتير متكلمتش فيها و هتكلم فيها ان شاء الله في الكومنتات
احب اشكر روناء على النقاش دا
انا الي حابه اشكرك علي النقاش الممتع دا
