لم أكن بغيّا

البارت الثاني والخمسين والاخير

مساء العافية على اجمل عيون

شكد رحتلك
وانة مارايح لغير الله وضحكتك

#يمامة

مشاهدة ممتعة للجميع تفاعلكم عالبارت

°°°°°°°°°°°°°°

حبيبة،رجعت من السوك تعبانة كوة اجر النفس متسوگة قراض لغرفة بلال
بردة وفرشة ومزهريات وقراض للبيت

بلال، هم ناقص شي بعد ترة رجلي وگعت من فّرت السوگ عمي المارايد روحة يطلع وياج للسوگ

،وانة رجلي طايحة وارگض المن مو كلة علمود عرسك هذا اليريد يعرس يتعب خما تريد كلة عالحاضر

،يوم أنه بالنسبة إلي روحه للسوگ ماروح بعد شنهاي خلص حيلي وراي عرس يمعودين تردون تفشلوني كدام المرة

،من تشوف المرة يصير بيك كل الحيل دهاك صعد ذن لغرفتك وأنه ارتاح شوي وصعد وراك

شال الأغراض وصعد وانة امددة رجلية حوراء جابتلي ماي اشرب وگعدت احسب الصرفتة والمحتاجينة بعد
وصال تسجل بورقة وقلم ندك جرس الباب

،وصال گومي شوفي الباب احجي من ورة الباب لاتفكي

راحت وصال شوي ورجعت لونها باهت ومدمعة

وصال،،ماما

،منو دك الباب

دخلت رنا

،مساء الخير

لفيت شالي وكمت....،مساء النور اهلا وسهلا بيج خية تفضلي

دخلت وهيه تكول

،حبيبة اني بعد يومين لازم اسافر وجاية اخر مرة اريد اشوف اولادي
ياريت تفهميهم انو اني ابقى امهم

،ولدج انه ما ضامتهم عنج ولاحرمتج منهم دخلتج لبيتي وستقبلتج وعرفتهم عليج والباقي همه احرار وتصرفهم هذا من قهرهم منج مو اطفال خاطر اجبرهم

،،الي سوو كلش عيب هاي بنتي الي فتحتلي الباب هسه تركتني دخلت تركض بدون حتى متسلم تصرفها وتصرف اخوها مو تصرف ناس متربية لو متعوب عليهم
الي رابين بالشارع موهيج يستقبلون امهم

لاااااا،لهنا وتلزمين حدج رنا ترة لهساع انه اتصرف وياج بأصلي وسكتت ذيج المرة على قلطج وكلت مقهورة بس لهنا وتسكتين وتحترمين نفسج ولاتنسين انتي دايسة ابساطي ايمن و وصال انة مربيتهم احسن تربية ومعلتهم الصح والقلط كلش زين
ليش ما تكولين هذا زرعج
اليزرع عاكول مايحصد ورد يرنا انتي عفتيهم ورحتي ولج جهال مافكرتي بيهم ايمن ليالي يصرخ يريدج لحد ما ينام ودموعة يابسة على خدودة
هذا الگلب العدج ماحس ما نغزج وگلج اطفالج يردوج هذا الزرعتي انتي احصدي ولدج ملجومين منج هووواي وصعب يتقبلوج

،اخررر كلامي ماطلع منا اذا ما اشوفهم بعد يومين طيارتي

طلعت منها بدون حجي جريت وصال بعصبية