#احضان مقيده
بقلمي: جنات حيدر
للتواصل/ insta: Janat_haedar
كل الأعذار كاذبه؛
"من يريد يستطيع"
꧁꧁꧁꧁꧂꧂꧂꧂
ملهم::بقيت اباوع ؏ امي بـ عدم استيعاب، شنو تخطب ود ال امير! كالت....
امي- اي شنو رئيك؟
ملهم- حبيبتي عوفي هاي السالفة، يلا مع السلامه تأخرت.
طلعت للدوام واني افكر بـ الي كالته امي، شنو بكيفها تخطب ود ال امير! يمكن ما يريدها، اخخ من اميي، اعرفها من تريد شيء لازم تسوي.
~~~~~~~~~~~~~~~~~~~~~~~~~~~~
ود::كعدت الصبح، لكيت أختي هم هستوها كاعده، سويت نفسي بعدني مريضه، احب اهتمامهم بيه اذا جنت مريضه، خطيه سوتلي ريوك وياها، تريكنا وجابتلي علاجي وغسلت المواعين، اني كاعده، دخل اخوي سجاد وجها مغيم ومبين مقهور، حتى ما حجه ويانا رأسن راح الغرفته، رحت سألت اختي الجبيره كوثر.....
ود- شبي سجاد؟
كوثر- هم راح خطب ورفضوه مره جديده.
اخوي سجاد يحب بنيه ويا بـ الجامعه كل ما يروح يخطبها اهلها يرفضوا لأن هم من غير طائفه، حتى اخذ شيوخ وناس كبار وهم رفضوا، شكد انقهر علي لأن يحبها والبنية هم تحبه
اجتي نور بنت عمي يمنا، كعدنا نسولف وياها، شويه وصلني مسج من ملهم، نور رادت تشوف من منو وصل المسج، كتلها....
ود- احمد (اخوي) يريد ميي راح اوديله واجي.
نور- تمام.
طلعت اشوف المسج، كاتب.....
ملهم- شلون صرتي؟
ابتسمت، ورديت....
ود- احسن الحمدلله.
دزيتها وطفيت نت، رجعت يم البنات.
~~~~~~~~~~~~~~~~~~~~~~~~~~~~
ملهم::بقيت محتار اريد اسأل عليها، خاف بعدها مريضة، ادزلها رسالة لو لا؟ دزيت الها رساله من بعد تفكير طويل....
ملهم- شلون صرتي؟
دزيتها وطفيت النت، رحت اكمل شغلي، اجه يمي صديقي وابن عمتي لؤي، كال.....
لؤي- شبيك عبالك شايب تصفن، خاف عاشك ولك!
باوعتلة بـ طرف عيني، كتله....
ملهم- اي عاشك امك، ان** لا اطيح حظك، مالي خلك اليوم كلش.
لؤي- لا والنبي بيك شي، كول يمعود قابل تضم عليه.
YOU ARE READING
احضان مقيده
General Fictionبين الضلم والظلام، وبنصف التهديدات، تفقد عزيزه قلبها وهي في العمر الصغير.... وتخسر حبها الاول والوحيد، ويريد ان ينتقم منها بأي طريقه كانت..... #احضان_مقيده.
