#احضان مقيده
بقلمي: جنات حيدر
للتواصل/ insta: Janat_haedar
سيأخذ الجميع نصيبه من هذه الدنيا؛
سعاده ؛ حزن ؛ نجاح ؛ فشل ؛ قلق ؛
مرض ؛ لقاء ؛ فراق ؛
لن يفوتك شيء كتبه الله لك او عليك
فأرضى بالقدر وقل الحمد لله...
꧁꧁꧁꧁꧂꧂꧂꧂ملهم::كاعد يم ود ومبتسم وفرحان، ما اعرف؏ شنو مبتسم، ما اكدر اذا باوعت عليها لازم ابتسم، صافن عليها وهي ما منتبهه الي، تسولف ويه اختي رحمه، واتمنى ما تخلص سوالفهم حتى ابقى اباوع عليها و؏ جمال عيونها وبياضها، سمعتها كالت.....
ود- ملهم خلي انروح الهذه النافورات، بس نصعد الدرج ما نروح بعيد.
بقيت صافن عليها و؏ حجيها.....
رحمه- ملهم الووو.
بعدت عيوني عن ود، كلت بيني وبين نفسي......
ملهم- ولك ملهم شو طالعه عينك وتباوع ؏ البنات، استحي ملهم استحي شويه، عيب هاي السوالف، من شوكت وانت تباوع ؏ بنات العالم؟ هااا.
بعد ما كملت كلام ويه نفسي، كلتلهم....
ملهم- يله امشونا.
كاموا ود ورحمه، كلت الأمي.....
ملهم- ماما تجين ويانا!
امي- لا ابقه كاعده هنا، لاما بيه اصعد الدرج.
رحنه يم النافورات، بقينا نفتر شويه، رحمه انطتني تلفونها، كالت....
رحمه- ملهم صورنا كم صوره اني ود.
اخذت التلفون منها وصورت كم صوري هي ود يم النافورات، كملت الهن صور، كالت رحمه.....
رحمه- خلي ناخذ كلنا صوره جماعي، حتى نحرك كلب باسم ومرام لأن ما اجو ويانا.
صورنا سوه كوم صوره، شويه واذن الأذان، كلتلهم.....
ملهم- يله امشوا نرجع نصلي ونتعشى.
ود- خلي نبقى شويه ترا حسه اجينا.
رحمه- اي صدك خلي نبقى.
ملهم- امشوا غير اذن.
ود- اففف.
ملهم- لا تتأفأفين.
رجعنا للمكان الأجتمعنا بي، لكيناهم كلهم مجتمعين هناك، سمعت نور كالت ال ود....
نور- ها، مو كلتي راسي يأذيني وما اكدر اجي، شو رحتي ويه ملهم ورحمه.
ود- انتو رحتوا وعفتوني ، والناس رادوا يرحون يفترون ورحت وياهم، لو تردين ابقى وحدي!
YOU ARE READING
احضان مقيده
General Fictionبين الضلم والظلام، وبنصف التهديدات، تفقد عزيزه قلبها وهي في العمر الصغير.... وتخسر حبها الاول والوحيد، ويريد ان ينتقم منها بأي طريقه كانت..... #احضان_مقيده.