احلى غزال

الجزء الاول

الجزء الاول:

الصبح الساعه 7:00
في بيت بو الريم

طبعا الريم رقادها وايد ثقيل ولازم امها الي تي توعيها

ام الريم فلبطخ يالسه ترتب الريوق حق عيالها وريلها

زلت ساره وجافت ميري جدامها وسئلتها

ساره : ميري ماما وين
ميري: داخل مطبخ
ساره : اوك
راحت المطبخ ولقت امها
ساره: صباح الخير امايه
ام الريم: صباح النور ساروه الا خواتج وين
ساره : ميثوه يالسه تلبس مريلوها وريموه راقده كلعاده
ام الريم : انا محد بيبلي جلطه غير ريموه ليش مب واعيه لازم يعني انا اروح و اوعيها
ساره : انا بروح
ام الريم : لا اعرف بتسويلها حفله وبتزيغينها
ساره : ههههه عارفتلي
ام الريم : اقول عن الصدعه قومي شلي الاكل ورتبي الطاوله حق ابوج
ساره : انشاءالله
صعدت ام الريم فوق عشان تقوم الريم
ام الريم فجت الستاير وسكرت المكيف
ام الريم: ريموه يالله نشي بسج رقاد
ريم وهي فاجه نص عينها: خلااص خليني راقده ماعندي جامعه
ام الريم : نسيتي انه لازم تروحين عشان يسولج مقابله عشان جامعه لندن مب انتي حاشرتنا ابا ادرس ماجستير فلندن يالله قومي
الريم فزت اول ماسمعت امها لانها تذكرت : اوك اوك وتربع شرات المينونه
ام الريم : الحمدالله والشكر
نزلت ام الريم تحت ولقت عيالها يالسين يتريونها فطاوله الطعام
ميثه و  سيف : صباح الخير امايه
ام الريم : صباح النور التؤام المزعج هههههه
ميثه وسيف : عادي تمونين
ام الريم : امزح امزح ابوكم وين؟
ساره : راح الدوام داقيله يبونه
ام الريم : ليكون راح بليه ريوق !!!!
ساره : لا تريق وراح قال مايروم يترياكم
ام الريم : هيه زين عيل بلعافية عليه
الريم نازله
الريم : ليش ماتتريوني
سيف : تبينا نموت يوع يعني لين ما الشيخه ريم تخلص
الريم : ايه احترم عمرك اختك العوده انا
سيف : يالله فديت اختي العوده انا اقول تعالي يلسي وانتي ساكته
الريم : اماه جوفي عيالج
ام الريم : سيفوه خلاص يوز عنها
سيف : انشاءالله
و الريم يالسه اجوفه بنضره الانتصار
توها ميثه نازله
ميثه : صباح الخير
كلهم : صباح النور
ام الريم: يلا ميثوه تعالي تريقي بتتأخرون عن المدرسه
ميثه: انشاءالله

تحديدا في لندن
الساعه 7:30 الصبح
نزلت  ام حمدان عسب تزهب الريوق لعيالها وريلها
خلصت ورتبت الطاوله وراحت توعي عيالها
الا شوي نازل ريلها
بو حمدان : صباح الخير
ام حمدان : هلا صباح النور
بو حمدان : نشو العيال
ام حمدان : لا الحين سايره اوعيهم
بو حمدان : زين ، بسرعه عن يتأخرون
ام حمدان : انشاءالله
راحت حجره شيخه  لقتها راقده بطلت الستاير وسكرت المكيف
ام حمدان : يلا شيخوه نشي عن تتأخرين ابوج يترياكم تحت
شيخه : انشاءالله
طلعت وراحت توعي حمدان ، لاكن دخلت لقته ناش
ام حمدان : يوم انك ناش ليش ماحدرت تحت
حمدان : اماه كنت فلحمام توني ضاهر
ام حمدان: يلا هياك ابوك يترياك تحت
حمدان : انشاءالله
وراحت عند خليفه الي كان فسابع نومه ولا يدري وين الله حاطنه وضحكت ام حمدان على رقدته ريله فصوب وراسه فصوب واضح الرقده كانت من الخاطر هههه

فجت الستاير و سكرت المكيف وراحت صوبه
ام حمدان : خلوف يلا نش (طبعا ماكان يسمعها عاطنها اقوى طاف رقاده ثجيل)

ضربته عراسه خفيف
ام حمدان : خلوف يا الهرم يالله نش مافيني عصدعه ابوك

فز من سمع طاري ابوه وراح الحمام علطول بدون لايقول ولا كلمه حق امه اسميها ضحكت عليه ضحك وقالت الحمدالله وشكر طبعا متعوده على حركاته

نزلت ولقتهم يتريونها فطاوله الطعام
بو حمدان : وينا ها الهرم
ام حمدان وهي تضحك: الحين ياي
بو حمدان : دوم الضحكه يارب ضحكينا وياج
ام حمدان : امين وياك ، اضحك على ولدك في حد غيره
بو حمدان : عسى ماشر بلاه
ام حمدان : ما من شر يبتله طاريك جان يفز من الشبريه ويربع علطول للحمام
بو حمدان : ههههههه عنبو شو رعب انا
حمدان : هههه والله ابوي كلنا نتروع من ايبون طاريك
بو حمدان : افا ليش شو مسوي انا
حمدان : ماشي بس نخاف ننهزب لانه نعرف محاضراتك ماشاءالله ماتخلص
شيخه : هههههه هيه والله
ام حمدان : وابوي ابوكم ها شو هاي الرمسه
بو حمدان : خليهم دواهم عندي
ولا شوي نزل خلوف
خليفه : صباح الخير
كلهم ماعدا الابو كان يبا يروعه: صباح الخير
خليفه تروع قال بيرد يسلم عليه وراح حبه على راسه
خليفه : صباح الخير ابويه
بو حمدان بدون نفس : صباح النور
وحمدان وشيخه ماسكين ضحكتهم
ويلس خليفه عدال حمدان
وصاصر حمدان : بلاه ابوي منفس
حمدان نقع ضحك مارام يمسك الضحكه
بو حمدان : خير عسى ماشر
حمدان : ما من شر بس خلوف يقولك ليش منفس
بو حمدان : هههههه اقص عليك قالولي فزين من الرقاد من سمعت طاريه
خلوف جاف امه وضحك : يعني فضحتيني
كلهم ضحكوا
نرد للبلاد
تحديدا فبيت بو الريم
الريم طلعت عسب تسوي المقابله و ساره وميثه و سيف راحوا المدرسه
ام الريم فلمطبخ تعابل الغدا
دق باب بيتهم وراحت ميري تفتح الباب وطلعت حرمه خالد شمه يايه ويا بنتها مريم

مريم : السلام عليكم ميري وين ماما
ميري : ماما في مطبخ سوي غدا
مريم : اوك روحي يبي شنطه مال مريم من عند الدريول
ميري : جين ماما
مريم : واعليه على رمستج الفارطه
ميري : شو يقول ماما
مريم : علني بلاج كيف عرفت اني ارمس عنها ، مافي قول شي روحي
ميري : جين
وراحت المطبخ عن عمتها
مريم : السلام عليج عموه
ام الريم : هلا والله بالغالين علوكم عساكم بخير
مريم : بخير وسهاله دامج بخير
ام الريم : فديتج الغاليه،ميمي حبيبتي تعالي عند يدوه
وربعت مريم عند يدتها وحضنتها