احلى غزال

الجزء الثامن

الجزء الثامن
حمدان : شيوخ
شيخه : ها بلاك ترمسني هني
حمدان : اقولج ردي علي هني ولاتقرين صوت عالي
شيخه : اوك بس ليش
حمدان : اقولج انا لاحضت على الريم عقب ماكلمت خواتها نبرت صوتها تغيرت وتوني جفتها من الجامه جفت دمعه تنزل من عينها جوفيها يمكن فيها شي
شيخه يوم قرت شهقت بصوت عالي
الريم: شو فيج ( بصوت حزين)
شيخه هني صدق حست من صوتها انه فيها شي
شيخه : ماشي جفت ذبابه
الريم: ايوا
شيخه : انتي الي شو فيج
الريم : انا مافيني شي
شيخه : كيفج مافيج نبره صوتج متغيره من عقب ماكلمتي خواتج
الريم : تبين الصدق زعلت على سيفوه اخوي
شيخه : عسى ماشر شو فيه
الريم : ماشي بحس حاجزينه اسبوع وانا مارمسته ماعرف احس مب مرتاحه
شيخه : ماعليه حبيبتي صبري اسبوع الايام تخطف بسرعه
الريم : يارب
حمدان : الريم بتنزلين عندنا ولا انزلج سكنج
الريم : سكنيه
شيخه : لا والله مب كيفج والغداء
الريم : ماريد غدا بروح ارقد
شيخه: مايستوي يعني ريوق مب ماكله بعد غدا مابتاكلين لا طبعا تبين يستوي فيج شي روحج مب ناقصه
الريم : ماعليه بروح السكن بسويلي اي شي خفيف
شيخه : لاتسمع كلامها روح البيت
حمدان : هي انتي وياها جايفني دريول عندكم الحين وين اروح
الريم : السكن شواخ اذا تعزيني لاتضغطين عليه
شيخه : خلاص اوك
وراح عدرب السكن وصلت ونزلت وطبعا ماسوتلها اكل علطول راحت ترقد
نروح عند حمدان وشيخه فلسياره
حمدان : شواخ مب زين البنت جي مب ماكله شي
شيخه : شسويبها جفتني جدامك ارمسها عنيده مب طايعه
حمدان : الله يهديها
وراحو البيت
بو حمدان : شواخ وين ريماني
وخبرتهم
ام حمدان : واعليه عليج يا ريماني فديتج كيف تخلونها تروح بليا اكل مب زين
شيخه : شسوي رمستها وغصبتها بس ماطاعت وحمدان شاهد
ام حمدان : الله يهديها
نروح البلاد
ساره راحت عند امها الحجره
ام الريم : شبغيتي
ساره : امي برمسج فموضوع يخص الريم
ام الريم : ويديه بلاها بنتي لايكون فيها شي !!!
ساره : لا لا بقولج وخبرتها
ام الريم : الله يهديج ليش خبرتيها الحين عادي تلقينها راقده بلاه غداء بدق على اختي
ام الريم : هلا مريم
ام حمدان : اهلين شيخه امري بغيتي شي اختي
ام الريم : هيه فديتج الريم تغدت؟
ام حمدان : تبين الصدق لا والله وخبرتها السالفه
ام الريم : كنت حاسه انها مابتتغدى اخاف يستويبها شي
ام حمدان : ماعليه لاتحاتين بخلي حمدان يطرشلها غداها
ام الريم : ماتقصرين فديتج ادريبج راعيه واجب
ام حمدان : افا عليج الريم بنتي
وبندت
ام حمدان : حمدان حبيبي شل غدا بنت عمك اذا ماتقدر خلاص بخلي رشود يروح
حمدان : لالا شو رشود انا موجود
ام حمدان : يلا اوك
شل الغدا وراح وشغل ال fm وطلعتله اغنيه احلى غزال طول عليها ويلس مرتبش لين وصل عند عند بارت
فِي الهارودز صادَفتُ لِيَ أَحْلَى غَزال
مُسْتَحِيل أَنْسَى عُيُونهُ مُسْتَحِيل
فِي عُيُونهُ سِحْر وَرُمُوشهُ ضُلّال
نُاعْس الطَرَفَيْنِ بو رِمْشٍَ كَحِيل
تذكر الريم واليوم الي جافها في فل هارودز وطول لين ماوصل عند الريم حول من السياره وراح عند شقتها دق الباب محد فتح دق الجرس محد فتح اكثر عن مره عقب اذكر انها راقده دق على شيخه اخته
حمدان : شواخ
شيخه: هلا
حمدان : طرشيلي رقم الريم
شيخه : نعم شو تبا فيه
حمدان : يعمي مب ميت عليها ولا على رقمها يالس ادق الباب مب يالسه ترد طرشيلي رقمها عسب ادقلها
شيخه : اوكيه
وطرشتله دقلها اكثر عن مره بس ماردت هني بدا يتوتر تروع وخاف انه ستوالها شي وكان بيفتح الباب بس مقفول راح عند السكيورتي
حمدان : hello
السكيورتي: hello how can I help you
حمدان : actually my cousin is in room 1** and she locked her door and I want to see her because I'm scare if something wrong happened to her
السكيورتي: so you want her second key ?
حمدان : yes please
السكيورتي : can I see your id please
حمدان. : ok
وراواه هويته وجاف انه نفس اسم الريم عطاه المفتاح الثاني وراح علطول فوق وصل غرفته الريم دق الباب قال يمكن نشت بس بعدها ماردت فتح الباب اول شي تردد يدخل الحجره عليها لانها مب لابسه شيله ولا شي تقرب ودق الباب ماردت خاف فتح الباب بسرعه لقاها راقده متغطيه اهني حمد ربه مغطيه راسها بلحاف وراح صوبها يزقرها
الريم ! الريم ! الريم !
مافي اي جواب خاف تقرب منها جاف نفسها ضعيف رش عليها ماي بارد بس مانفع صفعها خفيف مانفع قال مافي غير يوديها المستشفى طبعا ماعنده حل غير انه يشلها ! طبعا هي كانت لابسه لبس الجامعه يعني راقده فيه والشيله عدالها شلها وغطى راسها بلشيله وهو مغمض شلها ونزل تحت حطها فلسياره حطها فالكرسي الي ورا وسرع اسرع شي عنده وصل المستشفى نزل من السياره بسرعه ربع يزقرهم عشان ايبون شبريه وشلو الريم ودخلوها طواري بسرعه وحمدان متروع وايد قلبه يدق بسرعه طبعا قال مابيخبر اهله لين مايجوف وضعها زين ويلس فكرسي الانتضار يتريا وبعد شوي طلع الدكتور وحمدان علطول نش
حمدان: how is she (شحالها الحين؟)
الدكتور: she is better now and if you came late she will be in danger ( احسن بس لو تأخرتو كانت بتدخل فمرحله خطره)
حمدان : what happened to her ( شو استوالها)
الدكتور : She's dizzy because she did not eat anything ( يتها دوخه لانها ماكلت شي )
حمدان : thank god can I see her now ( الحمدالله اقدر اجوفها الحين)
الدكتور : sure but who are you ( اكيد بس انت منو)
حمدان : her cousin ( ولد عمها )
الدكتور :  ok but We want the patient id ( اوك بس نحتاج هويه المريضه)
حمدان : okay wait a second ( اوك ثواني بس)
اتصل حمدان على محمد ماحب يروع امه و اهله ولا حب يروع اهل الريم بس اضطر انه يكلم محمد لانه الوحيد الي بيتفهم الوضع
حمدان : هلا محمد
محمد : اهلين
حمدان : اقولك مابطول عليك بس شسمه عادي تطرشلي هويه اختك الريم
محمد : عسى ماشر
حمدان: ما من شر بس اختك داخت بسبه انها ماكلت وديتها المستشفى بس دخيلك امي وامك و اهلي واهلك لايعرفون عشان لا يتروعون والموضوع يزيد عن حده
محمد : فديتها ماتجوف شر شو قالك الدكتور
حمدان : ماشي احسن الحين
محمد : يلا تمام الحين بطرشلك
وطرشله الهويه وراواها الدكتور وسجل بياناتها وكل شي وبعدين عطى حمدان الموافقه انه يدش على الريم راح حمدان صوب الحجره بس زقر الممرضه عشان تخبر الريم تلبس شيلتها عشان يدخل ودخلت
الممرضه: hello dear
الريم : hello
الممرضه: can you put you higab because your husband will come
الريم : my husband!!! Who and why I will wear the higab front of my husband
الممرضه : I don't know
ولبست الريم الشيله ههههه حليلها تتحره حمدان ريلها ماتعرف لو كان ريلها ماتتشيل ودق الباب حمدان
الريم : yes?
حمدان : الريم عادي ادش
الريم عرفته من صوته
الريم : هيه عادي
ودخل
حمدان : الحمدالله عسلامتج ماتجوفين شر
الريم : الله يسلمك صح انا منو يابني هني و شو ستوالي
حمدان خبرها كل شي والريم استحت الف يوم عرفت انه دش عليها
الريم : حد يعرف اني هني
حمدان : لا ماخبرت حد عشان مايحاتون لانه اليوم بيرخصونج
الريم: زين سويت
ورن تلفون حمدان امه داقه
ام حمدان : حمدان وينك من طلعت مارديت
حمدان : موجود بس ربعي دقولي يبوني ايهم الكوفي
ام حمدان : انزين طمنا على الاقل صح وديت حق الريم الغدا
حمدان : هيه وديتلها
ام حمدان : زين
وسكرت وبعد شوي دق محمد
حمدان : هلا
محمد : اهلين ها علومها
حمدان : بخير تبا ترمسها
محمد : هيه
حمدان : الريم محمد اخوج يباج
الريم : هاته
وعطاها الفون وطلع برا عشان الريم تاخذ راحتها ويا اخوها
الريم هني انهارت كانت ماسكه الصيحه بس يوم يت تكلم اخوها انهارت
محمد : حبيبتي شو فيج ليش كل ها
الريم : حمود ابا ارد البلاد خلاص زهقت ابا سيفوه
محمد: صح تعالي انتي ماكلتي عشان سيفوه
الريم : هيه
محمد : تهقين سيفوه لو يعرف بيعيبه تعرفين انه بيزعل
الريم : اعرف بس شسوي ماعرف اكمل اليمعه بدون ماكلمه
محمد: خلاص هانت ماباقي شي هاذا اخر اسبوع لج فلندن
الريم : الحمدالله
محمد : الحين الحمدلله ههههه منو كان حاشرنا يبا يكمل دراسته هناك
الريم : ههههههه خلاص توبه
محمد : هي جي ضحكي
الريم : صح حمود فشلههههه
محمد : ليش
الريم: متفشله من حمدان تخيل دش عليه الحجره يوم ماطعت انش
محمد: هههههه عادي الا حمدان
الريم : اوك الا حمدان بس فشله احس مالي ويه اطالعه
محمد : عادي بتتخطين
الريم : ماعتقد
محمد : هههه عيل حمدانوه وين
الريم : حليله عطاني التليفون وطلع عشان اكلمك
محمد: هيه حليلك يا حمدان زقريه حليله
الريم : انشاءالله
محمد: يلا ريماني مع السلامة
الريم : الله يحفظك
وبند وزقرت الريم حمدان ودخل
حمدان : ها علومه
الريم : بخير يسرك حاله
حمدان : جنه صايحه اجوف عينج تلمع
الريم : هيه
حمدان : افا ليش
الريم : ماشي بس حمود صيحني
حمدان : هيه
الريم : صح متى بطلع دخيلك رمس الدكتور مليت
حمدان: احسن هاذا درس حقج عشان تاكلين
الريم : هههههه
حمدان : هيه ضحكي مب حزينه يلا الحين بجوفه
وطلع يجوف الدكتور وكلمه ووافق انه الريم تطلع وراح عندها الحجره وخبرها وطلعو ركبوا السياره وكان هدوء الريم رقدت من التعب و حمدان كان بجوفها ويها كان بريء كنه ويه ياهل وهو راقد الولد ذاب ههههه وصل سكنها
حمدان : ريم ! ريم !
الريم : هلا
حمدان : وصلنا
الريم : وي فشله السموحه منك
حمدان : لا عادي خذي راحتج
ابتسمت الريم
الريم : يلا معا السلامه
حمدان : الله يحفظج
الريم : صح حمدان
حمدان : لبيه
الريم : لبيه حايه صح نسيت باجر عادي تخطفون علي الدريول مشغول ها الاسبوع
حمدان : اكيد
الريم : مشكور اعرف مثقله عليكم
حمدان : لا حشى والله
ابتسمت وراحت وصلت شقتها تعشت ورقدت
يتبع......
انشاءالله قريب بنزل الباقي انشاءالله تعيبكم الروايه وانشاءالله تحبون البارتز اليداد