عاصفة فوق الفرات🌪🌊

الباࢪت الاول

للكاتبة: نوࢪ مؤيد
...........    .........   .........
سرور: يمه عبير وينج.

عبير: هاا يمه شتردين.؟

سرور: لج يمه جيبيلي مي للعجين.

عبير: اي يمه ثواني.

سرور: الله يرضة عليج بنيتي.

عبير: هاج هذا المي.......

سرور: شلونها دراستج؟

عبير: زينة اليوم ستلمت نتيجة الاحياء اخذت 89.

سرور: عفية بنيتي ان شاءلله جيبين الاكثر وترفعين راسنة.

عبير: ان شاءلله يمه ارفع راسج وماخليج تحتاجين وتخبزين للعالم..

سرور: فدوة بنيتي لو كل البنات بشطارتج احنا بخير.. زين يمه اختج وينها.؟

عبير: اختي نايمة كالعادة..

سرور: والله هاي شلعت كلبي 24ساعة نوم بنوم ايمت ليل نهار نايمة لو تصير مثلج شاطرة وتسمعين الكلام وماتنامين بس بليل وتكعدين من وكت.

فاطمة: جنت نايمة كعدت طلعت لكيت امي وعبير كاعدات بالحوش ويحجن علية ويتهمني بالتقصير دائماً دمعت عيني مسحت دمعتي ورحت عليهن مبتسمة، هاا يمه شلونج.

سرور: هلا يمه اني زينة بنيتي.

فاطمة: عساج يارب، عبير ليش ماكعدتيني ب4مو كتلج كعديني ادرس ليش عفتيني هاي ساعة5ونص.

عبير: وجع كعدتج ماقبلتي تكومين.

فاطمة: واذا ماكعدت مرة وحدة لازم بس تكعديني الاماكوم فتهمتي.

عبير: اي فهمت يالله ولي ادرسي لاموتج.

فاطمة: وتتأمر فوكاها اي رايحة.

سرور: يمه شبيجن على بعضجن انتن خوات لازم تكونن كلب على كلب مو جنجن ضراير.

فاطمة: يمه اني اسفة؛ بس ماكلتي شنو العشة.

عبير: هاا بس تفكر بطنها ام بطن.

فاطمة: مالج دخل.

سرور: مادري والله انتو شتردون.

فاطمة: اكوم افتح الباب احسن، فتحت الباب طلع مرتضى اخوية.

مرتضى: هلا بالحلوة.

فاطمة: هلا بيك يروح اختك.

مرتضى: فطيم جبتلج حلويات انتي وعبير وهبه.

فاطمة: يروحي حضنتة حيل وباسني.

مرتضى: شعندي غير خواتي الاحبهن.

عبير: هلا خوية فوت الحمام حار اسبح اجهزلك الغدة.

مرتضى: تعالي ولج لحضن اخوج اشتاكيتلج، وين امي؟

سرور: هياتني يمه تعال كاعدة ورة الباب.

مرتضى: هلا يمه بستها من راسها وفتت جوة.

عبير: فاطمة ثرمي طماطة لي مافرغ.

فاطمة: اي هيان.

سرور: عبير.

عبير: هاا ماما.

سرور: وين اختج هبه؟

عبير: طلعت ويا صديقاتها يم الباب.

مرتضى: هسة من جيت شفتها يم الباب هي وبنت هم.

سرور: اي خوش عود اطلع كللها خلي تفوت قبل المغرب.

مرتضى: اي يمه هسة اكل واطلعلها.

فاطمة: نطيت الاكل لمرتضى وفتت للغرفة كعدت ادرس English باجر عندي امتحان هم، اوووف واهس ماكو يربي شلون الواحد يدرس مادري.

........................
كاتبة:نوࢪ مؤيد.

ان شاءلله تكون عجبتكم.

احبكم.