عاصفة فوق الفرات🌪🌊

الباࢪت ثاني

للكاتبة: نوࢪ مؤيد.

مساء الخير.

............................

مرتضى: فطوم.

فاطمة: هاا خوية.

مرتضى: شعندج باجر؟

فاطمة: English واهس ماعندي حتى ادرس ضايجة حيل.

مرتضى: اذا درستي زين وجيتي امتحنج وجاوبتي اطلعج نفتر ونشتري اكل.

فاطمة: اكلللل.

مرتضى: هههههه باع ام بطن كمزت من سمعت بالاكل، اي اكل اكل.

فاطمة: ههه عادي هسة ادرس والله هذا خوش تشجيع للدراسة.

عبير: فتت سمعتهم يحجون بلطلعة، وين تطلعون؟

مرتضى: لاتخافين نروح نطلع كلنا نأخذج.

عبير: اي خوش، يالله فاطمة خلصي بسرعة.

________________
طبعاً العيلة مكونة من.
وليد الاب بس ميت.
سرور الام.
مرتضى اكبر واحد20سنة.
عبير اصغر منه 18سنة.
فاطمة اصغر منها17سنة.
هبة الصغيرة10سنوات.
اضافة الى بنت خالتهم نادية تسكن وياهم 19سنة.
________________
مرتضى: هاا فطم خلصتي لو لا.

فاطمة: اي اخوية خلصت.

مرتضى: ورقة وقلم بسرعة امتحان.

فاطمة: اي يالله هاك، امتحني شلون امتحان المعلم اخذت 85.

مرتضى: اي زينة اذا جبتي هيج درجة نكول الحمدلله.

فاطمة: اي اخوية يالله نطلع.

مرتضى: بدلي يالله.

فاطمة: شوف حتى شعري مشطتة يالله كوم.

مرتضى: اسم الله ايمت لحكتي تبدلين.

فاطمة بدلتنة أني وعبير من جنت تصلح الورقة.

مرتضى: يالله منو يجي؟

فاطمة: اني وعبير وهبوشة.

مرتضى: وامي و نادية مايجن؟

فاطمة: امي تكول تعبانة توني خلصت الخبز دنام، ونادية تكول اني عندي امتحان باجر يادوب الحك وتوها رجعت من المدرس الخصوصي.

نادية: هلا مرتضى شلونك.

مرتضى: هه هلا هلا بيج شلونج شخبارج.

نادية: زينة الحمدلله انت شلونك.

مرتضى: اني زين، احنا طالعين ليش ماتجين ويانا.

نادية: والله ياخوية ماكدر تعبانة حيل وماكدر باجر عندي امتحان كيمياء ولازم اجيب معدل عالي علمود الوزاري.

مرتضى: اي براحتج اني كلت تجين تغيرين جو ويانا.

نادية: ان شاءلله علمرة الجاية نروح، يالله مع السلامه اني هسة اروح اكل ودرس.

مرتضى وفاطمة: مع السلامه.

فاطمة: ليش ماتكللها احبج؟

مرتضى: ولج فطم انجبي لا يسمعج احد.

فاطمة: يالله دكوم كوم ترة كلها تعرف بيك بس نادية ثولة ماتعرف، طلعنا وفترينة وصلنا المول نزلنة ومرتضى طلب ايسكريم لاخواتي واني جابلي لفات صاج لحم.

مرتضى: ولج على كيفج راح تفطسين ترة هاي اللفات الج مو لحد غيرج.

فاطمة: هههههه اي طبعاً الية مو لغيري، دحكت على واحد ضخم جنو جبل يدحك علية بنضرة خوفتني صراحة واني احاول اثولها بس يدحك علية ومايدحك لغيري كلت اني اروح اجيب مي ورجع.

مرتضى: لا هسة اني اجيب.

فاطمة: ترة هيان المي وراك ماطير والله وتشوفني اروح ورجع.

مرتضى:اي يالله بسرعه.

فاطمة: اول ماكمت هو هم كام مشيت وكفت انتظر يبيع للكدامي حتى ينطيني مي اجة هذا الغريب يمشي بتجاهي، اني خفت كمت ارجف من الخوف وهو يتقرب اكثر وكثر.

..............................
للكاتبة: نوࢪ مؤيد.

احبكم والله العظيم الرواية حتصير نار 🔥.