"ဟင္း...အင္း"
ခပ္တိုးတိုးၾကားလိုက္ရသည့္ ညည္းသံသဲ့သဲ့မွာ အအိပ္ဆတ္သူမို႔ လူက ဖ်တ္ခနဲနိုးသည္။ ခါတိုင္း တစ္ေယာက္တည္းအိပ္ေနက်ေပမဲ့ ယခုေတာ့ ေဘးမွာ ႏြေဦးသက္ထင္ရွိသည္ဆိုေသာ အသိစိတ္က ဦးစြာအရင္ဝင္သည္။
တိုးသဲ့သဲ့ညည္းသံက သူ႕ထံမွဆိုတာ သတိထားမိသည္ႏွင့္ သံပတ္ေပးထားသူလို လူက ခ်က္ခ်င္း ထထိုင္လိုက္မိသည္။"ႏြေဦးသက္ထင္"
ခပ္တိုးတိုးေခၚၾကည့္ရင္း ေဘးတေစာင္းလွဲေနသူ၏ ပခုံးကို ခပ္ဖြဖြတို႔ထိမိေတာ့
"က်စ္"
ပူက်စ္ေနသည့္ခံစားမႈေၾကာင့္ ေနရာမွ ခ်က္ခ်င္းထကာ မီးဖြင့္လိုက္ရသည္။ ကြၽန္ေတာ္လည္း အရင္က တစ္ခါတေလ ဖ်ားဖူးတိုင္း ညဘက္အပူႀကီးတတ္သည့္ ေဝဒနါကို ခံစားဖူးသည့္အားေလ်ာ္စြာ အေျခအေနကို ခ်က္ခ်င္းသေဘာေပါက္လိုက္သည္။ ႏြေဦးသက္ထင္ အဖ်ားတက္ေနၿပီ။
ပူပန္စိတ္က အိပ္ခ်င္စိတ္ကို သယ္ေဆာင္သြားသည့္အခါ ဘာလုပ္ရမည္ဆိုသည္က ေခါင္းထဲ ရွင္းလင္းစြာဝင္လာသည္။ ကြၽန္ေတာ္ ဖ်ားသည့္အခါတိုင္း အေမလုပ္ေပးေနက်အတိုင္း ေရဇလုံနဲ႕ အဝတ္ကို ခ်က္ခ်င္းျပင္ၿပီး သူ႕ေဘးနားထိုင္ကာ ေရပတ္ဝတ္တင္ေပးေတာ့ မ်က္လုံးေတြကို ခပ္ဖြဖြ ဖြင့္ၾကည့္လာသည့္သူ။
"အဆင္ေျပရဲ႕လား"
မ်က္ေတာင္ေတြကို တဖ်တ္ဖ်တ္ခတ္ရင္း ေခါင္းခါလာသူ၏ အနည္းငယ္မဲ့ေနသည့္မ်က္ႏွာက တစ္ေလာကလုံးကို မေက်နပ္ေနတဲ့ ကေလးတစ္ေယာက္လို။
"ေခါင္းကိုက္တယ္၊ ဒီနားေတြ တဆစ္ဆစ္ထိုးေနသလိုပဲ၊ ေျခေထာက္ေတြေရာ လက္ေတြေရာ ကိုက္တယ္"
သူ႕အတြက္ ႏွစ္ထပ္ထပ္ထားေပးသည့္ ဂြမ္းေဆာင္ကို လည္ပင္းထိ ဆြဲတင္ရင္း နားထင္ေၾကာေတြကို ႏွိပ္ျပကာ မႈန္ကုပ္ကုပ္ဆိုလာသူက ဘာမွလုပ္မေပးတတ္တဲ့ ကြၽန္ေတာ့္ကို အားကိုးတႀကီးၾကည့္တယ္။ အားကိုးခံရတဲ့ လူတစ္ေယာက္အေနနဲ႕ ဘာမဆိုလုပ္ေပးခ်င္တဲ့ ေစတနာကလည္း ေဆာင္းညအလယ္ သူစိမ္းတစ္ေယာက္အေပၚ ယိုဖိတ္ေလတယ်။
ေရပတ္ဝတ္ကို နဖူးေပၚတင္ေပးထားရင္းမွ ကြၽန္ေတာ့္လက္ေတြ သူ႕ေပါင္ဆီ လက္လွမ္းလိုက္သည္။
YOU ARE READING
အပိုဆုလေးမတောင်းချင်ပါ(အပိုဆုေလးမေတာင္းခ်င္ပါ)
Romanceမင်းကိုကျောခိုင်းလိုက်ဖို့ ကြိုးစားတိုင်း... စာသင်ခန်းထဲ မင်းနဲ့ငါပြိုင်ငြင်းဖူးတဲ့ ကမ္ဘာကြီးကလုံးတယ်ဆိုတဲ့ အမှန်တရားကြောင့်ဖြစ်မယ်... အချိန်တန်ရင်... ငါမျက်နှာချင်းဆိုင်ရာအရပ်တိုင်းမှာ မင်းရှိနေတယ်... Started date - 17.1.2021 မင္းကိုေက်ာခိုင္းလိုက္...