للتواصل انستا zahraaahmedn99
اريد اشوف تفاعل حلو يسر الخاطر ويعوض تعبي، تعليقاتكم بين الفقرات وتصويتكم شمعاتي يسويلي واهس للكتابه..
شاركوا القصه حتى تكبر عائلتنا ونستمتع وي مهيائيل مع بعض..
_________
ايريم
أحبك من تجي معلعل
شحلاتك من تگلي
ولايتي بحُضنك
وأسويلك وطن
من ديرة ضلوعي
وأگلك نام يمَدلل
مهيائيل: اكو سر ملاحقك من سنين مامخليك تعيش مرتاح واذا نعرف راح تصير مشكله وتدمر كلوب ويتأذه الشخص نفسه، اشوف بيها مرض، ابتعاد، فراق، حزن، وخداع، وخيانه، قصتك بيها بدايه مالها نهاية راح يعذبك حب وحده قريبه غريبه، تتلوع بيه حيل وماتكدر تخلص منه والرفض قائم من جميع الأطراف بالأساس هي.
أبيل: وليش اعيش هيج قصة؟!
مهيائيل: مستقبلك هيج يكول عاتبني اذا ماصار.
أبيل: العلم عند الله.
مهيائيل: علمنا الأنسان مالم يعلم متكدر تنكر.
أبيل: ايريم.
مهيائيل: بعيوني هاي.
أبيل: مراح تنظر بعدين؟
مهيائيل: حتى لو نظرت اني موجود وحميها لتخاف بدون سبب.
أبيل: هي اختي لتنسى.
مهيائيل: مرتي هي لتنسى.
أبيل: تزوجتك بالغصب لتنغر هوايه بهاي الصفه.
مهيائيل: القصه اخذت اتجاه ثاني.
أبيل: اذا جرحتها بيوم؟
مهيائيل: أبيل خلي بعقلك دائماً احنه البشر مامضمونين، نتعارك تصير بينه مشاكل وزعل ويمكن مرات اصير عصبي واصرخ بوجهه بسبب ظروفي أو العكس بس هاي الأمور ماتغير معزتها بكلبي تبقى هي سيدة البيت ومرتي ومحد يكدر يطخها بكلمه واني اشم الهوه وحتى لو متت حقوقها محفوظه فاطمأن اني ماضحي بشخص عزيز عليه،
شايف ذولي ال***** الكاعدين يم ابوك هسه؟
أبيل: شبيهم؟
مهيائيل: كلهم اكرهم طلع بس ثنين مع هذا معيشهم ابيتي واذا احد سمعهم كلمه أقيم عليه حرب، مابالك بزوجتي؟
أبيل: من باب معزتي بيه وخوفي عليها.
مهيائيل: ولهذا السبب شاركتك شي من داخل بيتي محد بيكم يعرف بيه.
أبيل: محتار ليش ختاريتها هي بدون باقي البنات؟!
مهيائيل: لأن سحرت كلبي وسحر الساحر مو سهل ابد.
أبيل: عزيمتك اليوم مو خاليه شنو وراها؟
مهيائيل: اخلصك من السحر.
أبيل: كالوا صعب اخلص من عنده لتحاول.
مهيائيل: منو كال؟
أبيل: من تزوجت ايريم تخربط وضعي حيل شكيت بنفسي مريض فرحت اني وبتال للمستشفى سويت كل الفحوصات طلعت سليم ميه ميه، الغريب كل فتره تصير عندي نفس الحاله بشكل مفاجئ وبكل مره الأعراض تزيد ماتنقص، تلعب نفسي او ادوخ وراسي احسه يريد ينفجر اكره اسمع القرآن وابتعد عن الدين اقترح عليه بتال اشوف روحاني بس اني مجنت اؤمن ومن سائت حالتي حيل قررت اسافر واعالج بره أو اكول بحجه دراسه راح اطلع حتى محد يلح عليه ويسألني لأن ماريد احد يعرف، وصلني بتال لمطار البصره ودعني وراح بالبوابة قبل مادخل لساحه الطيران دخت وفقدت وعيي صحيت بعد يومين بالمستشفى جانت يمي مره جبيرة بالعمر ساعدتني وطلعتني مثل الشخص الفاقد لا أيد ولا رجل اعتنت بيه بشكل مو طبيعي مشكلتها عدها بنات هوايه واسمع موسيقى عاليه وأصوات زلم بالبيت مشكيت كلت ممكن كرايبها لأن هي مخليتني بالغرفه وقافله عليه الباب وممنوع واحد يدخل يمي غيرها، بقيت هناك طول هاي الفتره وللامانه مگدرت احجي شي لأن وضعي مو زين وخفت امي يصير بيها شي اذا عرفت ابتعدت عن الكل وشفت هذا المناسب حتى ماضر أحد وقلقه عليه،
أنت تقرأ
مهيائيل
Spiritualفي بلد العجائب يَسكُن ساحرٌ لئيم ليس لدية رادع حتى القرآن الكريم بين كفيه سِحرٌ يجعل النساء عقيم شباب سكُرى ليس من خَمرٍ قديم تارك الصلاة قاطع الأرحام مشعوذٌ قوي وعربيد ظالم من هو؟؟؟ وما هو!!! قط أسود وامرأة مجنونه عين حمراء ودماء منثوره ويد عن الخ...
