لتنسون التعليق بين الفقرات والتصويت للبارت والمتابعه شمعاتي ❤️
_______
صحيحٌ أنّها أرقّ من الفراشات
ولكنها جابهت مواقف لا يتحمّلها أحد
وكافحت بشجاعة
وثبتت بقوّة..
مهيائيل: ذولي ال****** اذا ماربيتهم على أيدي فلا اطلع ابن زاهده، طايحين الحظ يردون يلوون ذراعي بيها، يخسوووون والرب الخلق ايريم اذا ماخليتهم يعضون اصابع الندم ويجون يبوسون الرجلين فلا اسمي إليه.
ترانيم: فهمني شنو الموضوع؟
مهيائيل: عمتها اول ماسامعه بيه مطلعها من المستشفى رايحه هاجمه على البيت على ابو اساس خاطف بتها، المشكله كلها بالشغل بس ياسيم هناك.
ترانيم: هاجمه وحدها لو وي عصابه؟
مهيائيل: بشرفج لايبدي غبائج يشتغل، عصابتيش!!
ترانيم: غير انت كلت هاجمه على البيت شعرفني كلت جابت عصابه شي.
مهيائيل: طلعي التركي من عقلج ومسلسلات الاكشن، مسويه فضيحه بالمنطقه واحنه ما شاء الله عدنا سوابق العالم صدكت خاطف بتها.
ترانيم: يمعود تحجي صدك غير هي مرتك.
مهيائيل: لا عيوني مسويه فلم جديد هسه خابرتني ياسيم تلطم تكول هجمت البيت هجم علينا، جنت مقرر اخذكم ونروح فتره علمود تغير جو بس ماطول تعدت على بيتي وتهمتني اني اعلمها اذا ماخليها تحلم تشوف اظفرها بعد هينن.
حميده: واكفه هنا وتلعلعين بنص الشارع هاي شنو معناها؟
تسنيم: خلي يفتح الباب ويطلع بتي، هذا الحقير الله لايوفقه يريد يموتها ادري بيه، بسببه دخلت مستشفى والله اعلم شنو حالها راح يصير خبلها الله لاينطي العافيه كون.
ابو محمد: على كيفج ام أبيل البنيه صار وياها حادث ورجلها اصلاً مجان موجود لتبلين على الرجال انا شاهد تره وهو اجه سألني، هاي فوك طيب أصله ورجعها بعد سوايتها هيج تسوين مامرجيه منج ولا من الحجي.
تسنيم: طبعاً تكول هيج اكيد ساحرك لا اصلاً ساحركم كلكم مثل ماسحر بنتي وخلاها تنعمي على عيونها وماتريد تجي وياي.
حميده: شوفي وحك العباس امطلج هنا واكضي بيج التوبه احترمي البيت وحرمته لا اشلع شعفتج والعن اليوم الصرتي بيه، مو السان يكول دلاله جايه هداده من صباح الله خير على العالم والله خطفوا بتي اللي يسمعها يكول بتها ام سنتين مو مزوجه صارلها قرن، استجني وثكلي لو شفتي صار شي وياها عبالج مهيائيل ينطيها بحافظه الج، شايفه سما ربج الفوكج اقربلج منها، مهيائيل هذا مو حي الله واحد وتكدرين تلعبين عليه بسوالفج وطولة اللسان.
وصل للباب وشافهن واكفات يتعاركن نزل وقفل البيبان علينه وراح يمها.
مهيائيل: على كيفج ام ابيل شنو ماكله السان طير من صبح الله حتى عندج طاقه وحيويه لهيج سوالف؟
أنت تقرأ
مهيائيل
Spiritualفي بلد العجائب يَسكُن ساحرٌ لئيم ليس لدية رادع حتى القرآن الكريم بين كفيه سِحرٌ يجعل النساء عقيم شباب سكُرى ليس من خَمرٍ قديم تارك الصلاة قاطع الأرحام مشعوذٌ قوي وعربيد ظالم من هو؟؟؟ وما هو!!! قط أسود وامرأة مجنونه عين حمراء ودماء منثوره ويد عن الخ...
