My Heroic Tulpa ⭐️.

Your journey 🎯 ..

رحلتك 🎯..

ازيّكوا عاملين ايه ؟ اتمنى انكوا تكونوا كويسين يا لطيفين 🤍

حاسة اني مش عايزة في البارت دا اقول مقدمة زي كل بارت

ليه ؟ عشان ببساطة لازم تقروا البارت ، انتوا محتاجينه و انا كنت محتاجة حد يقولي الكلام دا و ما زلت والله

و بما اني واحدة بقالي فترة الحمدلله يعني بعمل كدا مع نفسي و بقول الكلام دا لنفسي كأني انا رايحة انصح حد بيمّر بنفس الي انا فيه

الكلام دا هو الي بيفوّق الواحد و يصحيه من الهبل الي هو فيه

خدوها عادة اعملوها مع نفسكوا و هتلاقوا فرق ، بس بعيدًا بقا عن كدا ف تعالوا انا اقولكوا الكلام دا يحبايبي

و اقوله لنفسي اولًا

مش هكدب عليكوا انا ك مالّي بفقد الشغف و الطاقة و كل حاجة في فترات كتير و ايام كتير

و حرفيا كل ثانية و كل دقيقة و كل ساعة ببقا بحالة مختلفة

مرة فرحانة و مرة كئيبة و مرة جلد ذات و مرة مش فارق معايا و عايزة ارتاح طول اليوم و هكذا ..

انا الفترة دي ميكس عايزة ارتاح و ف نفس الوقت فيه شغف اني عايزة اغير الدنيا ١٨٠ درجة و اكسر الدنيا و ف نفس الوقت مش منظمة يومي و ماشي عشوائي و مش بعمل حاجة اغير بيها الي بمّر بيه

يعني عايزة اغير كذا حاجة ف حياتي و عاملة ليست وبتاع و المفروض حاطة اولويات اه كذا الاول و كذا تاني حاجة بس بقول ايه طب خلاص بريك افتح انستا و بعدين اكمل

طبعا بفتح و مبقفلش غير لو رايحة انام و هكذا

بتدايق اوي من إني نِفسي اعمل حاجة عشان نفسي و عشان تاي و كدا بس مبعملش

ليه ؟ عشان حضرتي كسلانة و عايزة افضل طول اليوم قاعدة كدا مبتحركش

و يجماعة والله بكلمكوا كصحابي و اخواتي دايمًا و مبحبش اخبي يعني

الواحد بيقرف من نفسه و هو مبيعملش حاجة طول اليوم كدا

على قد ما الوضع مريح على قد ما بجد ببقا عايزة امسكني كدا اكسرني ١٠٠ حتة عشان مببقاش قد كلامي

مثلا مثلا يعني

(و دا مش مثال دي حقيقة بس عشان اتعودت على كلمة مثلا لما اجي اقول حاجة ف حياتي 😭😭)

المهمم هحاول مطلعش من الموضوع

المهم